നടുവണ്ണൂർ: കോഴിക്കോട് മെഡിക്കൽ കോളജ് ആശുപത്രിയിലെ താൽക്കാലിക ജീവനക്കാരിയായ യുവതിക്കും മകൾക്കും കോവിഡ് സ്ഥിരീകരിച്ചു. നടുവണ്ണൂർ പഞ്ചായത്തിലെ ഒന്നാം വാർഡിലെ താമസക്കാരിയാണ്. ഇവർ കോഴിക്കോട് മെഡിക്കൽ കോളജ് ആശുപത്രിയിൽ ജൂലൈ 31ന് ജോലിക്കെത്തിയിരുന്നു. ആഗസ്റ്റ് മൂന്നിന് രാവിലെ 11 മണിക്ക് നടുവണ്ണൂർ ഗവ. കുടുംബാരോഗ്യ കേന്ദ്രത്തിലെത്തി ഡോക്ടറെ കണ്ടു. പുതിയേടത്ത് കുനി പച്ചക്കറിപ്പീടികയിൽ സാധനങ്ങൾ വാങ്ങാനും പോയിട്ടുണ്ട്. ഭർത്താവ്, 10 വയസ്സുള്ള മകൾ, ഭർത്താവിൻെറ സഹോദരൻ, സഹോദരൻെറ ഭാര്യ, രണ്ട് കുട്ടികൾ എന്നിവരോടൊപ്പമാണ് താമസം. കോവിഡ് സ്ഥിരീകരിച്ച അമ്മയും മകളും ഇപ്പോൾ കോഴിക്കോട് ഗവ.മെഡിക്കൽ കോളജ് ആശുപത്രിയിൽ ചികിത്സയിലാണ്. രോഗം സ്ഥിരീകരിച്ചതിനെ തുടർന്ന് ഒന്നാം വാർഡ് കാവുന്തറ കണ്ടയ്ൻമൻെറ് സോണായി പ്രഖ്യാപിച്ചു. ആഗസ്റ്റ് മൂന്നിന് നടുവണ്ണൂർ കുടുംബാരോഗ്യ കേന്ദ്രത്തിൽ രാവിലെ 11 മണിക്കും 12 മണിക്കും ഇടയിൽ ഒ.പി വിഭാഗത്തിൽ ഡോക്ടറെ കാണിക്കാൻ വന്നവർ താഴെ കാണുന്ന ഫോൺ നമ്പറിൽ ബന്ധപ്പെടണമെന്ന് മെഡിക്കൽ ഓഫിസർ അറിയിച്ചു. 9847 817002, 9847048160, 8921433689.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.