ബീരാഞ്ചിറ, തൃപ്രങ്ങോട്, ചേമ്പുംപടി മേഖലയിൽ റോഡരികിൽ ഇറക്കിയിട്ട ഭീമൻ പൈപ്പുകൾ
ബീരാഞ്ചിറ: വാട്ടർ അതോറിറ്റി ബീരാഞ്ചിറ, തൃപ്രങ്ങോട്, ചേമ്പുംപടി മേഖലയിൽ ആഴ്ചകൾക്കു മുമ്പ് റോഡരികിൽ ഇറക്കിയിട്ട ഭീമൻ പൈപ്പുകൾ യാത്രക്കാർക്കും ചെറുകിട വാഹനങ്ങൾക്കും അപകട ഭീഷണി ഉയർത്തുന്നു. നിരന്തരം അപകടങ്ങൾ സംഭവിക്കുന്ന മേഖലയിൽ ഏറ്റവുമൊടുവിൽ ബൈക്ക് മറിഞ്ഞ് ഷിബിലി എന്ന യുവാവിന് ജീവൻ നഷ്ടപ്പെട്ടിരുന്നു. ബൈക്കിൽ നിന്ന് വീണ് തെറിച്ച യുവാവിനെ ഏറെ സമയത്തിനു ശേഷം രക്തം വാർന്ന നിലയിൽ ഭീമൻ പൈപ്പിനകത്തുനിന്നാണ് നാട്ടുകാർ കണ്ടെത്തിയത്. അപ്പോഴേക്കും യുവാവ് മൃതപ്രായനായിരുന്നു.
ഈ സാഹചര്യത്തിൽ പൈപ്പ് സ്ഥാപിക്കൽ ഉടൻ തുടങ്ങുകയോ അല്ലാത്തപക്ഷം പൊതുജനത്തിന് ദോഷം ചെയ്യാത്ത സ്ഥലത്തേക്ക് മാറ്റിയിടുകയോ ചെയ്യണമെന്ന ആവശ്യം ശക്തമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.