പു​തി​യ ബ​സ് സ്റ്റാ​ൻ​ഡി​നു സ​മീ​പം വൻ തീപിടിത്തം

കോ​ഴി​ക്കോ​ട്: ന​ഗ​ര​ത്തി​ൽ പു​തി​യ ബ​സ് സ്റ്റാ​ൻ​ഡി​നു സ​മീ​പം വ​ൻ അ​ഗ്നി​ബാ​ധ. ഞായറാഴ്ച രാ​ത്രി ഒ​മ്പ​തോ​ടെ​യാ​ണ് സം​ഭ​വം. സ്റ്റാ​ൻ​ഡി​ന്റെ കി​ഴ​ക്കു​ഭാ​ഗ​ത്തെ ക​ള്ളു​ഷാ​പ്പി​ന​ടു​ത്തു​ള്ള ഒ​ഴി​ഞ്ഞ പ​റ​മ്പി​ലെ മാ​ലി​ന്യ​ത്തി​നാ​ണ് തീ​പി​ടി​ച്ച​ത്. കൂ​ട്ടി​യി​ട്ട ട​യ​റി​ന്റെ അ​വ​ശി​ഷ്ട​ങ്ങ​ൾ​ക്ക് ആ​ദ്യം തീ​പി​ടി​ക്കു​ക​യും ആ​ളി​പ്പ​ട​രു​ക​യു​മാ​യി​രു​ന്നു. അ​ഗ്നി​ര​ക്ഷാ​സേ​ന​യ​ട​ക്കം ശ്ര​മി​ച്ചി​ട്ടും രാ​ത്രി ഒ​രു മ​ണി​യാ​യി​ട്ടും പൂ​ർ​ണ​മാ​യും തീ​യ​ണ​ക്കാ​നാ​യി​ട്ടി​ല്ല. മീ​ഞ്ച​ന്ത, ബീ​ച്ച് എ​ന്നി​വി​ട​ങ്ങ​ളി​ൽ​നി​ന്ന് അ​ഗ്നി​ര​ക്ഷാ​സേ​ന​യു​ടെ നാ​ലു യൂ​നി​റ്റെ​ത്തി ക​ഠി​ന പ​രി​ശ്ര​മം ന​ട​ത്തി​യെ​ങ്കി​ലും തീ ​ക​ത്തു​ക​യാ​ണ്. ട​യ​ർ അ​വ​ശി​ഷ്ട​ങ്ങ​ൾ ഉ​ള്ള​തി​നാ​ൽ തീ ​പൂ​ർ​ണ​മാ​യി അ​ണ​ക്കാ​ൻ സ​മ​യ​മെ​ടു​ക്കു​മെ​ന്ന് അ​ഗ്നി​ര​ക്ഷാ​സേ​ന അ​ധി​കൃ​ത​ർ അ​റി​യി​ച്ചു. പ​ല​ത​വ​ണ വെ​ള്ളം തീ​ർ​ന്ന​തി​നാ​ൽ ഫ​യ​ർ എ​ൻ​ജി​നു​ക​ൾ​ക്ക് പു​ന​ർ​സം​ഭ​ര​ണ​ത്തി​ന് ജ​ലാ​ശ​യ​ങ്ങ​ളി​ൽ പോ​കേ​ണ്ടി​വ​ന്ന​തും ത​ട​സ്സ​മാ​യി. ട​യ​ർ ക​ത്തി പു​ക പ​ട​ർ​ന്ന​തി​നാ​ൽ സ​മീ​പ​ത്തു​ള്ള​വ​ർ​ക്ക് ശ്വാ​സ​ത​ട​സ്സം അ​നു​ഭ​വ​പ്പെ​ട്ടു. ബ​സ് സ്റ്റാ​ൻ​ഡി​നു​ള്ളി​ൽ നൂ​റു​ക​ണ​ക്കി​ന് പ്ലാ​സ്റ്റി​ക് ചാ​ക്കു​ക​ളി​ൽ നി​റ​ച്ച മാ​ലി​ന്യ​ത്തി​ലേ​ക്കു​കൂ​ടി തീ​പ​ട​ർ​ന്ന് വ​ൻ അ​പ​ക​ടം ഉ​ണ്ടാ​കു​മെ​ന്ന​തി​നാ​ൽ അ​ഗ്നി​ര​ക്ഷാ​സേ​ന പ്ര​ദേ​ശം സു​ര​ക്ഷി​ത​മാ​ക്കി. സ​മീ​പ​ത്തു പാ​ർ​ക്ക് ചെ​യ്ത ബ​സു​ക​ൾ മാ​റ്റി​ച്ചു.