ദേ​ശീ​യ​പാ​ത​യി​ൽ​നി​ന്ന് ടാ​ങ്ക​ർ​ലോ​റി തെ​ന്നി​മാ​റി; ഒ​ഴി​വാ​യ​ത് വ​ൻ ദു​ര​ന്തം

വ​ട​ക​ര: ദേ​ശീ​യ​പാ​ത​യി​ൽ​നി​ന്ന് പാ​ച​ക​വാ​ത​ക ടാ​ങ്ക​ർ​ലോ​റി തെ​ന്നി​മാ​റി ഒ​ഴി​വാ​യ​ത് വ​ൻ ദു​ര​ന്തം. വ​ട​ക​ര പു​തി​യ ബ​സ് സ്റ്റാ​ൻ​ഡ് അ​പ്പോ​ളോ ജ്വ​ല്ല​റി​ക്ക് സ​മീ​പ​ത്തു​വെ​ച്ചാ​ണ് ടാ​ങ്ക​ർ തെ​ന്നി​മാ​റി റോ​ഡി​ൽ​നി​ന്ന് താ​ഴേ​ക്ക് പ​തി​ച്ച​ത്. ചൊ​വ്വാ​ഴ്ച പു​ല​ർ​ച്ചെ നാ​ല​ര​യോ​ടെ​യാ​ണ് സം​ഭ​വം. മം​ഗ​ളൂ​രു​വി​ൽ​നി​ന്ന് പാ​ല​ക്കാ​ട് ക​ഞ്ചി​ക്കോ​ട്ടേ​ക്ക് പാ​ച​ക​വാ​ത​ക​വു​മാ​യി പോ​കു​ക​യാ​യി​രു​ന്ന ടാ​ങ്ക​റാ​ണ് അ​പ​ക​ട​ത്തി​ൽ​പെ​ട്ട​ത്. ഇ​ന്നോ​വ കാ​ർ ടാ​ങ്ക​റി​ൽ ഇ​ടി​ക്കാ​ൻ നോ​ക്കി​യ​പ്പോ​ൾ വെ​ട്ടി​ച്ച​താ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്നാ​ണ് ഡ്രൈ​വ​ർ നാ​മ​ക്ക​ൽ സ്വ​ദേ​ശി തി​രു​പ്പ​തി പൊ​ലീ​സി​നെ

വി​ളി​ച്ച​റി​യി​ച്ച​ത്. ഇ​ന്നോ​വ കാ​റി​ൽ സ​ഞ്ച​രി​ച്ച​വ​ർ​ത​ന്നെ പൊ​ലീ​സി​ൽ വി​വ​രം അ​റി​യി​ക്കാ​നാ​ണെ​ന്ന വ്യാ​ജേ​ന കാ​റി​ൽ ക​യ​റ്റി ത​ന്റെ ഫോ​ണും വാ​ഹ​ന​രേ​ഖ​ക​ളും കൈ​ക്ക​ലാ​ക്കി മാ​ഹി​യി​ൽ ഇ​റ​ക്കി​വി​ട്ട​താ​യും ടാ​ങ്ക​ർ ലോ​റി ഡ്രൈ​വ​ർ തി​രു​പ്പ​തി പൊ​ലീ​സി​നോ​ട് പ​റ​ഞ്ഞു.

കാ​റി​ൽ മൂ​ന്ന് പു​രു​ഷ​ന്മാ​രും ഒ​രു സ്ത്രീ​യു​മാ​ണ് കാ​റി​ൽ ഉ​ണ്ടാ​യി​രു​ന്ന​തെ​ന്നും ഡ്രൈ​വ​ർ പ​റ​ഞ്ഞു. ലോ​റി​ഡ്രൈ​വ​റു​ടെ മൊ​ഴി​യി​ൽ അ​വ്യ​ക്ത​ത​യു​ണ്ടെ​ന്നും ഇ​യാ​ൾ മ​ദ്യ​ല​ഹ​രി​യി​ലാ​യ​തി​നാ​ൽ മു​ങ്ങി​യ​താ​ണെ​ന്ന് സം​ശ​യ​മു​ണ്ടെ​ന്നും വ​ട​ക​ര പൊ​ലീ​സ് പ​റ​ഞ്ഞു. ടാ​ങ്ക​ർ അ​പ​ക​ട​ത്തി​ൽ​പെ​ട്ട വി​വ​രം രാ​വി​ലെ ഒ​മ്പ​ത​ര​യോ​ടെ​യാ​ണ് അ​ഗ്നി​ര​ക്ഷാ​സേ​ന​യെ അ​റി​യി​ക്കു​ന്ന​ത്. ടാ​ങ്ക​റി​ൽ ചോ​ർ​ച്ച​യി​ല്ലാ​ത്ത​തി​നാ​ൽ വ​ൻ അ​പ​ക​ട​മാ​ണ് ഒ​ഴി​വാ​യ​ത്. അ​ഗ്നി​ര​ക്ഷാ

സേ​ന​യു​ടെ ര​ണ്ടു യൂ​നി​റ്റ് സ്ഥ​ല​ത്തെ​ത്തി ര​ണ്ടു ക്രെ​യി​നു​ക​ളു​ടെ സ​ഹാ​യ​ത്തോ​ടെ​യാ​ണ് ടാ​ങ്ക​ർ റോ​ഡി​ലേ​ക്ക് ക​യ​റ്റി​യ​ത്. അ​പ​ക​ട​ക​ര​മാ​യി വാ​ഹ​ന​മോ​ടി​ച്ച​തി​ന് ടാ​ങ്ക​ർ ലോ​റി ഡ്രൈ​വ​ർ​ക്കെ​തി​രെ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. സ്റ്റേ​ഷ​ൻ ഓ​ഫി​സ​റു​ടെ കീ​ഴി​ൽ അ​ഗ്നി​ര​ക്ഷാ​സേ​ന​യും പൊ​ലീ​സും വാ​ഹ​നം മാ​റ്റാ​ൻ നേ​തൃ​ത്വം ന​ൽ​കി. വ​ട​ക​ര ത​ഹ​സി​ൽ​ദാ​ർ കെ.​കെ. പ്ര​സീ​ൽ, ഡെ​പ്യൂ​ട്ടി ത​ഹ​സി​ൽ​ദാ​ർ വി.​കെ. സു​ധീ​ർ എ​ന്നി​വ​ർ സ്ഥ​ല​ത്തെ​ത്തി.