സജേഷ്
പരപ്പനങ്ങാടി: ഔദോഗിക കൃത്യനിർവഹണത്തിനിടെ പരപ്പനങ്ങാടി എസ്.എച്ച്.ഒയെ ഗ്ലാസുകൊണ്ട് കുത്തിപ്പരിക്കേൽപ്പിച്ച് മുങ്ങിയ പ്രതി പിടിയിൽ. ചെട്ടിപ്പിടി സ്വദേശി കാട്ടുങ്ങൽ സജേഷിനെ (42) മംഗലാപുരത്ത് വെച്ചാണ് പരപ്പനങ്ങാടി പൊലീസ് അറസ്റ്റ് ചെയ്തത്. സ്റ്റെപ്റ്റോ ജോണിനെയാണ് ഇയാൾ കുത്തിപ്പരിക്കേൽപ്പിച്ചത്.
മാനസികാസ്വാസ്ഥ്യവും ആക്രമ വാസനയും പ്രകടിപ്പിച്ച പ്രതിയെ ചികിത്സക്ക് കൊണ്ടുപോകാനായി വീട്ടിലെത്തിയപ്പോഴാണ് ആക്രമിച്ചത്. തുടർന്ന് പ്രതി ഓടി രക്ഷപ്പെടുകയായിരുന്നു.
മംഗലാപുരത്ത് ഒളിവിൽ കഴിയുകയായിരുന്ന പ്രതി അവിടെ ഓട്ടോക്കാരനുമായി തർക്കിക്കുന്നത് കണ്ട് പൊലീസ് എത്തി. ഈ സമയം ഓടിരക്ഷപ്പെടുന്നതിനിടെ വീണ് കാലിന് പരിക്കേൽക്കുകയും ചെയ്തു.
വിവരമറിഞ്ഞ് പരപ്പനങ്ങാടി പൊലീസ് എത്തി പ്രതിയെ കസ്റ്റഡിയിലേടുക്കുകയായിരുന്നു. കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.