വെ​ട്ടി​പ്പൊ​ളി​ച്ച റോ​ഡ് പൂ​ർ​വ സ്ഥി​തി​യി​ലാ​ക്കു​ന്നി​ല്ല; ജ​ല​ജീ​വ​ൻ മി​ഷ​നെ​തി​രെ ജി​ല്ല പ​ഞ്ചാ​യ​ത്ത് നി​യ​മ​ന​ട​പ​ടി​ക്ക്

മ​ല​പ്പു​റം: ജ​ല​ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി​യു​ടെ ഭാ​ഗ​മാ​യി പൈ​പ്പി​ടാ​നാ​യി വെ​ട്ടി​പൊ​ളി​ച്ച റോ​ഡു​ക​ൾ സ​മ​യ​ബ​ന്ധി​ത​മാ​യി പൂ​ർ​വ​സ്ഥി​തി​യി​ലാ​ക്കാ​ത്ത​തി​നെ​തി​രെ ജി​ല്ല പ​ഞ്ചാ​യ​ത്ത് നി​യ​മ ന​ട​പ​ടി​യി​ലേ​ക്ക്. ഭ​ര​ണ​സ​മി​തി​യു​ടെ അ​നു​മ​തി തേ​ടാ​തെ​യാ​ണ് പ​ല​യി​ട​ങ്ങ​ളി​ലും റോ​ഡ് വെ​ട്ടി​പൊ​ളി​ച്ച​ത്.

പൈ​പ്പി​ടാ​നാ​യി കീ​റി​യ റോ​ഡു​ക​ൾ പൂ​ർ​വ​സ്ഥി​തി​യി​ലാ​ക്കു​ന്ന​തി​ൽ ക​രാ​റു​കാ​ർ അ​ലം​ഭാ​വം കാ​ണി​ക്കു​ക​യാ​ണ്. പ​ണി​ക​ഴി​ഞ്ഞ് വ​ർ​ഷ​ങ്ങ​ളാ​യി​ട്ടും പൂ​ർ​വ​സ്ഥി​തി​യി​ലാ​ക്കാ​ത്ത റോ​ഡു​ക​ളു​ണ്ട്. റോ​ഡ് ത​ക​ർ​ച്ച സം​ബ​ന്ധി​ച്ച് പൊ​തു​ജ​ന​ങ്ങ​ളി​ൽ​നി​ന്നും വ്യാ​പ​ക​മാ​യ പ​രാ​തി ഉ​യ​ർ​ന്നു​വ​രു​ന്ന​താ​യി പ്ര​സി​ഡ​ന്റ് എം.​കെ. റ​ഫീ​ഖ പ​റ​ഞ്ഞു.

പ്ര​വൃ​ത്തി സം​ബ​ന്ധി​ച്ച കൃ​ത്യ​മാ​യ അ​റി​യി​പ്പ് ല​ഭി​ക്കാ​ത്ത​തു​മൂ​ലം ജി​ല്ല പ​ഞ്ചാ​യ​ത്ത് പ​ദ്ധ​തി​ക​ളു​ടെ ന​ട​ത്തി​പ്പി​ന് കാ​ല​താ​മ​സം നേ​രി​ടു​ന്നു​ണ്ട്. ഈ ​സാ​ഹ​ച​ര്യ​ത്തി​ലാ​ണ് ജ​ല​ജീ​വ​ൻ മി​ഷ​നും ക​രാ​റു​കാ​ർ​ക്കു​മെ​തി​രെ നി​യ​മ​ന​ട​പ​ടി​യി​ലേ​ക്ക് നീ​ങ്ങാ​നു​ള്ള ബോ​ർ​ഡ് തീ​രു​മാ​നം.

ന​വ​ജ ഗ്രാ​മം പ​ദ്ധ​തി​യു​ടെ ഒ​ന്നാം​ഘ​ട്ട​മാ​യി ഒ​രു ഡി​വി​ഷ​നി​ൽ ഒ​ന്ന് എ​ന്ന തോ​തി​ൽ തെ​രു​വു​വി​ള​ക്ക് സ്ഥാ​പി​ക്കും. ഇ​തി​നാ​യി ബ​ന്ധ​പ്പെ​ട്ട ഗ്രാ​മ​പ​ഞ്ചാ​യ​ത്തു​ക​ളു​ടെ സ​മ്മ​ത​പ​ത്രം വാ​ങ്ങാ​ൻ ബോ​ർ​ഡ് യോ​ഗം തീ​രു​മാ​നി​ച്ചു. വ​ണ്ടൂ​രി​ലെ ഹോ​മി​യോ കാ​ൻ​സ​ർ ആ​ശു​പ​ത്രി​യി​ൽ പേ​വാ​ർ​ഡ് കെ​ട്ടി​ട​ത്തി​ന്റെ ഉ​ദ്‍ഘാ​ട​നം സെ​പ്റ്റം​ബ​റി​ലും മു​ച​ക്ര വാ​ഹ​ന വി​ത​ര​ണം ഓ​ണ​ത്തി​നു​ശേ​ഷ​വും ന​ട​ക്കും. ഇ​ല​ക്​​ട്രോ​ണി​ക് വീ​ൽ​ചെ​യ​റി​ന് നാ​ലു പ​ഞ്ചാ​യ​ത്തു​ക​ളു​ടെ ഭ​ര​ണ​സ​മി​തി തീ​രു​മാ​നം ല​ഭ്യ​മാ​വാ​നു​ണ്ട്.

സ്കൂ​ക​ൾ കെ​ട്ടി​ട​ങ്ങ​ളു​ടെ ഫി​റ്റ്നെ​സ് സം​ബ​ന്ധി​ച്ച് പ​രാ​തി​ക​ളു​യ​ർ​ന്ന സാ​ഹ​ച​ര്യ​ത്തി​ൽ എ​ല്ലാ വി​ദ്യാ​ല​യ​ങ്ങ​ളി​ലേ​ക്കും വീ​ണ്ടും ക​ത്ത് ന​ൽ​കാ​ൻ യോ​ഗം തീ​രു​മാ​നി​ച്ചു. പ​ഞ്ചാ​യ​ത്ത് അ​സി. എ​ൻ​ജി​നീ​യ​ർ​മാ​ർ കെ​ട്ടി​ട​ങ്ങ​ൾ പ​രി​ശോ​ധി​ക്ക​ണ​മെ​ന്ന നി​ല​ക്ക് ക​ത്ത് കൊ​ടു​ക്കാ​നാ​ണ് ഉ​ദ്ദേ​ശി​ക്കു​ന്ന​തെ​ന്ന് പ്ര​സി​ഡ​ന്റ് എം.​കെ. റ​ഫീ​ഖ പ​റ​ഞ്ഞു. മ​രു​ത ഹൈ​സ്കൂ​ൾ മ​തി​ൽ പൊ​ളി​ഞ്ഞു​വീ​ഴാ​റാ​യ നി​ല​യി​ലാ​​ണെ​ന്നും അ​ടി​യ​ന്ത​ര ന​ട​പ​ടി വേ​ണ​മെ​ന്നും വ​ഴി​ക്ക​ട​വ് ഡി​വി​ഷ​ൻ അം​ഗം ഷൊ​റോ​ണ റോ​യ് ആ​വ​ശ്യ​പ്പെ​ട്ടു.