കുറ്റാരോപിതർ മടങ്ങിയെത്തിയതിൽ പ്രതിഷേധവുമായി അതിജീവിത

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ഐ.​സി.​യു പീ​ഡ​ന​ക്കേ​സി​ൽ ഇ​ര​യെ ഭീ​ഷ​ണി​പ്പെ​ടു​ത്തി​യ കേ​സി​ൽ, സ്ഥ​ലം മാ​റ്റി​യ അ​ഞ്ച് ജീ​വ​ന​ക്കാ​ർ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മ​ട​ങ്ങി​വ​ന്ന​തി​ൽ അ​തി​ജീ​വി​ത പ്ര​തി​ഷേ​ധി​ച്ചു. സ്ഥ​ലം മാ​റ്റ​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ അ​ന്വേ​ഷി​ക്കു​ന്ന​തി​നാ​യി മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ലി​നെ കാ​ണാ​നെ​ത്തി​യ ഇ​വ​ർ​ക്ക് തൃ​പ്തി​ക​ര​മാ​യ മ​റു​പ​ടി ല​ഭി​ച്ചി​ല്ല. തു​ട​ർ​ന്ന് അ​തി​ജീ​വി​ത​യും മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ നൗ​ഷാ​ദ് തെ​ക്ക​യി​ലും പ്രി​ൻ​സി​പ്പ​ലി​ന്‍റെ ചേം​ബ​റി​ൽ കു​ത്തി​യി​രു​ന്ന് പ്ര​തി​ഷേ​ധി​ക്കു​ക​യാ​യി​രു​ന്നു. പി​ന്നീ​ട് പൊ​ലീ​സെ​ത്തി ഇ​വ​രെ ക​സ്റ്റ​ഡി​യി​ലെ​ടു​ത്ത് ക​രു​ത​ൽ ത​ട​ങ്ക​ലി​ലാ​ക്കി​യ ശേ​ഷം വി​ട്ട​യ​ച്ചു. ബു​ധ​നാ​ഴ്ച​യാ​ണ് ആ​രോ​പ​ണ​വി​ധേ​യ​രാ​യ അ​ഞ്ചു ജീ​വ​ന​ക്കാ​ർ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ തി​രി​കെ ജോ​ലി​യി​ൽ പ്ര​വേ​ശി​ച്ച​ത്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ശ​സ്ത്ര​ക്രി​യ​ക്ക് വി​ധേ​യ​യാ​യ യു​വ​തി​യെ​യാ​ണ്, 2023 മാ​ർ​ച്ച് 18ന് ​അ​റ്റ​ൻ​ഡ​ർ എം.​എം.​ശ​ശീ​ന്ദ്ര​ൻ പീ​ഡി​പ്പി​ച്ചെ​ന്ന പ​രാ​തി​യു​യ​ർ​ന്ന​ത്.