നിറ​ഞ്ഞൊഴുകി മാവൂർ റോഡ്; നടപ്പാത നവീകരിച്ചെങ്കിലും ഓടക്ക്​ ആവശ്യമായ ആഴമില്ല

കോഴിക്കോട്​: മഴ കനത്തപ്പോൾ മാവൂർ റോഡിൽ വീണ്ടും വെള്ളക്കെട്ട്​. തിങ്കളാഴ്​ച രാവിലെ ​െക.എസ്​.ആർ.ടി.സി ​െടർമിനൽ പരിസരം മുതൽ മൊഫ്യൂസൽ ബസ്​സ്​റ്റാൻറിന്​ സമീപം വ​െര മാവൂർ റോഡിൽ വെള്ളം ​െകട്ടിനിന്നത്​ യാത്ര ദുഷ്​കരമാക്കി. മാലിന്യങ്ങൾ നിറഞ്ഞ വെള്ളമാണ്​ നടപ്പാതയിലേക്കും സമീപ റോഡുകളിലേക്കും ഒഴുകിയത്​. നന്തിലത്ത്​ ജങ്​​ഷനിലായിരുന്നു ഏറ്റവും കൂടുതൽ വെള്ളക്കെട്ട്​. ഇരുചക്രവാഹനത്തിൽ യാത്ര ചെയ്​തവരാണ്​ റോഡിലെ വെള്ളം കാരണം കൂടുതൽ ബുദ്ധിമുട്ടിയത്. മലിനജലം താണ്ടിയ കാൽനടക്കാർക്കും ദുരിതമായിരുന്നു.

കോടികൾ മുടക്കി നടപ്പാത നവീകരിച്ചെങ്കിലും ഓടക്ക്​ ആവശ്യമായ ആഴം കൂട്ടാത്തതാണ്​ പതിവായി തുടരുന്ന വെള്ളക്കെട്ടിന്​ കാരണം. ഓടകളിൽ പ്ലാസ്​റ്റികും മറ്റും കുടുങ്ങിക്കിടക്കുന്നതിനാൽ ​െവള്ളത്തി​െൻറ ഒഴുക്ക്​ തട​സ്സപ്പെടുന്നുമുണ്ട്​.

അരയിടത്ത്​പാലത്തിന്​ സമീപം ഓടയുടെ ജോലി അനന്തമായി ഇഴയുന്നതും മാവൂർ റോഡിലെ വെള്ളക്കെട്ടിന്​ കാരണമാകുന്നുണ്ട്​. ഇവിടെയുള്ള അഴുക്കുചാൽ നിർമാണം വൈകുന്നത്​ സമീപത്തെ വ്യാപാരികൾക്കും ദുരിതം വിതക്കുകയാണ്​. ഒരു വർഷത്തിലേറെയായി പ്രവൃത്തി നടക്കുന്നുണ്ടെങ്കിലും പൂർത്തിയാകുന്നില്ല. ലോക്​ഡൗണും കോവിഡ്​ പ്രതിസന്ധിയും ഈ ഭാഗത്തെ വ്യാപാരികളെ കൂടുതൽ ദുരിതത്തിലാക്കിയിട്ടുണ്ട്​​. ​

െവള്ളക്കെട്ടിന്​ പരിഹാരം കാണാൻ 310 മീറ്റർ നീളത്തിൽ ഓവുചാൽ നവീകരിക്കുന്നതാണ്​ അത്ഭുതകരമായി നീണ്ടുപോയത്​. ഈ ഭാഗത്ത്​ നേരത്തേയുണ്ടായിരുന്ന ചെറിയ ഓടയുടെ ആഴം കൂട്ടുകയും വെള്ളം തൊട്ടപ്പുറത്തെ കനോലി കനാലിലേക്ക്​ തുറന്നുവിടുകയുമായിരുന്നു പദ്ധതിയുടെ ലക്ഷ്യം.

മാവൂർ റോഡിനോട്​ ബന്ധമുള്ള ചെറിയ റോഡുകളെ വെള്ളക്കെട്ട്​ ബാധിക്കുന്നുണ്ട്​. മാവൂർ റോഡിൽ വെള്ളം നിറയു​േമ്പാൾ യു.കെ.എസ്​ റോഡിലേക്കും അഴുക്കുവെള്ളം ഒഴുകിയെത്തുന്നതും പതിവാണ്​. തിങ്കളാഴ​്​ രാവിലെ യു.കെ.എസ്​ റോഡിൽ വെള്ളം കയറി യാത്ര തടസ്സപ്പെട്ടിരുന്നു. മാവൂർ റോഡിനേക്കാൾ താഴ്​ന്നുകിടക്കുന്നതിനാലാണ്​ ഇവിടെ വെള്ളമെത്തുന്നത്​. സമീപത്തെ കടകളിലും വീടുകളിലും വെള്ളം കയറുന്ന അവസ്​ഥയാണ്​.

തിങ്കളാ​ഴ്​ച വെള്ളക്കെട്ട്​ നീക്കാൻ കോർപറേഷൻ തൊഴിലാളികളും ഹരിത കർമസേനയും രംഗത്തെത്തി. ഓടകളിൽ അടിഞ്ഞുകൂടിയ പ്ലാസ്​റ്റിക്​ മാലിന്യം ഹരിത കർമസേന ചിലയിടങ്ങളിൽ നീക്കി. ശാശ്വതമായ പരിഹാരമുണ്ടാക്കണ​െമന്ന ആവശ്യം ശക്​തമാണ്​.