മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ ചി​കി​ത്സ​യി​ലു​ള്ള വി​ദ്യാ​ർ​ഥി​ക്ക് എം.​ഡി.​എം.​എ എ​ത്തി​ച്ചു​കൊ​ടു​ക്കാൻ ശ്രമം; 18 കാരൻ പിടിയിൽ

കോ​ഴി​ക്കോ​ട്: കു​തി​ര​വ​ട്ടം മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ ചി​കി​ത്സ​യി​ലു​ള്ള വി​ദ്യാ​ർ​ഥി​ക്ക് എം.​ഡി.​എം.​എ എ​ത്തി​ച്ചു​കൊ​ടു​ക്കു​ന്ന​തി​നി​ടെ 18കാ​ര​ൻ പി​ടി​യി​ൽ. തി​രു​വ​മ്പാ​ടി സ്വ​ദേ​ശി ത​ടാ​യി​ൽ വീ​ട്ടി​ൽ മു​ഹ​മ്മ​ദ് റാ​ഫി​യെ​യാ​ണ് മെ​ഡി​ക്ക​ൽ കോ​ള​ജ് പൊ​ലീ​സ് പി​ടി​കൂ​ടി​യ​ത്. ബു​ധ​നാ​ഴ്ച​യാ​ണ് സം​ഭ​വം.

ചി​കി​ത്സ​യി​ലു​ള്ള പ്രാ​യ​പൂ​ർ​ത്തി​യാ​വാ​ത്ത വി​ദ്യാ​ർ​ഥി​ക്ക് ഭ​ക്ഷ​ണം കൊ​ടു​ക്കാ​നെ​ന്ന വ്യാ​ജേ​ന സു​ഹൃ​ത്താ​യ പ്ര​തി ആ​ശു​പ​ത്രി​യി​ൽ എ​ത്തി​യ​താ​യി​രു​ന്നു. സു​ര​ക്ഷ ജീ​വ​ന​ക്കാ​ർ പ്ര​തി കൊ​ണ്ടു​വ​ന്ന ഭ​ക്ഷ​ണ ക​വ​ർ പ​രി​ശോ​ധി​ക്കു​ന്ന​തി​നി​ടെ ക​വ​റി​ൽ​നി​ന്ന് സി​റി​ഞ്ച് ക​ണ്ട​തി​നെ തു​ട​ർ​ന്ന് പൊ​ലീ​സി​നെ വി​വ​ര​മ​റി​യി​ച്ചു. മെ​ഡി​ക്ക​ൽ കോ​ള​ജ് പോ​ലീ​സ് സ്ഥ​ല​ത്തെ​ത്തി പ​രി​ശോ​ധി​ച്ച​പ്പോ​ഴാ​ണ് 0.09 ഗ്രാം ​എം.​ഡി.​എം.​എ ക​ണ്ടെ​ടു​ത്ത​ത്.

ബം​ഗ​ളൂ​രു​വി​ൽ​നി​ന്ന് ല​ഹ​രി എ​ത്തി​ക്കു​ന്ന സം​ഘ​ങ്ങ​ളി​ൽ​നി​ന്ന് ചി​ല്ല​റ വി​ൽ​പ​ന​ക്കാ​യി എം.​ഡി.​എം.​എ വാ​ങ്ങി മു​ക്കം, തി​രു​വ​മ്പാ​ടി, ഓ​മ​ശ്ശേ​രി, കൊ​ടു​വ​ള്ളി എ​ന്നി​വി​ട​ങ്ങ​ളി​ലെ സ്കൂ​ൾ, കോ​ള​ജു​ക​ൾ കേ​ന്ദ്രീ​ക​രി​ച്ച് വി​ദ്യാ​ർ​ഥി​ക​ൾ​ക്കി​ട​യി​ൽ മ​യ​ക്കു​മ​രു​ന്ന് വി​ൽ​പ​ന ന​ട​ത്തു​ന്ന സം​ഘ​ത്തി​ലെ ക​ണ്ണി​യാ​ണ് പ്ര​തി​യെ​ന്ന് പൊ​ലീ​സ് അ​റി​യി​ച്ചു. ല​ഹ​രി ഉ​പ​യോ​ഗി​ക്കു​ന്ന​തി​നാ​വ​ശ്യ​മാ​യ തു​ക ക​ണ്ടെ​ത്തു​ന്ന​തി​നാ​യാ​ണ് വി​ൽ​പ​ന​ക്ക​ണ്ണി​യു​ടെ ഭാ​ഗ​മാ​യ​ത്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി.