മ​ല​പ്പു​റം: മ​ല​പ്പു​റം ജി​ല്ല സ്കൂ​ൾ കാ​യി​ക​മേ​ള പാ​ല​ക്കാ​ട് ചാ​ത്ത​ന്നൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ സി​ന്ത​റ്റി​ക് ട്രാ​ക്കി​ൽ ന​ട​ത്താ​ൻ തീ​രു​മാ​നി​ച്ച​തി​ൽ വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കും പ്ര​തി​ഷേ​ധം. ഒ​ക്ടോ​ബ​ർ 17 മു​ത​ൽ 19 വ​രെ​യാ​ണ് ജി​ല്ല കാ​യി​ക​മേ​ള ന​ട​ക്കു​ന്ന​ത്. ആ​ദ്യ​മാ​യാ​ണ് മ​ല​പ്പു​റം ജി​ല്ല​യി​ലെ സ്കൂ​ൾ കാ​യി​ക​മേ​ള മ​റ്റൊ​രു ജി​ല്ല​യി​ൽ ന​ട​ത്തു​ന്ന​തെ​ന്ന് കാ​യി​ക അ​ധ്യാ​പ​ക​ർ പ​റ​യു​ന്നു.

മ​ല​പ്പു​റം ജി​ല്ല​യി​ലെ ഭൂ​രി​ഭാ​ഗം സ്കൂ​ളു​ക​ൾ​ക്കും അ​വി​ടെ എ​ത്തി​ച്ചേ​രാ​നും പ​രി​ശീ​ല​നം ന​ട​ത്താ​നും ഏ​റെ ​​പ്ര​യാ​സ​മാ​ണെ​ന്ന് അ​ധ്യാ​പ​ക​ർ ചൂ​ണ്ടി​ക്കാ​ട്ടു​ന്നു. ഈ ​രീ​തി തു​ട​ർ​ന്നാ​ൽ ജി​ല്ല​യി​ൽ ന​ല്ലൊ​രു സി​ന്ത​റ്റി​ക് ട്രാ​ക്കി​ല്ലാ​ത്ത പ്ര​യാ​സം വ​രും​വ​ർ​ഷ​ങ്ങ​ളി​ലും കു​ട്ടി​ക​ൾ അ​നു​ഭ​വി​​ക്കേ​ണ്ടി വ​രു​മെ​ന്ന ആ​ശ​ങ്ക​യു​ണ്ട്.

ജി​ല്ല​യു​ടെ കാ​യി​ക കു​തി​പ്പി​ന് മി​ക​ച്ച സം​ഭാ​വ​ന ന​ൽ​കു​ന്ന കാ​ലി​ക്ക​റ്റ് സ​ർ​വ​ക​ലാ​ശാ​ല സ്റ്റേ​ഡി​യം ഇ​ത്ത​വ​ണ ഫി​റ്റ​ല്ലെ​ന്ന കാ​ര​ണ​ത്താ​ലാ​ണ് മ​ത്സ​ര​ങ്ങ​ൾ പാ​ല​ക്കാ​ട്ടേ​ക്ക് മാ​റ്റേ​ണ്ടി വ​ന്ന​തെ​ന്നാ​ണ് വി​ദ്യാ​ഭ്യാ​സ വ​കു​പ്പി​ന്റെ വി​ശ​ദീ​ക​ര​ണം. കാ​യി​ക മേ​ള​യു​ടെ സ്വാ​ഗ​ത​സം​ഘം ബു​ധ​നാ​ഴ്ച രാ​വി​ലെ മ​ല​പ്പു​റം ഗ​വ. ബോ​യ്സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ന​ട​ത്താ​നും തീ​രു​മാ​നി​ച്ചി​ട്ടു​ണ്ട്. ഒ​ക്ടോ​ബ​ർ 14 മു​ത​ൽ 16 വ​രെ ഇ​തേ സ്കൂ​ളി​ലാ​ണ് പാ​ല​ക്കാ​ട് ജി​ല്ല​യി​ലെ കാ​യി​ക​മേ​ള​യും ന​ട​ക്കു​ന്ന​ത്.

ഒ​ട്ടും ഫി​റ്റ​ല്ല സ്റ്റേ​ഡി​യ​ങ്ങ​ൾ

മ​ല​പ്പു​റ​ത്തെ വി​ദ്യാ​ർ​ഥി​ക​ൾ​ക്ക് മ​ത്സ​രി​ക്കാ​ൻ മ​റ്റു ജി​ല്ല​ക​ളു​ടെ സൗ​ക​ര്യ​ങ്ങ​ൾ തേ​ടി പോ​വേ​ണ്ട പ​രി​താ​പ​ക​ര അ​വ​സ്ഥ​യി​ലാ​ണ് കാ​ര്യ​ങ്ങ​ൾ മു​ന്നോ​ട്ട് പോ​വു​ന്ന​ത്. ക​ഴി​ഞ്ഞ​വ​ർ​ഷം ന​ട​ന്ന സം​സ്ഥാ​ന സ്കൂ​ൾ ഗെ​യിം​സ് ചാ​മ്പ്യ​ന്മാ​രാ​യ ജി​ല്ല​യാ​ണ് മ​ല​പ്പു​റം. ആ ​പ​രി​ഗ​ണ​ന​യൊ​ന്നും ഇ​വി​ടെ സൗ​ക​ര്യ​ങ്ങ​ൾ ഒ​രു​ക്കു​ന്ന​തി​ൽ അ​ധി​കാ​രി​ക​ൾ​ക്കി​ല്ല. കാ​യി​ക മ​ന്ത്രി​യു​ടെ സ്വ​ന്തം ജി​ല്ല​യാ​യി​ട്ടും ഇ​വി​ട​ത്തെ അ​വ​സ്ഥ​യി​താ​ണ്.

കാ​ലി​ക്ക​റ്റ് യൂ​നി​വേ​ഴ്സി​റ്റി ട്രാ​ക്ക് ക​ഴി​ഞ്ഞാ​ൽ പി​ന്നീ​ട് ആ​ശ്ര​യി​ക്കാ​വു​ന്ന തി​രൂ​ര്‍ രാ​ജീ​വ് ഗാ​ന്ധി സ്റ്റേ​ഡി​യ​ത്തി​ലെ സി​ന്ത​റ്റി​ക് ട്രാ​ക്കും പൊ​ട്ടി​പ്പൊ​ളി​ഞ്ഞി​ട്ട് വ​ർ​ഷ​ങ്ങ​ളാ​യി. ഇ​വി​ടെ​യും മ​ത്സ​ര​ങ്ങ​ൾ ന​ട​ത്താ​നു​ള്ള ന​വീ​ക​ര​ണം വ​ന്നി​ട്ടി​ല്ല. ഇ​ത്ത​വ​ണ തി​രൂ​ർ ഉ​പ​ജി​ല്ല കാ​യി​ക​മേ​ള​യും ഈ ​ട്രാ​ക്കി​ൽ ന​ട​ത്താ​നാ​വാ​ത്ത​തി​നാ​ൽ പാ​ല​ക്കാ​ട്ടാ​ണ് ന​ട​ത്തി​യ​ത്. പി​ന്നെ​യു​ള്ള നി​ല​മ്പൂ​ർ മാ​ന​വേ​ദ​ൻ സ്കൂ​ളി​ലെ സി​ന്ത​റ്റി​ക് ട്രാ​ക്കി​ലും മ​ത്സ​ര​ങ്ങ​ൾ ന​ട​ത്താ​നാ​വ​ത്ത സാ​ഹ​ച​ര്യ​മാ​ണെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ജി​ല്ല​യി​ലെ മ​റ്റു മൈ​താ​ന​ങ്ങ​ളും കാ​യി​ക​മേ​ള​ക്ക് അ​നു​യോ​ജ്യ​മ​ല്ലാ​ത്ത അ​വ​സ്ഥ​യി​ലാ​ണ്.

വ​ല്ലാ​ത്തൊ​രു ‘കു​ട്ടി​ക്ക​ളി’

മ​ല​പ്പു​റം ജി​ല്ല​യി​ലെ ഉ​പ​ജി​ല്ല ഗെ​യിം​സ് മ​ത്സ​ര​ങ്ങ​ളും അ​ത്‍ല​റ്റി​ക്സും ത​ട്ടി​കൂ​ട്ടി​യാ​ണ് പ​ല​യി​ട​ത്തും ന​ട​ത്തി​യ​ത്. സ​മാ​ന​രീ​തി​യി​ൽ ജി​ല്ല കാ​യി​ക​മേ​ള​യും ന​ട​ത്താ​നാ​ണ് നീ​ക്ക​മെ​ന്ന് ആ​​ക്ഷേ​പ​മു​ണ്ട്. ത​ങ്ങ​ളു​ടെ ന്യാ​യ​മാ​യ ആ​വ​ശ്യ​ങ്ങ​ൾ പ​രി​ഗ​ണി​ക്കാ​ത്ത സ​ർ​ക്കാ​ർ ന​യ​ത്തി​ൽ പ്ര​തി​ഷേ​ധി​ച്ച് സ്കൂ​ൾ കാ​യി​ക​മേ​ള​ക​ളു​ടെ ന​ട​ത്തി​പ്പി​ൽ​നി​ന്ന് വി​ട്ടു​നി​ൽ​ക്കു​ക​യാ​ണ് കാ​യി​കാ​ധ്യാ​പ​ക​ർ. ഇ​തോ​ടെ കി​ട്ടി​യ ആ​ളു​ക​ളെ ത​ട്ടി​കൂ​ട്ടി എ​ങ്ങ​നെ​യെ​ങ്കി​ലും മ​ത്സ​ര​ങ്ങ​ൾ പൂ​ർ​ത്തി​യാ​ക്കാ​നാ​ണ് വി​ദ്യാ​ഭ്യാ​സ വ​കു​പ്പ് ശ്ര​മി​ക്കു​ന്ന​ത്.

കൃ​ത്യ​മാ​യ ഷെ​ഡ്യൂ​ളും ആ​വ​ശ്യ​മാ​യ സ​ജ്ജീ​ക​ര​ണ​ങ്ങ​ളും ഇ​ല്ലാ​തെ​യാ​ണ് ഈ ​വ​ർ​ഷ​ത്തെ സം​സ്ഥാ​ന-​ഉ​പ​ജി​ല്ല കാ​യി​ക മേ​ള​ക​ൾ ന​ട​ക്കു​ന്ന​ത്. ജി​ല്ല​ത​ല ഗെ​യിം​സ് മ​ത്സ​ര​ങ്ങ​ൾ ന​ട​ക്കു​ന്ന സ​മ​യ​ത്ത് ത​ന്നെ പ​ല ഉ​പ​ജി​ല്ല​ക​ളി​ലും അ​ത്‍ല​റ്റി​ക് മ​ത്സ​ര​ങ്ങ​ളും ന​ട​ത്തി​യ​താ​യി പ​രാ​തി ഉ​യ​ർ​ന്നി​ട്ടു​ണ്ട്. മ​ത്സ​ര​ങ്ങ​ൾ സ​മ​യ​ത്തി​ന് ന​ട​ത്താ​നാ​വാ​ത്ത സാ​ഹ​ച​ര്യ​ത്തി​ൽ പ​ല ഉ​പ​ജി​ല്ല മ​ത്സ​ര​ങ്ങ​ളും ഒ​ഴി​വാ​ക്കി സെ​ല​ക്ഷ​ൻ ട്ര​യ​ൽ​സ് മാ​ത്രം ന​ട​ത്തി കു​ട്ടി​ക​ളെ തെ​ര​ഞ്ഞെ​ടു​ക്കു​ന്ന സ്ഥി​തി​യാ​ണ്. ജി​ല്ല​യി​ലെ കാ​യി​കാ​ധ്യാ​പ​ക​രു​ടെ നി​സ്സ​ഹ​ക​ര​ണ​വും മേ​ള പാ​ല​ക്കാ​ട്ടേ​ക്ക് മാ​റ്റി​യ​തി​ന് പി​ന്നി​ലു​ണ്ടെ​ന്ന സം​സാ​ര​മു​ണ്ട്.