അപകടസ്ഥലത്ത്​ മാതൃക രക്ഷാപ്രവർത്തനവുമായി നാട്ടുകാർ

കൊണ്ടോട്ടി: ദേശീയപാതയില്‍ ലോറിയിടിച്ച്​ ബസ് മറിഞ്ഞതിനെ തുടർന്ന്​ നടന്ന ജനകീയ രക്ഷാപ്രവര്‍ത്തനം മാതൃകയായി. പുലർച്ച ആറിനുണ്ടായ അപകടത്തില്‍ പൊലീസിനെയും അഗ്നിരക്ഷ സേനയെയും കാത്തുനില്‍ക്കാതെയായിരുന്നു നാട്ടുകാരുടെ രക്ഷാ പ്രവര്‍ത്തനം. ഒരാളുടെ ജീവന്‍ രക്ഷിക്കാന്‍ കഴിഞ്ഞില്ലെങ്കിലും നാട്ടുകാരുടെ ഇടപെടല്‍ ദുരന്തത്തിന്റെ ആഘാതം കുറച്ചു. രാവിലെ ടോറസ് ലോറിയിടിച്ച്​ ബസ് മറിഞ്ഞെന്ന വിവരമെത്തിയതോടെ യുവാക്കളുടെ വൻ സംഘമാണ് രക്ഷാ പ്രവര്‍ത്തനത്തിയത്. പരിക്കേറ്റവരെ ആശുപത്രികളില്‍ എത്തിക്കാനും ഗതാഗതം നിയന്ത്രിക്കാനും നാട്ടുകാര്‍ തന്നെയായിരുന്നു മുന്നില്‍. പ്രദേശവാസികളും വ്യാപാരികളും വാഹന ഡ്രൈവര്‍മാരുമാണ് രക്ഷാ പ്രവര്‍ത്തനത്തിന്​ നേതൃത്വം നല്‍കിയത്. me kdy 1 accident : കൊണ്ടോട്ടിയിലുണ്ടായ വാഹനാപകടത്തില്‍ നാട്ടുകാരുടെ നേതൃത്വത്തില്‍ നടന്ന രക്ഷാപ്രവര്‍ത്തനം