ഊർങ്ങാട്ടിരി: നശാ മുക്ത് ഭാരത് അഭിയാനും വിമുക്തി മിഷനും സംയുക്തമായി ഊർങ്ങാട്ടിരി പഞ്ചായത്തിലെ ഓടക്കയം ആദിവാസി ഗോത്രസമൂഹത്തിനായി ആദിഹൃദയം എന്ന പേരില് സംഘടിപ്പിച്ചു. ഓടക്കയം ഗവ. യു.പി സ്കൂളില് നടന്ന പരിപാടി പെരിന്തല്മണ്ണ സബ് കലക്ടര് ശ്രീധന്യ സുരേഷ് ഉദ്ഘാടനം ചെയ്തു. സര്ക്കാര് ആനുകൂല്യങ്ങള് ഉറപ്പാക്കാന് ആധാര് ഉള്പ്പെടെയുള്ള ആവശ്യമായ രേഖകള് ഗോത്രവിഭാഗക്കാര് എത്രയും വേഗം ഉണ്ടാക്കണമെന്നും കുട്ടികള്ക്ക് വിദ്യാഭ്യാസം നല്കുന്നതിന് കോളനികളിലെ രക്ഷിതാക്കള് പ്രാധാന്യം നല്കണമെന്നും സബ് കലക്ടര് പറഞ്ഞു. മഞ്ചേരി മെഡിക്കല് കോളജ്, വെറ്റിലപ്പാറ കമ്യൂണിറ്റി ഹെല്ത്ത് സെന്റര്, നിലമ്പൂര് വിമുക്തി മോചന ചികിത്സ കേന്ദ്രം എന്നിവയുടെ സഹകരണത്തോടെ സംഘടിപ്പിച്ച ആരോഗ്യ, നേത്ര, മാനസികാരോഗ്യ പരിശോധന ക്യാമ്പില് പ്രദേശത്തെ 300ലധികം വരുന്ന ഗോത്രവിഭാഗക്കാര്ക്ക് ചികിത്സ സഹായവും വിദഗ്ധ നിര്ദേശവും നല്കി. ബോധവത്കരണത്തോടനുബന്ധിച്ച് ഗാനമേള, മാജിക് ഷോ, മിമിക്രി, നാടന്പാട്ട്, ആദിവാസി കലാരൂപങ്ങള്, ആദിവാസി ക്ലബുകള് സംഘടിപ്പിച്ച വോളിബാള് എന്നിവ അരങ്ങേറി. അരീക്കോട് ബ്ലോക്ക് പഞ്ചായത്ത് പ്രസിഡന്റ് റുഖിയ ഷംസു, ഊര്ങ്ങാട്ടിരി ഗ്രാമപഞ്ചായത്ത് പ്രസിഡന്റ് ജിഷ വാസു, കുടുംബശ്രീ ജില്ല മിഷന് കോഓഡിനേറ്റര് ജാഫര് കക്കൂത്ത്, മഞ്ചേരി എക്സൈസ് സര്ക്കിള് ഇന്സ്പെക്ടര് എസ്. ഷാജി, അമേരിക്കന് സൈക്യാട്രിസ്റ്റ് ബിന്ദു കാന, പഞ്ചായത്തംഗങ്ങളായ ബീന വിന്സന്റ്, ജിനേഷ്, നശാ മുക്ത് ഭാരത് അഭിയാന് കോഓഡിനേറ്റര് ബി. ഹരികുമാര് എന്നിവർ പങ്കെടുത്തു. ഫോട്ടോ: ഓടക്കയം ഗവ. യു.പി സ്കൂളില് നടന്ന പരിപാടി പെരിന്തല്മണ്ണ സബ് കലക്ടര് ശ്രീധന്യ സുരേഷ് ഉദ്ഘാടനം ചെയ്യുന്നു ഫോട്ടോ നെയിം:ME ARKD ODAKKAYAM ADIVASI NEWS
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.