ബസുകളുടെ മത്സരയോട്ടത്തിന്​ കടിഞ്ഞാണില്ല

കോ​ഴി​ക്കോ​ട്​: സ്വ​കാ​ര്യ ബ​സു​ക​ളു​ടെ മ​ത്സ​ര​യോ​ട്ട​ത്തി​നും അ​മി​ത​വേ​ഗ​ത്തി​നു​മെ​തി​രെ ന​ട​പ​ടി​യെ​ടു​ക്കാ​തെ പൊ​ലീ​സ്. കോ​ഴി​ക്കോ​ട്​-​ബാ​ലു​ശ്ശേ​രി റൂ​ട്ടി​ലാ​ണ്​ ബ​സു​ക​ളു​ടെ മ​ര​ണ​പ്പാ​ച്ചി​ൽ ജ​ന​ങ്ങ​ൾ​ക്ക്​ ഭീ​ഷ​ണി​യാ​കു​ന്ന​ത്. മ​റ്റു​ വാ​ഹ​ന​യാ​ത്ര​ക്കാ​ർ​ക്കും ബ​സി​ലെ യാ​ത്ര​ക്കാ​ർ​ക്കും പു​റ​മേ റോ​ഡ​രി​കി​ലെ ക​ട​ക​ൾ​ക്കു​പോ​ലും ബ​സു​ക​ളു​ടെ അ​മി​ത​വേ​ഗം വി​ന​യാ​വു​ക​യാ​ണ്. ന​ഗ​ര​പ​രി​ധി​യി​ൽ മ​ണി​ക്കൂ​റി​ൽ 35 കി​ലോ​മീ​റ്റ​റി​ൽ കൂ​ടു​ത​ൽ വാ​ഹ​നം ഓ​ടി​ക്ക​രു​തെ​ന്നും അ​പ​ക​ട​ക​ര​മാ​യ രീ​തി​യി​ൽ മ​റി​ക​ട​ക്ക​രു​തെ​ന്നു​മു​ള്ള നി​യ​മം പോ​ലും ലം​ഘി​ക്ക​പ്പെ​ടു​ക​യാ​ണ്.

സ്കൂ​ട്ട​ർ യാ​ത്ര​ക്കാ​രാ​യ ദ​മ്പ​തി​ക​ളെ അ​പ​ക​ട​ക​ര​മാ​യ രീ​തി​യി​ൽ മ​റി​ക​ട​ന്നെ​ത്തി​യ ബ​സ്​ ഇ​ടി​ച്ചി​ട്ട​താ​ണ്​ അ​വ​സാ​ന​ത്തെ സം​ഭ​വം. ഞാ​യ​റാ​ഴ്​​ച വൈ​കീ​ട്ട്​ അ​ഞ്ചു​ മ​ണി​യോ​ടെ കാ​ര​പ്പ​റ​മ്പി​ലാ​യി​രു​ന്നു അ​പ​ക​ടം. വെസ്റ്റ്​ഹിൽ സ്വദേശി ക്രിസ്റ്റിക്കും ഭാര്യ നിമ്മിക്കുമാണ്​ പരിക്കേറ്റത്​. നിമ്മിക്ക്​ കാലിനും തലക്കും പരിക്കുണ്ട്​. കോ​ഴി​​ക്കോ​ട്​-​കി​നാ​ലൂ​ർ എ​സ്​​റ്റേ​റ്റ്​ റൂ​ട്ടി​ലോ​ടു​ന്ന കെ.​എ​ൽ 57 കെ 9796 '​ന​സീം' ബ​സാ​ണ്​ മ​ത്സ​ര​യോ​ട്ട​ത്തി​നി​ടെ കാ​ര​പ്പ​റ​മ്പ്​ ഹോ​മി​യോ കോ​ള​ജ്​ ആ​ശു​പ​ത്രി​ക്കു​ മു​ന്നി​ൽ അ​പ​ക​ട​മു​ണ്ടാ​ക്കി​യ​ത്. ന​രി​ക്കു​നി-​കോ​ഴി​ക്കോ​ട്​ റൂ​ട്ടി​ലോ​ടു​ന്ന ബ​സു​മാ​യു​ള്ള മ​ത്സ​ര​യോ​ട്ട​ത്തി​നി​ടെ​യാ​ണ് സ്​​കൂ​ട്ട​ർ യാ​ത്രി​ക​രെ ഇ​ടി​ച്ച​ത്. സ​മീ​പ​ത്തെ ബേ​ക്ക​റി​യു​ടെ ബോ​ർ​ഡി​ൽ ത​ട്ടി​യാ​ണ്​ ബ​സ്​ നി​ർ​ത്തി​യ​ത്. ഞാ​യ​റാ​ഴ്ച ക​ട അ​വ​ധി​യാ​യ​തി​നാ​ലാ​ണ്​ വ​ൻ​ദു​ര​ന്തം ഒ​ഴി​വാ​യ​ത്.

ദ​മ്പ​തി​ക​ളെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ബാ​ലു​ശ്ശേ​രി റൂ​ട്ടി​ൽ സ്വ​കാ​ര്യ ബ​സു​ക​ൾ നി​ര​ന്ത​രം അ​പ​ക​ട​മു​ണ്ടാ​ക്കി​യി​ട്ടും പൊ​ലീ​സ്​ ന​ട​പ​ടി​ക്ക്​ മ​ടി​ക്കു​ക​യാ​ണ്. കാ​ര​പ്പ​റ​മ്പി​ൽ അ​പ​ക​ട​ത്തി​നി​ട​യാ​ക്കി​യ 'ന​സീം' ബ​സ്​ നേ​ര​ത്തേ നി​ര​വ​ധി അ​പ​ക​ട​ങ്ങ​ളു​ണ്ടാ​ക്കി​യി​ട്ടും പൊ​ലീ​സ്​ അ​വ​ഗ​ണി​ക്കു​ക​യാ​ണ്.

രാ​ഷ്​​ട്രീ​യ പാ​ർ​ട്ടി​ക​ളും ബ​സ്​ ഉ​ട​മ​ക​ളു​​ടെ സം​ഘ​ട​ന​യും ഇ​ട​പെ​ട്ട്​ പ്ര​ശ്​​നം പ​രി​ഹ​രി​ക്കു​ക​യാ​ണ്​ പ​തി​വ്. ​ക​ഴി​ഞ്ഞ മാ​സം 21 ന​ന്മ​ണ്ട ഹൈ​സ്കൂ​ളി​ന​ടു​ത്തു​ണ്ടാ​യ അ​പ​ക​ട​ത്തി​ൽ ബെ​ക്ക്​ യാ​ത്രി​ക​ൻ മ​രി​ച്ച​ത്​ വീ​ര്യ​മ്പ്രം-​കോ​ഴി​ക്കോ​ട്​ റൂ​ട്ടി​ലോ​ടു​ന്ന ഷാ​ൻ ബ​സി​ന്‍റെ അ​മി​ത​വേ​ഗ​ത്തെ തു​ട​ർ​ന്നാ​യി​രു​ന്നു. തു​ട​ർ​ന്ന്​ കാ​ക്കൂ​ർ പൊ​ലീ​സ്​ അ​പ​ക​ട ദി​വ​സം ചി​ല ന​ട​പ​ടി​ക​ളെ​ടു​ത്തെ​ങ്കി​ലും പി​ന്നീ​ട്​ ഒ​രു നി​യ​ന്ത്ര​ണ​വു​മു​ണ്ടാ​യി​ല്ല. കാ​ക്കൂ​ർ പൊ​ലീ​സ്​ സ്​​റ്റേ​ഷ​നി​ലെ പ​ഞ്ചി​ങ്​ സം​വി​ധാ​ന​വും അ​വ​സാ​നി​പ്പി​ച്ച​തി​നാ​ൽ ക​യ​റൂ​രി​വി​ട്ട അ​വ​സ്ഥ​യാ​ണ്.

ബാ​ലു​ശ്ശേ​രി ​ബ​സ്​ സ്റ്റാ​ൻ​ഡി​ൽ​നി​ന്ന്​ പു​റ​പ്പെ​ട്ടാ​ൽ മു​ക്കി​ൽ നി​ർ​ത്തി​യി​ടു​ക​യും പി​റ​കി​ലു​ള്ള ബ​സ്​ വ​ന്ന​ശേ​ഷം മ​ത്സ​ര​യോ​ട്ടം ന​ട​ത്തു​ക​യു​മാ​ണ്​ പ​തി​വെ​ന്ന്​ നാ​ട്ടു​കാ​ർ ആ​രോ​പി​ക്കു​​ന്നു. പി​റ​കി​ൽ വ​രാ​നി​രി​ക്കു​ന്ന ബ​സി​ലെ ഒ​രു ജീ​വ​ന​ക്കാ​ര​ൻ മു​ന്നി​ലു​ള്ള ബ​സി​ൽ ക​യ​റി ഓ​ട്ടം നി​യ​ന്ത്രി​ക്കു​​ന്ന​തും ഈ ​റൂ​ട്ടി​ലെ രീ​തി​യാ​ണ്.

ഈ ​ജീ​വ​ന​ക്കാ​ര​ൻ പ​കു​തി വ​ഴി​യി​ൽ ഇ​റ​ങ്ങി പി​റ​കി​ൽ വ​രു​ന്ന സ്വ​ന്തം ബ​സി​ൽ ക​യ​റും. ഇ​തി​നി​ടെ, കു​മാ​ര​സ്വാ​മി, ചേ​ള​ന്നൂ​ർ എ​ട്ടേ ര​ണ്ട്, മൂ​ട്ടോ​ളി, ക​ക്കോ​ടി, ത​ട​മ്പാ​ട്ടു​താ​ഴം എ​ന്നി​വി​ട​ങ്ങ​ളി​ലെ​ത്തു​മ്പോ​ൾ മ​റ്റ്​ റൂ​ട്ടു​ക​ളി​ൽ​നി​ന്നും ബ​സു​ക​ൾ കോ​ഴി​ക്കോ​ട്​ റോ​ഡി​ലേ​ക്ക്​ എ​ത്തും.

മ​ത്സ​ര​യോ​ട്ട​വും മൂ​ർ​ധ​ന്യ​ത്തി​ലെ​ത്തും. ഉ​ച്ച​ത്തി​ലു​ള്ള പാ​ട്ടി​നും അ​നു​വ​ദ​നീ​യ​മ​ല്ലാ​ത്ത എ​യ​ർ ഹോ​ണി​നും പു​റ​മേ, ഡോ​റി​ൽ അ​ടി​ച്ചും ഇ​രു​ച​ക്ര​വാ​ഹ​ന​ക്കാ​രെ പേ​ടി​പ്പി​ക്കു​ന്ന​തും സ്വ​കാ​ര്യ ബ​സു​കാ​രു​ടെ വി​​നോ​ദ​മാ​ണ്. ക​​ക്കോ​ടി​യി​ൽ പ​ഞ്ചി​ങ്​ സം​വി​ധാ​ന​മൊ​രു​ക്കി​യാ​ൽ അ​മി​ത വേ​ഗ​ത്തി​ന്​ അ​ൽ​പം ക​ടി​ഞ്ഞാ​ണി​ടാ​മെ​ന്നാ​ണ്​ നാ​ട്ടു​കാ​രു​ടെ പ​ക്ഷം.