അ​ങ്ങാ​ടി​പ്പു​റ​ത്ത് ദേ​ശീ​യ​പാ​ത അ​ട​ച്ച് ന​വീ​ക​ര​ണം; യാ​ത്രാ​ദു​രി​ത​ത്തി​ൽ വ​ല​ഞ്ഞ് ജ​ന​ങ്ങ​ൾ

പെ​രി​ന്ത​ൽ​മ​ണ്ണ: അ​ങ്ങാ​ടി​പ്പു​റം റെ​യി​ൽ​വേ മേ​ൽ​പാ​ല​ത്തി​ന് സ​മീ​പം ആ​രം​ഭി​ച്ച റോ​ഡ് ന​വീ​ക​ര​ണ​ത്തി​ന്റെ ഭാ​ഗ​മാ​യി റോ​ഡി​ൽ ഇ​ന്റ​ർ​ലോ​ക്ക് ക​ട്ട വി​രി​ക്ക​ൽ തു​ട​ങ്ങി. ബേ​ബി​മെ​റ്റ​ൽ നി​ര​ത്തി​യാ​ണ് ക​ട്ട​വി​രി​ക്കു​ന്ന​ത്. ഈ ​ഭാ​ഗ​ത്ത് റോ​ഡ് കു​ഴി​യ​ട​ച്ചാ​ലും വേ​ഗ​ത്തി​ൽ ത​ക​രു​ന്ന​ത് തു​ട​ർ​ന്ന​പ്പോ​ഴാ​ണ് ക​ട്ട​വി​രി​ക്കാ​ൻ തീ​രു​മാ​നി​ച്ച​ത്.

പ്ര​വൃ​ത്തി​ക​ൾ വേ​ഗ​ത്തി​ലാ​ണ് ന​ട​ത്തു​ന്ന​ത്. ജൂ​ലൈ അ​ഞ്ചി​ന​കം പ്ര​ധാ​ന​ഘ​ട്ടം പൂ​ർ​ത്തി​യാ​ക്കാ​നും ആ​റു മു​ത​ൽ ചെ​റി​യ വാ​ഹ​ന​ങ്ങ​ൾ​ക്ക് ഗ​താ​ഗ​തം ഭാ​ഗി​ക​മാ​യി അ​നു​വ​ദി​ക്കാ​നു​മാ​ണ് അ​ധി​കൃ​ത​ർ ല​ക്ഷ്യ​മി​ടു​ന്ന​ത്. മ​ഞ്ഞ​ളാം​കു​ഴി അ​ലി എം.​എ​ൽ.​എ തി​ങ്ക​ളാ​ഴ്ച സ്ഥ​ലം സ​ന്ദ​ർ​ശി​ച്ച് പ​ര​മാ​വ​ധി വേ​ഗ​ത്തി​ലും കു​റ്റ​മ​റ്റ രീ​തി​യി​ലും തീ​ർ​ക്കാ​ൻ ബ​ന്ധ​പ്പെ​ട്ട​വ​ർ​ക്ക് നി​ർ​ദേ​ശം ന​ൽ​കി.

പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത പൂ​ർ​ണ​മാ​യും അ​ട​ച്ച​തോ​ടെ പെ​രി​ന്ത​ൽ​മ​ണ്ണ, മ​ഞ്ചേ​രി, മ​ല​പ്പു​റം കോ​ട്ട​ക്ക​ൽ, വ​ളാ​ഞ്ചേ​രി എ​ന്നി​വി​ട​ങ്ങ​ളി​ലേ​ക്കും തി​രി​ച്ചും യാ​ത്ര ചെ​യ്യു​ന്ന​വ​ർ വ​ലി​യ പ്ര​തി​സ​ന്ധി​യി​ലാ​ണ്. മ​ല​പ്പു​റം, മ​ഞ്ചേ​രി, കോ​ട്ട​ക്ക​ൽ, വ​ളാ​ഞ്ചേ​രി ഭാ​ഗ​ങ്ങ​ളി​ൽ നി​ന്ന് വ​രു​ന്ന ബ​സു​ക​ൾ അ​ങ്ങാ​ടി​പ്പു​റം ടൗ​ൺ വ​രെ എ​ത്തി യാ​ത്ര​ക്കാ​രെ ഇ​റ​ക്കി അ​വി​ടെ നി​ന്നും യാ​ത്ര​ക്കാ​രെ ക​യ​റ്റി മ​ട​ങ്ങു​ക​യാ​ണ്.

അ​വി​ടെ ഇ​റ​ക്കു​ന്ന യാ​ത്ര​ക്കാ​ർ അ​ര കി.​മീ ന​ട​ന്ന അ​ങ്ങാ​ടി​പ്പു​റം മേ​ൽ​പ്പാ​ല​വും ക​ട​ന്ന് അ​ങ്ങാ​ടി​പ്പു​റം ഗ​വ. പോ​ളി ടെ​ക്നി​ക്കി​ന് സ​മീ​പം വ​ന്നാ​ൽ ബ​സു​ണ്ട്. അ​തേ​സ​മ​യം, പെ​രി​ന്ത​ൽ​മ​ണ്ണ​യി​ൽ എ​ത്തി തു​ട​ർ​ന്നും സ​ർ​വി​സ് ന​ട​ത്തേ​ണ്ട ബ​സു​ക​ൾ ഓ​രാ​ടം​പാ​ലം- വ​ല​മ്പൂ​ർ-​മു​ള്ള്യാ​കു​ർ​ശി-​പ​ട്ടി​ക്കാ​ട് റോ​ഡ് വ​ഴി പെ​രി​ന്ത​ൽ​മ​ണ്ണ​യി​ൽ എ​ത്തും. ഇ​തു​വ​ഴി 15 കി​ലോ​മീ​റ്റ​റോ​ളം സ​ഞ്ച​രി​ച്ചു വേ​ണം പെ​രി​ന്ത​ൽ​മ​ണ്ണ സ്റ്റാ​ൻ​ഡി​ൽ എ​ത്താ​ൻ.

വാഹനങ്ങളാൽ നിറഞ്ഞ് ഇടറോഡുകൾ

പെ​രി​ന്ത​ൽ​മ​ണ്ണ: ദേ​ശീ​യ​പാ​ത അ​ങ്ങാ​ടി​പ്പു​റ​ത്ത് അ​ട​ച്ച് ന​വീ​ക​ര​ണം തു​ട​ങ്ങി​യ​തോ​ടെ വ​ല​മ്പൂ​ർ ഇ​ട​റോ​ഡ് വാ​ഹ​ന​ങ്ങ​ളാ​ൽ നി​റ​ഞ്ഞു. മ​ല​പ്പു​റം, മ​ഞ്ചേ​രി, വ​ളാ​ഞ്ചേ​രി, കോ​ട്ട​ക്ക​ൽ ഭാ​ഗ​ങ്ങ​ളി​ൽ​നി​ന്ന് പെ​രി​ന്ത​ൽ​മ​ണ്ണ വ​ഴി ക​ട​ന്നു പോ​വേ​ണ്ട ചെ​റു​വാ​ഹ​ന​ങ്ങ​ളും കാ​റു​ക​ളു​മ​ട​ക്കം വ​ല​മ്പൂ​ർ റോ​ഡ് വ​ഴി​യാ​ണ് ക​ട​ത്തി വി​ടു​ന്ന​ത്. അ​ങ്ങാ​ടി​പ്പു​റം ടൗ​ണി​ലെ​ത്തു​ന്ന​തി​ന് ര​ണ്ടു കി.​മീ മു​മ്പ് ഓ​രാ​ടം​പാ​ല​ത്തി​ന് സ​മീ​പ​മാ​ണ് വ​ല​മ്പൂ​ർ റോ​ഡ് ആ​രം​ഭി​ക്കു​ന്ന​ത്.

അ​ഞ്ചു കി​ലോ മീ​റ്റ​ർ യാ​ത്ര ചെ​യ്ത് വ​ല​മ്പൂ​രും പി​ന്നീ​ട് അ​ഞ്ചു കി​ലോ മീ​റ്റ​ർ യാ​ത്ര ചെ​യ്ത് പ​ട്ടി​ക്കാ​ട് റെ​യി​ൽ​വേ സ്റ്റേ​ഷ​ൻ പ​രി​സ​ര​വു​മെ​ത്തും. പി​ന്നീ​ട് പാ​ല​ക്കാ​ട്, മ​ണ്ണാ​ർ​ക്കാ​ട് ഭാ​ഗ​ങ്ങ​ളി​ലേ​ക്ക് പോ​വേ​ണ്ട വാ​ഹ​ന​ങ്ങ​ൾ പെ​രി​ന്ത​ൽ​മ​ണ്ണ​യി​ലെ​ത്തി യാ​ത്ര തു​ട​ര​ണം. വ​ല​മ്പൂ​രി​ലും പ​ട്ടി​ക്കാ​ടും പൊ​ലീ​സ് ഇ​ട​പെ​ട്ട് ട്രാ​ഫി​ക് നി​യ​ന്ത്രി​ക്കു​ന്നു​ണ്ട്. പെ​രി​ന്ത​ൽ​മ​ണ്ണ​യി​ൽ​നി​ന്ന് സ​ർ​വി​സ് തു​ട​രേ​ണ്ട ബ​സു​ക​ളെ പൊ​ലീ​സ് ക​ട​ത്തി​വി​ടു​ന്നു​ണ്ട്.

ക​ണ്ടെ​യ്ന​റു​ക​ൾ പെ​രി​ന്ത​ൽ​മ​ണ്ണ ടൗ​ണി​ലോ അ​ങ്ങാ​ടി​പ്പു​റ​ത്തോ എ​ത്താ​തെ പെ​രി​ന്ത​ൽ​മ​ണ്ണ ടൗ​ണി​ൽ​നി​ന്ന് പൊ​ന്യാ​കു​ർ​ശി ബൈ​പ്പാ​സ് വ​ഴി ഊ​ട്ടി റോ​ഡി​ലും പി​ന്നീ​ട് പാ​ണ്ടി​ക്കാ​ട്-​മ​ഞ്ചേ​രി-​വ​ള്ളു​വ​മ്പ്രം റൂ​ട്ടി​ലും കോ​ഴി​ക്കോ​ട്ടേ​ക്കും തി​രി​ച്ചും ഓ​ടു​ന്നു. ഇ​ട​വ​ഴി​യാ​യ അ​ങ്ങാ​ടി​പ്പു​റം ഏ​റാ​ന്തോ​ട് ഏ​ഴു​ക​ണ്ണി​പ്പാ​ലം റോ​ഡാ​ണ് ബൈ​ക്കു​യാ​ത്രി​ക​ർ അ​ധി​കം ആ​ശ്ര​യി​ക്കു​ന്ന​ത്. തി​ങ്ക​ളാ​ഴ്ച ഈ ​റോ​ഡി​ൽ വ​ലി​യ തി​ര​ക്കാ​യി​രു​ന്നു. പ്ര​വൃ​ത്തി ന​ട​ക്കു​ന്ന റോ​ഡി​ൽ ആം​ബു​ല​ൻ​സ് സ​ർ​വി​സി​ന് ഒ​രു ഭാ​ഗം നീ​ക്കി​വെ​ച്ചി​ട്ടു​ണ്ട്.

മേൽപ്പാലത്തിൽ റീടാറിങ് നടത്തണമെന്ന് ആവശ്യം

അ​ങ്ങാ​ടി​പ്പു​റം: ദേ​ശീ​യ​പാ​ത അ​ട​ച്ചി​ട്ട ഘ​ട്ട​ത്തി​ൽ മേ​ൽ​പ്പാ​ലം റീ​ടാ​റി​ങ് കൂ​ടി ന​ട​ത്തു​ന്ന​ത് ആ​ലോ​ചി​ക്ക​ണ​മെ​ന്ന് ആ​വ​ശ്യം. ക​ന​ത്ത ചൂ​ടി​ൽ റോ​ഡി​ലെ ടാ​ർ ഒ​രു വ​ഷ​ത്തേ​ക്ക് ഉ​രു​കി ഒ​ലി​ച്ചി​റ​ങ്ങി​യും കു​ഴി​ക​ൾ രൂ​പ​പ്പെ​ട്ട് മേ​ൽ​പ്പാ​ല​ത്തി​ന്റെ സ്ലാ​ബു​ക​ൾ കാ​ണു​ന്ന രീ​തി​യി​ലു​മാ​ണി​പ്പോ​ൾ.

പാ​ല​ത്തി​ലെ റോ​ഡി​ന് അ​രി​ക് ചി​ല ഭാ​ഗ​ങ്ങി​ൽ ഉ​യ​രം കൂ​ടി​യ​തി​നാ​ൽ ഇ​രു​ച​ക്ര വാ​ഹ​ന​ങ്ങ​ൾ ഇ​തി​ൽ​നി​ന്ന് തെ​ന്നി മ​റ്റു വ​ലി​യ​വാ​ഹ​ന​ങ്ങ​ളി​ൽ ത​ട്ടി അ​പ​ക​ട​ത്തി​ൽ​പ്പെ​ടു​ന്ന സ്ഥി​തി​യു​ണ്ട്. വ​ലി​യ വാ​ഹ​ന​ങ്ങ​ൾ​ക്കു റോ​ഡി​ലെ ഈ ​ഉ​യ​ര​ങ്ങ​ൾ ഏ​റെ പ്ര​യാ​സം സൃ​ഷ്ടി​ക്കു​ന്നു​ണ്ട്. ദി​വ​സ​ങ്ങ​ളോ​ളം അ​ട​ച്ചി​ടു​ന്ന മേ​ൽ​പ്പാ​ല​ത്തി​ൽ റോ​ഡി​ലെ ഈ ​പ​ണി​ക​ൾ കൂ​ടി തീ​ർ​ക്കു​ക​യാ​ണെ​ങ്കി​ൽ ഇ​നി ടാ​റി​ങ്ങി​നു​വേ​ണ്ടി മേ​ൽ​പ്പാ​ലം മ​റ്റൊ​രു സ​മ​യ​ത്ത്അ​ട​ച്ചി​ടേ​ണ്ട ആ​വ​ശ്യ​മി​ല്ല എ​ന്നാ​ണ് യാ​ത്ര​ക്കാ​രും ഡ്രൈ​വ​ർ​മാ​രും പ​റ​യു​ന്ന​ത്.