മഹമൂദ്
കോഴിക്കോട്: പൊലീസ് സ്റ്റേഷൻ വളപ്പിൽ പരാതിക്കാരെ ആക്രമിച്ച കേസിൽ യുവാവ് അറസ്റ്റിൽ. പുതിയങ്ങാടി സ്വദേശി മഹമൂദാണ് (20) ടൗൺ പൊലീസ് സ്റ്റേഷൻ വളപ്പിൽ കഴിഞ്ഞ മാർച്ചിൽ കോഴിക്കട മാലിന്യവുമായി ബന്ധപ്പെട്ട് പരാതി നൽകാനെത്തിയവരെ അക്രമിച്ച കേസിൽ പിടിയിലായത്.
തങ്ങൾസ് റോഡിലുള്ള കോഴിക്കടയിലെ മാലിന്യവുമായി ബന്ധപ്പെട്ട പരാതിയെപ്പറ്റി സംസാരിക്കുന്നതിനായി എത്തിയ നഹാസിനെയും സുഹൃത്തിനെയും ആക്രമിച്ചുവെന്നാണ് കേസ്. ഒളിവിലായിരുന്ന പ്രതിയെ സൈബർ സെല്ലിന്റെ സഹായത്തോടെയാണ് എറണാകുളത്തുനിന്ന് പിടികൂടിയത്. ടൗൺ സ്റ്റേഷൻ ഇൻസ്പെക്ടർ ജിതേഷിന്റെ നിർദേശപ്രകാരം എസ്.ഐ സജി ഷിനോബ്, എസ്.സി.പി.ഒമാരായ ജിത്തു, പ്രവീൺ എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.