പിന്നോ​ട്ടെടുക്കുന്നതിനിടെ കാർ കിണറ്റിൽ വീണു; വീട്ടമ്മ അത്ഭുതകരമായി രക്ഷപെട്ടു

രാ​മ​നാ​ട്ടു​ക​ര: കാ​ർ പി​ന്നോ​ട്ടെ​ടു​ക്കു​ന്ന​തി​നി​ട​യി​ൽ വീ​ട്ടു​മു​റ്റ​ത്തെ കി​ണ​റ്റി​ന്റെ മ​തി​ൽ ത​ക​ർ​ത്ത് വീ​ണ കാ​റി​ൽ​നി​ന്ന് വീ​ട്ട​മ്മ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. പെ​രു​മു​ഖം കാ​ട്ടി​ങ്ങ​ൽ പ​റ​മ്പ് വൃ​ന്ദാ​വ​നം വീ​ട്ടി​ൽ രാ​ധാ​കൃ​ഷ്ണ​ന്റെ ഭാ​ര്യ സ്നേ​ഹ​ല​ത​ക്കാ​ണ് (64) ജീ​വ​ൻ തി​രി​ച്ചു​കി​ട്ടി​യ​ത്. 14 കോ​ൽ താ​ഴ്ച​യു​ള്ള കി​ണ​റ്റി​ലേ​ക്കാ​ണ് ബു​ധ​നാ​ഴ്ച 5.30ന് ​മാ​രു​തി അ​ൾ​ട്ടോ കാ​റും സ്നേ​ഹ​ല​ത​യും വീ​ഴു​ന്ന​ത്.

ഭാ​ഗ്യ​ത്തി​ന് കാ​ർ വീ​ണ​ത് വി​ല​ങ്ങ​നെ​യാ​യ​തി​നാ​ൽ താ​ഴോ​ട്ടു പ​തി​ച്ച് വെ​ള്ള​ത്തി​ൽ മു​ങ്ങാ​തെ നി​ന്നു. മ​റി​ച്ചാ​യി​രു​ന്നു​വെ​ങ്കി​ൽ ദു​ര​ന്തം ഉ​റ​പ്പ്. സീ​നി​യ​ർ ഫ​യ​ർ റ​സ്ക്യൂ ഓ​ഫി​സ​റാ​യ എ​സ്.​ബി. സ​ജി​ത്ത് ഡ്യൂ​ട്ടി ക​ഴി​ഞ്ഞു പോ​കു​ന്ന വ​ഴി വാ​ർ​ഡ് കൗ​ൺ​സി​ല​ർ സ​മീ​ഷ് വി​വ​ര​മ​റി​യി​ച്ച​ത​നു​സ​രി​ച്ച് മീ​ഞ്ച​ന്ത​യി​ൽ​നി​ന്ന് സ്റ്റേ​ഷ​ൻ ഓ​ഫി​സ​ർ സി.​കെ. മു​ര​ളീ​ധ​ര​ൻ, അ​സി. ഓ​ഫി​സ​ർ ഇ. ​ശി​ഹാ​ബു​ദ്ദീ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ഫ​യ​ർ ആ​ൻ​ഡ് റെ​സ്ക്യൂ ടീം ​കു​തി​ച്ചെ​ത്തി​യാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

എ​സ്.​ബി. സ​ജി​ത്, വി.​കെ. അ​നൂ​പ് എ​ന്നി​വ​ർ മ​റ്റു സേ​നാം​ഗ​ങ്ങ​ളു​ടെ സ​ഹാ​യ​ത്തോ​ടെ കി​ണ​റ്റി​ലി​റ​ങ്ങി ലോ​ക്കാ​യ ഡോ​ർ ബ്ലേ​ഡ് ഉ​പ​യോ​ഗി​ച്ച് തു​റ​ന്ന് മു​ൻ സീ​റ്റി​ൽ​നി​ന്ന് സ്നേ​ഹ​ല​ത​യെ ക​ര​ക്കെ​ത്തി​ച്ചു. കാ​ർ ക്രെ​യി​ൻ ഉ​പ​യോ​ഗി​ച്ച് ക​ര​ക​യ​റ്റി. വി.​കെ. സി​ധീ​ഷ്, ആ​ർ. ഉ​ണ്ണി​മാ​യ, അ​തു​ല്യ സു​ന്ദ​ര​ൻ, വി.​കെ. ജി​ജി​ൻ രാ​ജ്, അ​നി​ൽ, പി.​ജെ. രോ​ഹി​ത്, അ​തു​ൽ മോ​ഹ​ൻ, അ​ഖി​ൽ മോ​ഹ​ൻ, പി. ​ബി​നീ​ഷ്, സി.​പി. അ​ൻ​വ​ർ, പി.​കെ. അ​ജി​കു​മാ​ർ, പ്ര​ദീ​പ് കു​മാ​ർ, മു​ഹ​മ്മ​ദ് സി​നാ​ൻ എ​ന്നി​വ​രും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ത്തു.