ഇന്ത്യയെ കോർത്തിണക്കിയത്​ കോൺഗ്രസ്​ എന്നവികാരം -കെ. സുധാകരൻ

കോഴിക്കോട്: ജാതിക്കും മതത്തിനും ഭാഷാവൈവിധ്യത്തി​നുമെല്ലാം അതീതമായി ഇന്ത്യയെ കോർത്തിണക്കിയത്​ കോൺഗ്രസ്​ എന്ന വികാരമാണെന്നും കോൺഗ്രസില്ലാത്ത ഇന്ത്യക്ക്​ അസ്​തിത്വമുണ്ടാവില്ലെന്നും കെ.പി.സി.സി ​പ്രസിഡൻറ്​ കെ. സുധാകരൻ എം.പി. വിവിധ പാർട്ടികളിൽനിന്ന്​ രാജിവെച്ച്​ കോൺഗ്രസിൽ ചേർന്നവർക്ക്​ ഡി.സി.സിയുടെ നേതൃത്വത്തിൽ നൽകിയ വരവേൽപ്പ്​ സമ്മേളനം ടൗൺ ഹാളിൽ ഉദ്​ഘാടനം ചെയ്യുകയായിരുന്നു അദ്ദേഹം. ഈ നാടുണ്ടാക്കിയതും സ്വാതന്ത്ര്യം നേടിതന്നതുമെല്ലാം കോൺഗ്രസാണ്​. കോൺഗ്രസി​ൻെറ പ്രത്യയശാസ്​ത്രത്തിന്​ പകരംവെക്കാൻ മറ്റൊന്നുമില്ല. കമ്യൂണിസ്​റ്റ്​ പ്രസ്​ഥാനം തൊഴിലാളിവർഗത്തോട്​ നീതി പുലർത്തിയില്ല. മുഖ്യമന്ത്രി പിണറായി വിജയൻ തൊഴിലാളി വർഗത്തി​ൻെറ പ്രതിനിധിയാണെന്ന്​ കമ്യൂണിസ്​റ്റുകാർക്കുപോലും പറയാനാവില്ല. ഇടതുസർക്കാറി​ൻെറ നയവും നേതാക്കളുടെ പ്രവർത്തനവും സ്വാർഥതയുടേതാണ്​. രാജ്യത്തെ ജനങ്ങളെ ഭിന്നിപ്പിക്കാനാണ്​ ബി.ജെ.പി ശ്രമിക്കുന്ന​െതന്നും അദ്ദേഹം പറഞ്ഞു. സി.പി.എം നേതാവും മുൻ കുന്ദമംഗലം ബ്ലോക്ക്​​ പഞ്ചായത്ത്​ വൈസ്​ പ്രസിഡൻറുമായ എൻ.വി. ബാലൻ നായർ, യുവജനതാദൾ മുൻ ജില്ല പ്രസിഡൻറ്​ ഒ.കെ. ഷാജി, സി.പി.എം മുൻ ലോക്കൽ കമ്മിറ്റി അംഗം സി.കെ. അജീഷ്​ തുടങ്ങി 314 പേരാണ്​​ പുതുതായി കോൺഗ്രസിൽ ചേർന്നത്​. ഇവരെ സുധാകരൻ ഷാൾ അണിയിച്ച്​ സ്വീകരിച്ചു. ബ്രിട്ടീഷുകാരു​െട ഭരണരീതിയാണ്​ മോദി രാജ്യത്ത്​ തുടരുന്നതെന്നും ഇതിനായി വിവിധ സമൂഹങ്ങളെ പരസ്​പരം ഭിന്നിപ്പിക്കുകയാണെന്നും ചടങ്ങിൽ മുഖ്യാതിഥിയായ എ.ഐ.സി.സി ജനറൽ സെക്രട്ടറി താരിഖ്​ അൻവർ പറഞ്ഞു. നിയമസഭ തെരഞ്ഞെടുപ്പിലുണ്ടായ പരാജയത്തിൽനിന്നും പാഠം ഉൾക്കൊണ്ട കോൺഗ്രസ്​ താഴെതട്ടിലടക്കം പ്രവർത്തനം വ്യാപിപ്പിക്കുകയാണെന്നും അദ്ദേഹം കൂട്ടിച്ചേർത്തു. ഡി.സി.സി പ്രസിഡൻറ്​ അഡ്വ. കെ. പ്രവീൺകുമാർ അധ്യക്ഷതവഹിച്ചു. അഡ്വ. പി.എം. നിയാസ്​, എൻ. സുബ്രഹ്​മണ്യൻ, കെ.സി. അബു, കെ.എം. അഭിജിത്ത്​, കെ. ജയന്ത്​, യു. രാജീവൻ, കെ. ബാലനാരായണൻ, ​െക.കെ. അബ്രഹാം, മുനീർ എരവത്ത്​, വിദ്യാബാലകൃഷ്​ണൻ, പി.എം. അബ്​ദുറഹിമാൻ തുടങ്ങിയവർ സംസാരിച്ചു.