ചങ്ങരംകുളം: ജാതീയ ചിന്തകളുടെ അതിർവരമ്പുകൾ ഭേദിച്ച് മതസൗഹാർദത്തിന്റെ സ്നേഹം പങ്കിട്ട് പള്ളി-ക്ഷേത്ര ഭാരവാഹികൾ. പന്താവൂർ ശ്രീലക്ഷ്മി നരസിംഹമൂർത്തി ക്ഷേത്രത്തിലെ പ്രതിഷ്ഠ ദിനത്തിലാണ് ഇവർ പങ്കുചേർന്നത്. അണ്ടലാടി മനക്കൽ പരമേശ്വരൻ നമ്പൂതിരിപ്പാടിന്റെയും മേൽശാന്തി തിരുവല്ല കുന്നത്തുമന കൃഷ്ണൻ നമ്പൂതിരിയുടെയും നേതൃത്വത്തിലാണ് ചടങ്ങുകൾ നടന്നത്. ഉദയാസ്തമന പൂജയും തുടർന്ന് അന്നദാനവും നടന്നു. അന്നദാനത്തിൽ പന്താവൂർ പള്ളി-മദ്റസ കമ്മിറ്റി ഭാരവാഹികൾ പങ്കെടുത്തത് നാടിന്റെ മതസൗഹാർദ സന്ദേശത്തിന്റെ പ്രതീകമായി. പന്താവൂർ പള്ളി ഖതീബ് മുഹമ്മദലി ബാഖവി അത്തിപ്പറ്റ, പള്ളി കമ്മിറ്റി പ്രസിഡന്റ് എൻ.വി. മുഹമ്മദ് കുട്ടി, സെക്രട്ടറി അബ്ദുറഹിമാൻ വാഫി, വൈസ് പ്രസിഡന്റ് ഉണ്ണി ഹാജി, ജോയന്റ് സെക്രട്ടറി സിദ്ദീഖ്, ട്രഷറർ ടി.വി. അബ്ദുല്ല, കെ.ബി. കുഞ്ഞിമാൻ, സി.പി. ഹംസ, കെ.വി. മുഹമ്മദ്, കെ.വി. ജമാൽ, കുഞ്ഞിപ്പ പന്താവൂർ, എൻ.വി. അബ്ദുറഹിമാൻ, സി.പി. മുസ്തഫ, ചേലാക്കൽ ബാവ, കെ.വി. അഷറഫ്, സി.പി. അബ്ദു, മൊയ്തീൻ കുട്ടി, എം. നൗഷാദ്, എം. സിദ്ദി, കെ.വി. ഷാജി പന്താവൂർ, സി.പി. നിയാസ്, എം.പി. മുജീബ്, ഇസ്മായിൽ പാറക്കൽ, സി.പി. നൗഷാദ്, കുറ്റിയിൽ അബ്ദുല്ലക്കുട്ടി, മൊയ്തുണ്ണി തുടങ്ങിയവരും ക്ഷേത്ര മൈതാനിയിലെ അന്നദാന പന്തലിൽ എത്തി ഭക്ഷണം കഴിച്ചതിനുശേഷമാണ് പോയത്. പള്ളി കമ്മിറ്റി-മദ്റസ കമ്മിറ്റി ഭാരവാഹികളെ ക്ഷേത്ര കമ്മിറ്റി പ്രസിഡന്റ് അടാട്ട് വാസുദേവൻ, സെക്രട്ടറി കെ.പി. രാധാകൃഷ്ണൻ, ദീപക്, ബാബു, രാജൻ അടാട്ട്, ഗംഗാധരൻ കോച്ചാന്ത്ര, മധുസൂദൻ പൂഴികുന്നത്ത്, കണ്ണൻ പന്താവൂർ, ടി.ടി. ശ്രീനിവാസൻ, എം.പി. മുരളീധരൻ, ഗോപ പാറോൽ, എ.ടി. ചന്ദ്രൻ തുടങ്ങിയവർ ചേർന്ന് സ്വീകരിച്ചു. ഫോട്ടോ പന്താവൂർ ക്ഷേത്രത്തിലെ പ്രതിഷ്ഠ ദിനത്തിൽ പങ്കുചേർന്ന് ഭക്ഷണം കഴിക്കുന്ന പള്ളി കമ്മിറ്റി ഭാരവാഹികൾ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.