ചേലേമ്പ്ര: ചേലേമ്പ്ര ഗ്രാമപഞ്ചായത്തിന്റെയും കൃഷിഭവന്റെയും സഹകരണത്തോടെ 'ഞങ്ങളും കൃഷിയിലേക്ക്' പദ്ധതി പ്രകാരം പെരുന്തുന്തൊടിപാടം മേലകത്ത് ഹസ്സൻ ഉണ്ടാക്കിയ പച്ചക്കറി വിളവെടുപ്പ് പി. അബ്ദുൽ ഹമീദ് എം.എൽ.എ നിർവഹിച്ചു. വെണ്ട, വഴുതന, പയർ, ചിരങ്ങ, ചീര എന്നിവയാണ് പ്രധാനമായും കൃഷി ചെയ്തത്. കാർഷിക വികസന സമിതി അംഗമായ ഹസൻ ചേലേമ്പ്രയിൽ എല്ലാ വർഷവും നെൽകൃഷി നടത്തുന്ന അപൂർവം കർഷകരിൽ ഒരാളാണ്. പ്രസിഡന്റ് എ.പി. ജമീല അധ്യക്ഷത വഹിച്ചു. പെരുന്തൊടിപ്പാടം സ്കൂളിലെ കുട്ടികളുടെ നാടൻപാട്ട് കൃഷി വിളവെടുപ്പിന് ആവേശം പകർന്നു. വൈസ് പ്രസിഡന്റ് കെ.പി. ദേവദാസ്, ബേബി, കെ.പി. അഫ്സത്ത് ബീവി, ഇക്ബാൽ പൈങ്ങോട്ടൂർ, ടി.പി. സമീറ, സി. ഹസ്സൻ, എം.കെ. അസ്ലം, അസിറ മുംതാസ്, അനിത സുനി, കൃഷി ഓഫിസർ നീനു രവീന്ദ്രനാഥ്, ടി.കെ. വേണുഗോപാലൻ, അമ്പായത്തിങ്ങൽ അബൂബക്കർ, ഹെഡ്മിസ്ട്രസ് വി.പി. സുഹറ, ഉമ്മർ ഫാറൂഖ്, എം.കെ. അബ്ദുൽ അലി എന്നിവർ സംസാരിച്ചു. വിളവെടുത്ത പച്ചക്കറി മുഴുവനായും പരിപാടിയിൽ പങ്കെടുത്തവർക്ക് സൗജന്യമായി വിതരണം ചെയ്തു. MT VLKN 5 ചേലേമ്പ്ര ഗ്രാമപഞ്ചായത്ത് 'ഞങ്ങളും കൃഷിയിലേക്ക്' പദ്ധതി പ്രകാരമുള്ള പച്ചക്കറി വിളവെടുപ്പ് പി. അബ്ദുൽ ഹമീദ് എം.എൽ.എ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.