അരിവാൾ കൊക്കന്മാരെത്തി; വയലുകളിൽ ദേശാടനക്കിളികൾക്ക് സ്വൈരവിഹാരം

മ​ങ്ക​ട: വൃ​ശ്ചി​ക​ക്കു​ളി​രി​ന്റെ ഈ​റ​ൻ മ​ഞ്ഞ് വി​ട്ടൊ​ഴി​യാ​ത്ത വ​യ​ലു​ക​ളി​ൽ ദേ​ശാ​ട​ന​ക്കി​ളി​ക​ൾ​ക്ക് സ്വൈ​ര​വി​ഹാ​രം. ദേ​ശാ​ട​ന​ക്കി​ളി​ക​ളാ​യ വെ​ള്ള അ​രി​വാ​ൾ കൊ​ക്ക​ൻ (ക​ഷ​ണ്ടി കൊ​ക്ക​ൻ), ചേ​രാ കൊ​ക്ക​ൻ തു​ട​ങ്ങി​യ ഇ​ന​ത്തി​ൽ​പെ​ട്ട വ​ലി​യ കൊ​റ്റി​ക​ളാ​ണ് ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ലെ വ​യ​ലു​ക​ളി​ൽ സു​ഖ​വാ​സ​ത്തി​നെ​ത്തി​യ​ത്. വ​ർ​ഷ​ങ്ങ​ളാ​യി പ​തി​വ് സ​ന്ദ​ർ​ശ​ക​രാ​യ ചേ​രാ കൊ​ക്ക​ൻ​മാ​ർ ന​വം​ബ​റോ​ടെ​യാ​ണ് എ​ത്തി​യ​ത്.

കൂ​ടാ​തെ വെ​ള്ള അ​രി​വാ​ൾ കൊ​ക്ക​ന്മാ​രും ഇ​ത്ത​വ​ണ കൂ​ട്ട​മാ​യി എ​ത്തി. അ​രി​വാ​ൾ കൊ​ക്ക​ന് 65 മു​ത​ൽ 75 സെൻറി മീ​റ്റ​ർ വ​രെ നീ​ള​മു​ണ്ടാ​കും. ക​റു​ത്ത കാ​ലും ത​ല​യും ക​ഴു​ത്തും അ​രി​വാ​ൾ ആ​കൃ​തി​യി​ലു​ള്ള കൊ​ക്കും ഇ​വ​യു​ടെ പ്ര​ത്യേ​ക​ത​യാ​ണ്. ക​ട​ലു​ണ്ടി പ​ക്ഷി​സ​ങ്കേ​തം, തൃ​ശൂ​രി​ലെ കോ​ൾ നി​ല​ങ്ങ​ൾ എ​ന്നി​വി​ട​ങ്ങ​ളി​ൽ ധാ​രാ​ള​മാ​യി ക​ണ്ടു​വ​രു​ന്ന വെ​ള്ള അ​രി​വാ​ൾ കൊ​ക്ക​ൻ​മാ​ർ ഇ​ത്ത​വ​ണ വ്യാ​പ​ക​മാ​യി ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ലെ വ​യ​ലു​ക​ളി​ൽ എ​ത്തി​യി​ട്ടു​ണ്ട്.

ഇ​വ​യു​ടെ ഗ​ണ​ത്തി​ൽ​പെ​ട്ട ചെ​ന്ത​ല​യ​ൻ അ​രി​വാ​ൾ കൊ​ക്ക​ൻ, ചെ​റി​യ അ​രി​വാ​ൾ കൊ​ക്ക​ൻ എ​ന്നി​വ കേ​ര​ള​ത്തി​ൽ വ​രാ​റി​ല്ലെ​ന്ന് പ​ക്ഷി നി​രീ​ക്ഷ​ക​ർ പ​റ​യു​ന്നു. വ​യ​ലി​ലെ പു​ഴു​ക്ക​ളും മ​ണ്ണി​ര​ക​ളു​മാ​ണ് ഇ​വ​യു​ടെ ഭ​ക്ഷ​ണം. നാ​ട​ൻ കൊ​ക്കി​ന​ങ്ങ​ളാ​യ ചെ​റു​മു​ണ്ടി, ചി​ന്ന കൊ​ക്ക​ൻ, കു​ള​ക്കൊ​ക്ക് തു​ട​ങ്ങി​യ​വ​യു​ടെ കൂ​ട്ട​ത്തി​ൽ വ​യ​ലു​ക​ളി​ലെ ച​പ്പു നി​ല​ങ്ങ​ളി​ലാ​ണ് കൂ​ട്ട​മാ​യി ഇ​വ ഇ​ര തേ​ടു​ന്ന​ത്. ചേ​രാ കൊ​ക്ക​ന്മാ​രു​ടെ സാ​ന്നി​ധ്യം നേ​ര​ത്തേ ത​ന്നെ ജി​ല്ല​യി​ലെ വ​യ​ലു​ക​ളി​ൽ ഉ​ണ്ടെ​ങ്കി​ലും ക​ഴി​ഞ്ഞ വ​ർ​ഷം മു​ത​ലാ​ണ് ക​ഷ​ണ്ടി കൊ​ക്ക​ന്മാ​ർ സ​ജീ​വ​മാ​യി തു​ട​ങ്ങി​യ​ത്. ന​വം​ബ​ർ മു​ത​ൽ മാ​ർ​ച്ച് വ​രെ ഇ​വ ജി​ല്ല​യി​ൽ ത​ങ്ങും.