കു​ന്നി​ടി​ക്കു​ന്ന​തി​ൽ പു​തി​യ ത​ന്ത്ര​ങ്ങ​ളു​മാ​യി മ​ണ്ണ് മാ​ഫി​യ

കോ​ഴി​ക്കോ​ട്: കു​ന്നി​ടി​ച്ച് മ​ണ്ണ് നീ​ക്കം ചെ​യ്യു​ന്ന​തി​ന് പു​തി​യ ത​ന്ത്ര​ങ്ങ​ളൊ​രു​ക്കി മ​ണ്ണ് മാ​ഫി​യ. വീ​ട് നി​ർ​മാ​ണ​ത്തി​ന് മ​ണ്ണ് നീ​ക്കം ചെ​യ്യാ​നു​ള്ള അ​നു​വാ​ദം ന​ൽ​കു​ന്ന​തി​നു​ള്ള അ​ധി​കാ​രം മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ൽ നി​ന്ന് ത​ദ്ദേ​ശ സ്ഥാ​പ​ന​ങ്ങ​ൾ​ക്ക് കൈ​മാ​റി​യ​തി​ന്റെ മ​റ​വി​ലാ​ണ് കു​ന്നി​ടി​ക്ക​ൽ നി​ർ​ബാ​ധം ന​ട​ത്തു​ന്ന​തെ​ന്നാ​ണ് പ​രാ​തി. വ​ൻ തു​ക കൈ​ക്കൂ​ലി വാ​ങ്ങി​യാ​ണ് ചി​ല ത​ദ്ദേ​ശ സെ​ക്ര​ട്ട​റി​മാ​ർ റെ​സി​ഡ​ൻ​ഷ്യ​ൽ കെ​ട്ടി​ട​ങ്ങ​ൾ​ക്ക് മ​ണ്ണ് മാ​റ്റാ​ൻ അ​നു​മ​തി ന​ൽ​കു​വാ​നു​ള്ള അ​ധി​കാ​രം വ്യാ​പ​ക​മാ​യി ദു​രു​പ​യോ​ഗം ചെ​യ്യു​ന്ന​തെ​ന്നാ​ണ് ആ​രോ​പ​ണം.

വീ​ട് വെ​ക്കാ​ൻ ഉ​ദ്ദേ​ശി​ക്കു​ന്ന സ്ഥ​ല​ത്തി​ന്റെ രേ​ഖ​ക​ളും നി​ർ​മി​ക്കാ​നു​ദ്ദേ​ശി​ക്കു​ന്ന കെ​ട്ടി​ട​ത്തി​ന്റെ പ്ലാ​നും ഉ​ൾ​പ്പെ​ടെ​യാ​ണ് ബ​ന്ധ​പ്പെ​ട്ട ത​ദ്ദേ​ശ​ഭ​ര​ണ സ്ഥാ​പ​ന സെ​ക്ര​ട്ട​റി​ക്ക് അ​പേ​ക്ഷ ന​ൽ​കേ​ണ്ട​ത്. ജ​ല​സ്രോ​ത​സു​ക​ൾ​ക്കോ ത​ണ്ണീ​ർ​ത​ട​ങ്ങ​ൾ​ക്കോ ഹാ​നി​ക​ര​മാ​കാ​ത്ത വി​ധം നീ​ക്കം ചെ​യ്യു​ന്ന മ​ണ്ണ് എ​വി​ടെ നി​ക്ഷേ​പി​ക്കു​മെ​ന്ന​ത് ഉ​റ​പ്പു​വ​രു​ത്തി അ​ള​വ് തി​ട്ട​പ്പെ​ടു​ത്തു​ന്ന റി​പ്പോ​ർ​ട്ട് വാ​ങ്ങും. നി​യ​മാ​നു​സൃ​ത ഫീ​സ് ഈ​ടാ​ക്കി​യാ​ണ് അ​നു​മ​തി ന​ൽ​കു​ന്ന​ത്. മ​ണ്ണെ​ടു​ത്ത ശേ​ഷം ഒ​രു വ​ർ​ഷ​ത്തി​ന​കം നി​ർ​ദി​ഷ്ട പ്ലാ​ൻ പ്ര​കാ​ര​മു​ള്ള കെ​ട്ടി​ട​ത്തി​ന്റെ അ​ടി​ത്ത​റ നി​ർ​മി​ച്ച​ത് ത​ദ്ദേ​ശ സ്ഥാ​പ​ന സെ​ക്ര​ട്ട​റി പ​രി​ശോ​ധി​ച്ച് ഉ​റ​പ്പു വ​രു​ത്ത​ണ​മെ​ന്ന് ച​ട്ടം അ​നു​ശാ​സി​ക്കു​ന്നു. നി​ർ​മാ​ണം ന​ട​ത്തി​യി​ല്ലെ​ങ്കി​ൽ ഒ​ടു​ക്കി​യ ഫീ​സി​ന്റെ അ​ഞ്ചി​ര​ട്ടി തു​ക പി​ഴ​യാ​യി ത​ദ്ദേ​ശ​ഭ​ര​ണ സ്ഥാ​പ​നം വ​സൂ​ലാ​ക്ക​ണം എ​ന്നും വ്യ​വ​സ്ഥ ചെ​യ്യു​ന്നു.

എ​ന്നാ​ൽ, ഇ​ങ്ങ​നെ ഒ​രു ര​ജി​സ്റ്റ​ർ ഒ​രു ത​ദ്ദേ​ശ​ഭ​ര​ണ സ്ഥാ​പ​ന​വും സൂ​ക്ഷി​ക്കു​ക​യോ തു​ട​ർ ന​ട​പ​ടി​ക​ൾ സ്വീ​ക​രി​ക്കു​ക​യോ ചെ​യ്യാ​തെ മ​ണ്ണെ​ടു​പ്പി​ന് എ​ല്ലാ സ​ഹാ​യ​ങ്ങ​ളും ന​ൽ​കി വ​ൻ തു​ക കൈ​ക്കൂ​ലി വാ​ങ്ങു​ക​യാ​ണെ​ന്നാ​ണ് ആ​രോ​പ​ണം. മ​ണ്ണ് മാ​ഫി​യ പ്രാ​ദേ​ശി​ക ഏ​ജ​ന്റു​മാ​ർ മു​ഖേ​ന കു​ന്നി​ൻ പ്ര​ദേ​ശ​ത്ത് ഭൂ​മി​യു​ള്ള പാ​വ​പ്പെ​ട്ട​വ​രെ വ​ല​വീ​ശി അ​വ​ർ​ക്ക് വീ​ട് വെ​ക്കാ​ൻ സൗ​ജ​ന്യ​മാ​യി സ്ഥ​ലം നി​ര​പ്പാ​ക്കി ന​ൽ​കാ​മെ​ന്ന ക​രാ​റി​ൽ ഭൂ​മി​യു​ടെ രേ​ഖ​ക​ൾ വാ​ങ്ങി വ​ലി​യ കെ​ട്ടി​ട​ങ്ങ​ളു​ടെ പ്ലാ​ൻ വ​ര​ച്ച് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ​യും ഭ​ര​ണ സ​മി​തി അം​ഗ​ങ്ങ​ളേ​യും സ്വാ​ധീ​നി​ച്ച് ന​ട​പ​ടി​ക്ര​മ​ങ്ങ​ളെ​ല്ലാം വേ​ഗ​ത്തി​ൽ പൂ​ർ​ത്തി​യാ​ക്കി ഫീ​സൊ​ടു​ക്കി മ​ണ്ണെ​ടു​പ്പ് തു​ട​രു​ക​യാ​ണ്. പ്ലാ​നി​ന്റെ അ​ടി​സ്ഥാ​ന​ത്തി​ൽ ല​ഭി​ച്ച അ​നു​മ​തി​യി​ൽ നി​ശ്ച​യി​ച്ചു​ള്ള​തി​ന്റെ പ​ല​യി​ര​ട്ടി മ​ണ്ണ് എ​ടു​ത്തു മാ​റ്റി കു​ന്നു​ക​ളെ സ​മ​ത​ല​ങ്ങ​ളാ​ക്കു​ക​യാ​ണ്. സം​സ്ഥാ​നം മു​ഴു​വ​ൻ ഇ​ത്ത​ര​ത്തി​ൽ മ​ണ്ണെ​ടു​പ്പ് തു​ട​രു​ന്നു​ണ്ട്.