ലോറി നിർത്താൻ സൗകര്യമില്ല; വീണ്ടും പ്രതിഷേധത്തിന് കളമൊരുങ്ങുന്നു

കോ​ഴി​ക്കോ​ട്: ന​ഗ​ര​ത്തി​ൽ ലോ​റി നി​ർ​ത്തി​യി​ടാ​ൻ വേ​ണ്ട​ത്ര സൗ​ക​ര്യ​മി​ല്ലെ​ന്ന പ​രാ​തി​ക്ക് ഇ​നി​യും പ​രി​ഹാ​ര​മാ​യി​ല്ല. ഇ​തി​ൽ പ്ര​തി​ഷേ​ധി​ച്ച് സ​മ​ര​ത്തി​നൊ​രു​ങ്ങു​ക​യാ​ണ് ലോ​റി പാ​ർ​ക്കി​ങ് സം​ര​ക്ഷ​ണ സ​മി​തി. അ​ടു​ത്ത മാ​സം യോ​ഗം ചേ​ർ​ന്ന് പ്ര​തി​ഷേ​ധ പ​രി​പാ​ടി​ക​ൾ തീ​രു​മാ​നി​ക്കു​മെ​ന്ന് പ്ര​തി​ഷേ​ധ​ക്കാ​ർ പ​റ​ഞ്ഞു. കോ​ർ​പ​റേ​ഷ​ൻ പ്ര​ഖ്യാ​പി​ച്ച ലോ​റി സ്റ്റാ​ൻ​ഡ് പ്ര​വൃ​ത്തി പെ​ട്ടെ​ന്നാ​വ​ണ​മെ​ന്നാ​ണ് ആ​വ​ശ്യം.

വ​ലി​യ​ങ്ങാ​ടി​യി​ലും പ​രി​സ​ര​ത്തു​മെ​ത്തു​ന്ന ലോ​റി​ക​ൾ നി​ർ​ത്താ​ൻ ഇ​പ്പോ​ൾ മ​തി​യാ​യ സൗ​ക​ര്യ​മി​ല്ല. 1968ൽ ​പി. കു​ട്ടി​കൃ​ഷ്ണ​ൻ നാ​യ​ർ മേ​യ​റാ​യി​രി​ക്കേ ഗ​താ​ഗ​ത മ​ന്ത്രി ഇ.​കെ. ഇ​മ്പി​ച്ചി​ബാ​വ ഉ​ദ്​​ഘാ​ട​നം ചെ​യ്ത ലോ​റി സ്റ്റാ​ൻ​ഡി​ൽ ഇ​പ്പോ​ൾ ഇ​ഞ്ചു​​പോ​ലും സ്ഥ​ല​മി​ല്ല.

വ​ലി​യ​ങ്ങാ​ടി​യി​ലും പ​രി​സ​ര​ത്തു​മെ​ത്തു​ന്ന ലോ​റി​ക​ൾ നി​ർ​ത്താ​ൻ സൗ​ക​ര്യ​മി​ല്ലാ​ത്ത​തി​നാ​ൽ ഏ​റെ ബു​ദ്ധി​മു​ട്ടു​ക​യാ​ണ്. ലോ​റി​ക​ൾ നി​ർ​ത്തു​ന്ന​തി​ന്​ നി​യ​ന്ത്ര​ണ​മേ​ർ​പ്പെ​ടു​ത്തി​യ​തോ​ടെ വ​ലി​യ​ങ്ങാ​ടി​യി​ല​ട​ക്കം ലോ​റി​ക​ൾ കു​റ​ഞ്ഞു. ഇ​തു​കാ​ര​ണം ക​ച്ച​വ​ട​ക്കാ​ർ, ക​യ​റ്റി​റ​ക്ക് തൊ​ഴി​ലാ​ളി​ക​ൾ, ലോ​റി ഡ്രൈ​വ​ർ​മാ​ർ, ക്ലീ​ന​ർ​മാ​ർ, ഏ​ജ​ന്‍റു​മാ​ർ എ​ന്നി​വ​ർ ക​ഷ്ട​പ്പെ​ടു​ന്നു.

മ​തി​യാ​യ സൗ​ക​ര്യ​ത്തോ​ടു​കൂ​ടി​യ പാ​ർ​ക്കി​ങ് ഹ​ബ് നി​ർ​മി​ച്ചു​ന​ൽ​ണ​മെ​ന്നാ​ണ്​ ലോ​റി​യു​ട​മ​ക​ളു​ടെ ആ​വ​ശ്യം. ഈ ​ആ​വ​ശ്യ​മു​ന്ന​യി​ച്ച്​ ലോ​റി​യു​ട​മ​ക​ളു​ടെ​യും ഏ​ജ​ന്‍റു​മാ​രു​ടെ​യും തൊ​ഴി​ലാ​ളി​ക​ളു​ടെ​യും വി​വി​ധ സം​ഘ​ട​ന​ക​ളു​ടെ കൂ​ട്ടാ​യ്​​മ​യാ​യ ലോ​റി പാ​ർ​ക്കി​ങ്​ സം​ര​ക്ഷ​ണ സ​മി​തി​യു​ടെ ആ​ഭി​മു​ഖ്യ​ത്തി​ൽ മു​മ്പ് അ​ധി​കാ​രി​ക​ളെ ക​ണ്ടി​രു​ന്നു.

ന​ഗ​ര​ത്തി​ൽ ലോ​റി​ക​ൾ നി​ർ​ത്താ​നു​ള്ള സ്ഥ​ലം ക​ണ്ടെ​ത്തി​യാ​ൽ സ്റ്റാ​ൻ​ഡ് നി​ർ​മി​ക്കാ​മെ​ന്നാ​ണ്​ അ​ധി​കാ​രി​ക​ളു​ടെ നി​ല​പാ​ട്. ലോ​റി​ക​ൾ നി​ർ​ത്തു​ന്ന​തു​മാ​യി ബ​ന്ധ​പ്പെ​ട്ട്​ പ​ല​ത​വ​ണ പ്ര​ശ്ന​ങ്ങ​ളു​ണ്ടാ​യി​രു​ന്നു. സൗ​ത്ത്​ ബീ​ച്ചി​ൽ ലോ​റി നി​ർ​ത്തു​ന്ന​തി​നെ​തി​രെ പ്ര​ക്ഷോ​ഭ​മു​യ​രു​ക​യും അ​വി​ടെ വ​ണ്ടി നി​ർ​ത്തു​ന്ന​ത്​ അ​ന​ധി​കൃ​ത​മാ​യി പ്ര​ഖ്യാ​പി​ക്കു​ക​യും ചെ​യ്തി​രു​ന്നു. എ​ന്നാ​ൽ, പ​ക​രം സ്ഥ​ല​മി​ല്ലാ​തെ ഒ​ടു​വി​ൽ സൗ​ത്ത്​​ബീ​ച്ചി​ൽ​ത്ത​ന്നെ അ​ത്​ തി​രി​ച്ചെ​ത്തി​യി​രി​ക്കു​ക​യാ​ണ്.

ക​ട​പ്പു​റ​ത്ത്​ പോ​ർ​ട്ട്​ ഓ​ഫി​സി​​ന്‍റെ ഒ​ഴി​ഞ്ഞു​​കി​ട​ക്കു​ന്ന സ്ഥ​ല​ത്തും വെ​സ്​​റ്റ്​​ഹി​ൽ ചു​ങ്ക​ത്തും മീ​ഞ്ച​ന്ത​യി​ലു​മെ​ല്ലാം ലോ​റി​ക​ൾ നി​ർ​ത്തു​ന്ന കാ​ര്യം കോ​ർ​പ​റേ​ഷ​ൻ ആ​ലോ​ചി​ച്ചി​രു​ന്നു. പ്ര​ദേ​ശ​വാ​സി​ക​ൾ എ​ല്ലാ​യി​ട​ത്തും എ​തി​ർ​പ്പു​യ​ർ​ത്തി. ഇ​ത​ര​​സം​സ്ഥാ​ന തൊ​ഴി​ലാ​ളി​ക​ൾ ലോ​റി​യു​മാ​യി ത​ങ്ങു​ന്ന​ത്​ നാ​ട്ടു​കാ​ർ പ്രോ​ത്സാ​ഹി​പ്പാ​ക്കാ​ത്ത​താ​ണ്​ മു​ഖ്യ​പ്ര​ശ്​​നം.

ലോ​റി നി​ർ​ത്തു​ക​യും തി​രി​ക്കു​ക​യും ചെ​യ്യു​ന്ന​തോ​ടെ ഗ​താ​ഗ​ത​ക്കു​രു​ക്കി​നൊ​പ്പം സ്വൈ​ര ജീ​വി​ത​വും ത​ട​സ്സ​പ്പെ​ടു​ന്നു​വെ​ന്നാ​ണ്​ പ​രാ​തി. സൗ​ത്ത്ബീ​ച്ചി​ൽ റോ​ഡി​ൽ നി​ർ​ത്തു​ന്ന​തു​ത​ട​ഞ്ഞ്​ പ​ക​രം പോ​ർ​ട്ടി​​ന്‍റെ വ​ള​പ്പി​ൽ 60 ലോ​റി​ക​ൾ​ക്കെ​ങ്കി​ലും സൗ​ക​ര്യ​മൊ​രു​ക്കാ​നാ​വു​മെ​ന്ന്​ ന​ഗ​ര​സ​ഭ ആ​ലോ​ചി​ച്ചി​രു​ന്നു. വ​ലി​യ​ങ്ങാ​ടി​യി​ലേ​ക്ക്​ വ​രു​ന്ന ലോ​റി​ക​ൾ കോ​തി​ക്കും സൗ​ത്ത്ബീ​ച്ചി​നു​മി​ട​യി​ൽ റോ​ഡി​ൽ നി​ർ​ത്തി​യി​ടു​ന്ന​ത്​ പ​തി​വാ​ണ്.

സൗ​ത്ത്ബീ​ച്ചി​ലെ ലോ​റി സ്റ്റാ​ൻ​ഡ്​ തോ​പ്പ​യി​ലേ​ക്ക് മാ​റ്റാ​നും സ്ഥ​ല​മൊ​രു​ക്കാ​ന്‍ 1.9 ല​ക്ഷം രൂ​പ നീ​ക്കി​വെ​ക്കാ​നും കോ​ര്‍പ​റേ​ഷ​ന്‍ തീ​രു​മാ​നി​ച്ചി​രു​ന്നെ​ങ്കി​ലും എ​ല്ലാം വെ​റു​തെ​യാ​യി.​ സ്റ്റാ​ൻ​ഡ് വെ​ള്ള​യി​ൽ തോ​പ്പ​യി​ലേ​ക്ക് മാ​റ്റു​ന്ന​തി​നെ​തി​രെ​യും പ്ര​തി​ഷേ​ധം ന​ട​ന്നി​രു​ന്നു. മു​മ്പ് ലോ​റി സ്റ്റാ​ൻ​ഡ്​ അ​നു​വ​ദി​ക്കാ​ൻ തീ​രു​മാ​നി​ച്ച മീ​ഞ്ച​ന്ത​യി​ലെ സ്ഥ​ല​ത്ത്​ ബ​സ്​ സ്​​റ്റാ​ന്‍ഡ്​ പ​ണി​യാ​നാ​ണ്​ ഇ​പ്പോ​ൾ കോ​ർ​പ​റേ​ഷ​ൻ നി​ശ്ച​യി​ച്ച​ത്.