കോഴിക്കോട്: ഒരു മതവും വിധ്വംസകപ്രവർത്തനങ്ങളെ പ്രോത്സാഹിപ്പിക്കുന്നില്ലെന്നും മതത്തിന്റെ പേരിൽ ചിലർ നടത്തുന്ന പൈശാചിക പ്രവർത്തനങ്ങൾ യഥാർഥ വിശ്വാസികൾ തിരിച്ചറിയണമെന്നും ബിനോയ് വിശ്വം എം.പി അഭിപ്രായപ്പെട്ടു. ഖാസി നാലകത്ത് മുഹമ്മദ് കോയ ഫൗണ്ടേഷൻ സംഘടിപ്പിച്ച റിലീഫ് പദ്ധതിയായ കനിവിന്റെ ഉദ്ഘാടനം നിർവഹിക്കുകയായിരുന്നു അദ്ദേഹം. ചടങ്ങിൽ തോട്ടത്തിൽ രവീന്ദ്രൻ എം.എൽ.എ മുഖ്യാതിഥിയായിരുന്നു. 100 മത്സ്യത്തൊഴിലാളി കുടുംബങ്ങൾക്കുള്ള തൊഴിലുപകരണങ്ങളും തീരദേശത്തെ 200 കുടുംബങ്ങൾക്കുള്ള കിറ്റ് വിതരണവും ചടങ്ങിൽവെച്ച് നിർവഹിച്ചു. മേയർ ബീന ഫിലിപ്പ്, ഡെപ്യൂട്ടി മേയർ സി.പി. മുസാഫർ അഹമ്മദ്, പി.വി. ചന്ദൻ, കൗൺസിലർ എസ്.കെ. അബൂബക്കർ, കൗൺസിലർ മുഹ്സിന, ഡോ. കെ. കുഞ്ഞാലി, ഡോ. കെ. മൊയ്തു, ഡോ. നാസർ യൂസുഫ്, ഇമാം ശഫീർ സഖാഫി, സി.എ. ഉമ്മർകോയ, എൻ. ഉമ്മർ എന്നിവർ സംസാരിച്ചു. ഫൗണ്ടേഷൻ ചെയർമാൻ എം.വി. മുഹമ്മദലി അധ്യക്ഷത വഹിച്ചു. പി. മമ്മത് കോയ റിപ്പോർട്ട് അവതരിപ്പിച്ചു. റംസി ഇസ്മായിൽ സ്വാഗതവും പി.ടി. ആസാദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.