ആ​ഘോ​ഷ​ക്കു​രു​ക്കി​ൽ നാ​ടും ന​ഗ​ര​വും

കോ​ഴി​ക്കോ​ട്: ക്രി​സ്മ​സ്-​പു​തു​വ​ത്സ​ര ആ​ഘോ​ഷ​ത്തി​ൽ ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടി ഇ​ഴ​ഞ്ഞു​നീ​ങ്ങു​ക​യാ​ണ് നാ​ടും ന​ഗ​ര​വും. രാ​ത്രി​യി​ലും ഗ​താ​ഗ​ത​ക്കു​രു​ക്കൊ​ഴി​യു​ന്നി​ല്ലെ​ന്ന​താ​ണ് ഇ​ത്ത​വ​ണ​ത്തെ പ്ര​തി​സ​ന്ധി. പു​തു​വ​ത്സ​രാ​ഘോ​ഷ​ത്തി​ന്‍റെ ദീ​പാ​ല​ങ്കാ​രം, ബേ​പ്പൂ​ർ ഫെ​സ്റ്റ്, കോ​ഴി​ക്കോ​ട് ബീ​ച്ച്, അ​വ​ധി​ക്കാ​ല യാ​ത്ര എ​ന്നി​വ​ക്കാ​യി ആ​യി​ര​ങ്ങ​ളാ​ണ് ദി​ന​വും ന​ഗ​ര​ത്തി​ലേ​ക്ക് എ​ത്തു​ന്ന​ത്. ഇ​ത്ര​ത്തോ​ളം​ത​ന്നെ വാ​ഹ​ന​ങ്ങ​ളു​ടെ എ​ണ്ണ​വും വ​ർ​ധി​ച്ചു. ഇ​തോ​ടെ ന​ഗ​ര​ത്തി​ൽ ഒ​ച്ചി​ഴ​യും​പോ​ലെ​യാ​ണ് വാ​ഹ​ന​ങ്ങ​ൾ നീ​ങ്ങു​ന്ന​ത്. രാ​ത്രി വൈ​കീ​ട്ടും ജ​ങ്ഷ​നു​ക​ൾ ക​ട​ന്നു​കി​ട്ടാ​ൻ മ​ണി​ക്കൂ​റു​ക​ൾ കാ​ത്തി​രി​ക്കേ​ണ്ട അ​വ​സ്ഥ​യാ​ണ്.

രാ​ത്രി വൈ​കി​യാ​ണ് പു​തു​വ​ത്സ​രാ​ഘോ​ഷ​ങ്ങ​ൾ സ​മാ​പി​ക്കു​ക​യെ​ന്ന​തി​നാ​ൽ യാ​ത്ര​ക്കാ​ർ രാ​ത്രി ഏ​റെ വൈ​കി​യാ​ണ് ന​ഗ​ര​ത്തി​ൽ​നി​ന്ന് മ​ട​ങ്ങു​ന്ന​ത്.വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് അ​വ​ധി​യാ​യ​തി​നാ​ൽ വി​നോ​ദ​യാ​ത്രാ​സം​ഘ​ങ്ങ​ളു​ടെ എ​ണ്ണ​വും വ​ൻ​തോ​തി​ൽ വ​ർ​ധി​ച്ചു. കൂ​ടാ​തെ വി​വി​ധ ക്ല​ബു​ക​ളും മ​റ്റും സം​ഘ​ടി​പ്പി​ക്കു​ന്ന ഉ​ത്സ​വ​ങ്ങ​ളും ന​ഗ​ര​ത്തി​ലും പ​രി​സ​ര​പ്ര​ദേ​ശ​ങ്ങ​ളി​ലും കാ​ണാം. ഇ​ത്ത​രം പ​രി​പാ​ടി​ക​ളി​ലേ​ക്കാ​യി കു​ടും​ബ​ങ്ങ​ൾ കൂ​ട്ട​മാ​യി പു​റ​ത്തി​റ​ങ്ങു​ന്ന​താ​ണ് ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​ന്ന​ത്.

അ​യ​ൽ ജി​ല്ല​ക​ളി​ൽ​നി​ന്ന് കോ​ഴി​ക്കോ​ട് ബീ​ച്ചും ബേ​പ്പൂ​ർ ഫെ​സ്റ്റും കാ​ണാ​ൻ നി​ര​വ​ധി പേ​രാ​ണ് എ​ത്തു​ന്ന​ത്. മ​ല​പ്പു​റം ഭാ​ഗ​ത്തേ​ക്ക് രാ​മ​നാ​ട്ടു​ക​ര​യി​ൽ​നി​ന്നു​ത​ന്നെ ഗ​താ​ഗ​ത​ക്കു​രു​ക്കാ​ണ്. ന​ഗ​ര​ത്തി​ൽ പാ​ർ​ക്കി​ങ് സൗ​ക​ര്യം ഇ​ല്ലാ​ത്ത​തും പ്ര​തി​സ​ന്ധി​ക്കി​ട​യാ​ക്കു​ന്നു. ന​ട​പ്പാ​ത​ക​ളി​ൽ വ​രെ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ക​യും ഇ​രു​ച​ക്ര വാ​ഹ​ന​ങ്ങ​ൾ ക​യ​റ്റു​ക​യും ചെ​യ്യു​ന്ന​തി​നാ​ൽ കാ​ൽ​ന​ട​യാ​ത്ര​പോ​ലും പ​റ്റാ​ത്ത സ്ഥി​തി​യാ​ണ്.

രാ​ത്രി​യി​ൽ പൊ​തു​ഗ​താ​ഗ​തം ശു​ഷ്‍കം

പു​തു​വ​ത്സ​ര ആ​ഘോ​ഷ​ത്തി​നാ​യി പൊ​തു​വാ​ഹ​ന​ങ്ങി​ൽ ന​ഗ​ര​ത്തി​ലെ​ത്തി​യാ​ൽ രാ​ത്രി തി​രി​കെ മ​ട​ങ്ങു​മ്പോ​ൾ മു​ട്ട​ൻ പ​ണി​കി​ട്ടും. നൈ​റ്റ് ലൈ​ഫ് പ്രോ​ത്സാ​ഹി​പ്പി​ക്കു​ന്ന സ​ർ​ക്കാ​ർ രാ​ത്രി​കാ​ല പൊ​തു​ഗ​താ​ഗ​തം ക​ര്യ​ക്ഷ​മ​മാ​ക്കാ​ൻ ന​ട​പ​ടി സ്വീ​ക​രി​ക്കു​ന്നി​ല്ല. രാ​ത്രി എ​ട്ട് ക​ഴി​ഞ്ഞാ​ൽ പി​ന്നെ സ്വ​കാ​ര്യ ബ​സ് സ​ർ​വി​സ് നാ​മ​മാ​ത്ര​മാ​ണ്. കെ.​എ​സ്.​ആ​ർ.​ടി.​സി​യാ​ണ് പി​ന്നെ​യു​ള്ള ആ​ശ്ര​യം. അ​തും രാ​ത്രി എ​ട്ടു​മ​ണി ക​ഴി​ഞ്ഞാ​ൽ മ​ണി​ക്കൂ​റു​ക​ൾ ഇ​ട​വി​ട്ടാ​ണ് ബ​സു​ക​ളു​ണ്ടാ​വു​ക. ഇ​തി​ൽ കാ​ലു​കു​ത്താ​നി​ട​മി​ല്ലാ​ത്ത അ​വ​സ്ഥ​യാ​ണ്.

ആ​പ്പാ​വു​ന്ന റോ​ഡ് പ​ണി​ക​ൾ

അ​വ​ധി​ക്കാ​ല തി​ര​ക്ക് പ​രി​ഗ​ണി​ക്കാ​തെ പ​ല​യി​ട​ങ്ങ​ളി​ലും റോ​ഡ് പ​ണി ന​ട​ക്കു​ന്ന​തും ഗ​താ​ഗ​ത​ക്കു​രു​ക്ക് രൂ​ക്ഷ​മാ​വാ​നി​ട​യാ​ക്കു​ന്നു​ണ്ട്. ഏ​റെ തി​ര​ക്കേ​റി​യ മാ​നാ​ഞ്ചി​റ ചി​ന്താ​വ​ള​പ്പി​ൽ ഇ​ന്റ​ർ​ലേ​ക്ക് വി​രി​ക്കാ​നാ​യി അ​ട​ച്ചി​ട്ട​ത് വ​ൻ പ്ര​തി​സ​ന്ധി​യാ​ണ് സൃ​ഷ്ടി​ക്കു​ന്ന​ത്. ഈ ​ഭാ​ഗ​ത്ത് റോ​ഡ് അ​ട​ച്ച​തോ​ടെ ഗ​താ​ഗ​തം വ​ഴി​തി​രി​ച്ച് വി​ട്ടി​രി​ക്കു​ക​യാ​ണ്. ഇ​തോ​ടെ ന​ഗ​ര​ത്തി​ലെ ഗ​താ​ഗ​തം മൊ​ത്തം താ​ളം​തെ​റ്റി. വ​ൺ​വേ​ക​ൾ നാ​ട​കെ​ട്ടി ടൂ​വേ ആ​ക്കി​യെ​ങ്കി​ലും പ​ല​രും വ​ൺ​വേ തെ​റ്റി​ച്ചു​ക​യ​റു​ന്ന​ത് ട്രാ​ഫി​ക് പൊ​ലീ​സി​നും പൊ​ല്ലാ​പ്പാ​വു​ക​യാ​ണ്. മാ​നാ​ഞ്ചി​റ-​മ​ലാ​പ്പ​റ​മ്പ് റോ​ഡ് വി​സ​ക​ന പ്ര​വൃ​ത്തി ന​ട​ക്കു​ന്ന​തും കു​രു​ക്കി​ന് ആ​ക്കം കൂ​ട്ടു​ന്നു.

വ​യ​നാ​ട് ദേ​ശീ​യ​പാ​ത​യി​ൽ ചെ​ല​വൂ​രി​ൽ ക​ലു​ങ്കു​പ​ണി ന​ട​ക്കു​ന്ന​തി​നാ​ലും വ​ൻ തോ​തി​ൽ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ടു​ന്നു​ണ്ട്. പാ​ല​ക്കാ​ട് മ​ല​പ്പു​റം റൂ​ട്ടി​ൽ ചെ​റു​വ​ണ്ണൂ​ർ മേ​ൽ​പാ​ല​ത്തി​ന്‍റെ പ​ണി ന​ട​ക്കു​ന്ന​ത് കാ​ര​ണ​മു​ള്ള ബ്ലോ​ക്ക് മീ​ഞ്ച​ന്ത​യി​ലേ​ക്കും അ​തും​ക​ട​ന്ന് ബൈ​പാ​സി​ലേ​ക്കും നീ​ളു​ന്നു. കൂ​ടാ​തെ ദേ​ശീ​യ-​സം​സ്ഥാ​ന പാ​ത​ക​ളി​ൽ പ​ല​തി​ലും കു​ടി​വെ​ള്ള പൈ​പ്പ് സ്ഥാ​പി​ക്ക​ൽ അ​ട​ക്ക​മു​ള്ള പ്ര​വൃ​ത്തി​ക​ൾ ത​കൃ​തി​യാ​യി ന​ട​ക്കു​ന്നു.