കോടികൾ മുൻകൂറായി നൽകി; കാലിക്കറ്റ് സർവകലാശാലയിലെ വികസനപ്രവൃത്തികൾ അനിശ്ചിതത്വത്തിൽ
നിയമസഭയിൽ ടി.വി. ഇബ്രാഹിം എം.എൽ.എയുടെ ചോദ്യത്തിന് ഉന്നത വിദ്യാഭ്യാസ മന്ത്രി നൽകിയ മറുപടിയിലാണ് ഈ വിവരങ്ങൾ പുറത്തുവന്നത്.
സർവകലാശാലയുടെ നെറ്റ്‌വർക്ക് പുനഃസംഘടന, ക്യാംപസ് വൈഫൈ (4.60 കോടി രൂപ), സുരക്ഷാ നിരീക്ഷണ സംവിധാനം (1.07 കോടി രൂപ), ഫൈബർ ബാക്ക്ബോൺ രണ്ടാംഘട്ടം (2.63 കോടി രൂപ) തുടങ്ങിയ ആവശ്യങ്ങൾക്കായാണ് പണം കൈമാറിയത്. ഇതിൽ ഫൈബർ ബാക്ക്ബോൺ ഒന്നാംഘട്ടം 2023 മാർച്ചിൽ പൂർത്തിയായെന്ന് പൊതുമരാമത്ത് വകുപ്പ് അവകാശപ്പെടുന്നുണ്ടെങ്കിലും അതുകൊണ്ട് സർവകലാശാലക്ക് യാതൊരു പ്രയോജനവുമില്ല. 2024ൽ ആരംഭിച്ച മറ്റ് മൂന്ന് പ്രവൃത്തികളുടെയും പൂർത്തീകരണ തീയതി വ്യക്തമാക്കാൻ ഇനിയും വകുപ്പിന് കഴിഞ്ഞിട്ടില്ല.
വിവിധ ഏജൻസികൾക്കാണ് കരാർ നൽകിയിട്ടുള്ളതെങ്കിലും, സർവകലാശാലയിൽനിന്ന് പ്രത്യേക നിർവഹണ ഉദ്യോഗസ്ഥനെ ചുമതലപ്പെടുത്താത്തതിനാൽ പ്രവൃത്തികളുടെ പുരോഗതിയുടെയും വീഴ്ചകളുടെയും പൂർണ ഉത്തരവാദിത്വം പൊതുമരാമത്ത് വകുപ്പിലാണ്. കോടികൾ മുൻകൂറായി നൽകിയിട്ടും ലക്ഷ്യം കൈവരിക്കാനാവാത്ത സാഹചര്യത്തിൽ, കരാർ വ്യവസ്ഥകൾ ലംഘിക്കപ്പെട്ടിട്ടുണ്ടോയെന്ന് പരിശോധിച്ച് കുറ്റക്കാർക്കെതിരെ കർശന നടപടി സ്വീകരിക്കണമെന്നും ഹൈജുക്കേഷൻ ഫോറം ആവശ്യപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.