നിള നാഥ്
കോഴിക്കോട്: കക്കോടി സ്വദേശിനിയും നർത്തകിയുമായ നിള നാഥിന് ബൈജൂസ് യങ് ജീനിയസ് ദേശീയ അവാർഡ്. രാജ്യത്തെ ആറ് മുതൽ 15 വയസ്സുവരെയുള്ളവർക്കായി 'ബൈജൂസ് ആപ്' ന്യൂസ്‌ 18 ചാനലുമായി ചേർന്ന് നടത്തിയ യങ് ജീനിയസ് പരിപാടിയിൽ ഇന്ത്യൻ ക്ലാസിക് നൃത്തരംഗത്തെ മികവ് തെളിയിച്ചാണ് നിള അവാർഡിനർഹയായത്.
രാജ്യത്തെ ഇരുപതിനായിരത്തിൽപരം കുട്ടികളിൽ നിന്ന് കല, വിദ്യാഭ്യാസം, ടെക്നോളജി, സ്പോർട്സ് മേഖലകളിലെ കഴിവുകൾ പരിഗണിച്ച് 22 പേർക്കാണ് പുരസ്കാരം.
ഛത്തിസ്ഗഢിൽ നടന്ന ദേശീയ നൃത്തോത്സവത്തിൽ ചൈൽഡ്‌ ആർട്ടിസ്റ്റ് പുരസ്കാര ജേതാവാണ് നിള നാഥ്. ചേളന്നൂർ എ.കെ.കെ.ആർ ഗേൾസ് ഹയർ സെക്കൻഡറി സ്കൂൾ ഒമ്പതാം ക്ലാസ് വിദ്യാർഥിനിയായ നിള നാഥ് കക്കോടി സ്വദേശി എ. ബിജുനാഥിന്‍റെയും പരേതയായ ഷീബയുടെയും മകളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.