ചാത്തമംഗലത്ത് രണ്ടു കാട്ടുപന്നികളെ വെടിവെച്ചുകൊന്നു

ചാത്തമംഗലം: കൃഷി നശിപ്പിച്ച രണ്ട് കാട്ടുപന്നികളെ കൂടി ചാത്തമംഗലം ഗ്രാമ പഞ്ചായത്തിൽ വെടിവെച്ചുകൊന്നു. ഇതോടെ മൂന്ന് ദിവസങ്ങളിലായി വെടിെവച്ചുകൊന്ന കാട്ടുപന്നികൾ നാലായി. വെള്ളലശ്ശേരി പുതിയാടം ഏറാടി പറമ്പ് അബ്​ദുറഹിമാെൻറ കൃഷിയിടത്തിലും പുളിയശ്ശേരി കൃഷ്ണൻ നമ്പൂതിരിയുടെ കൃഷിയിടത്തിലും കയറിയ പന്നികളെയാണ് ശനിയാഴ്ച പുലർച്ച വകവരുത്തിയത്​.

വനം വകുപ്പിെൻറ അനുമതിയോടെ സി.എം. ബാലൻ, ബിനോയ് എന്നിവരാണ് വെടിവെച്ചത്. പീടികപ്പാറ സെക്​ഷൻ ഡെപ്യൂട്ടി റേഞ്ച് ഓഫിസർ കെ. ഷാജു, സെക്​ഷൻ ഫോറസ്​റ്റ്​ ഓഫിസർമാരായ കെ. അഷ്റഫ്, പി. ജലീസ്, ബീറ്റ് ഫോറസ്​റ്റ്​ ഓഫിസർമാരായ സി. മുഹമ്മദ് അസ്​ലം, ജിതേഷ് തുടങ്ങിയവരുടെ നേതൃത്വത്തിൽ തുടർ നടപടികൾ സ്വീകരിച്ചു.