പാ​ത​യോ​ര​ത്തെ ഓ​ട​യി​ൽ ക​ക്കൂ​സ് മാ​ലി​ന്യം ത​ള്ളി

ച​ങ്ങ​രം​കു​ളം: സം​സ്ഥാ​ന പാ​ത​യോ​ര​ത്തെ ശു​ചീ​ക​രി​ച്ച ഓ​ട​യി​ൽ സാ​മൂ​ഹി​ക​വി​രു​ദ്ധ​ർ ക​ക്കൂ​സ് മാ​ലി​ന്യം ത​ള്ളി. ച​ങ്ങ​രം​കു​ളം മേ​ലെ മാ​ന്ത​ട​ത്താ​ണ് രാ​ത്രി​യു​ടെ മ​റ​വി​ൽ ഓ​ട​യി​ൽ സെ​പ്റ്റി​ക് മാ​ലി​ന്യം ത​ള്ളി​യ​ത്. ഞാ​യ​റാ​ഴ്ച രാ​വി​ലെ അ​സ​ഹ്യ ദു​ർ​ഗ​ന്ധം അ​നു​ഭ​വ​പ്പെ​ട്ട​തി​നെ​ത്തു​ട​ർ​ന്ന് പ്ര​ദേ​ശ​വാ​സി​ക​ൾ വ​ന്ന് നോ​ക്കി​യ​പ്പോ​ഴാ​ണ് മാ​ലി​ന്യം ഒ​ഴു​ക്കി​യ​ത് ക​ണ്ടെ​ത്തി​യ​ത്. ക​ഴി​ഞ്ഞ ദി​വ​സ​ങ്ങ​ളി​ലാ​യി സം​സ്ഥാ​ന​പാ​ത​യി​ൽ പ്ര​ദേ​ശ​ത്തെ ഓ​ട​ക​ളി​ൽ​നി​ന്ന് മാ​ലി​ന്യം നീ​ക്കി​യി​രു​ന്നു. ഇ​വി​ടെ​യാ​ണ് രാ​ത്രി വാ​ഹ​ന​ങ്ങ​ളി​ൽ കൊ​ണ്ടു​വ​ന്ന് മാ​ലി​ന്യം ത​ള്ളി​യ​ത്.

അ​സ​ഹ്യ ദു​ർ​ഗ​ന്ധം മൂ​ലം പ്ര​ദേ​ശ​വാ​സി​ക​ൾ ഏ​റെ ബു​ദ്ധി​മു​ട്ടി​ലാ​ണ്. കാ​ല​ങ്ങ​ളാ​യി പ്ര​ദേ​ശ​ത്തെ പാ​ട​ങ്ങ​ളി​ലും തോ​ടു​ക​ളി​ലും ക​ക്കൂ​സ് മാ​ലി​ന്യം ത​ള്ളു​ന്ന​ത് പ​തി​വാ​ണ്. കാ​ളാ​ച്ചാ​ൽ, ചി​യ്യാ​നൂ​ർ, കോ​ക്കൂ​ർ, കോ​ലി​ക്ക​ര, ക​ട​വ​ല്ലൂ​ർ പ്ര​ദേ​ശ​ങ്ങ​ളി​ൽ ഇ​ത്ത​ര​ത്തി​ൽ മാ​ലി​ന്യം ത​ള്ളി​യി​രു​ന്നു. അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു.