ഒറ്റ ക്ലിക്കിൽ നാടിൻെറ സമഗ്ര വിവരങ്ങൾ; ആപ്ലിക്കേഷനുമായി യുവ കൂട്ടായ്മ കൊടിയത്തൂർ: ഒറ്റ ക്ലിക്കിൽ നാടിൻെറ എല്ലാ വിവരങ്ങളും ലഭ്യമാക്കുന്ന കൂട്ടായ്മയുടെ ആപ്ലിക്കേഷൻ. കൊടിയത്തൂർ ഗ്രാമപഞ്ചായത്തിലെ പന്നിക്കോട്ടെ ഒരു പറ്റം യുവാക്കളാണ് എൻെറ പന്നിക്കോട് എന്ന ആപ്ലിക്കേഷൻ തയാറാക്കിയിരിക്കുന്നത്. പന്നിക്കോട്ടെയും പരിസര പ്രദേശങ്ങളിലെയും ഡോക്ടർമാർ, ക്ലിനിക്കുകൾ, ബ്ലഡ് ഗ്രൂപ്പുകൾ, ഓട്ടോറിക്ഷകൾ, ടാക്സികൾ, ബസ് സമയം, മാധ്യമപ്രവർത്തകർ, പാലിയേറ്റിവ് പ്രവർത്തകർ തുടങ്ങി നാട്ടിലെ മുഴുവനാളുകളുടെയും പേരും വിലാസവും ഫോൺ നമ്പറും അടങ്ങിയതാണ് ഈ ആപ്ലിക്കേഷൻ. മുക്കം, അരീക്കോട്, മാവൂർ തുടങ്ങിയ പ്രദേശങ്ങളിലെ വിവരങ്ങളും ലഭിക്കും. പ്ലേ സ്റ്റോറിൽ പോയി ആൻഡ്രോയിഡ് ഫോണുകളിൽ എൻെറ പന്നിക്കോട് എന്ന് മലയാളത്തിലും ഇംഗ്ലീഷിലും ടൈപ് ചെയ്താൽ ഈ ആപ്ലിക്കേഷൻ ഡൗൺലോഡ് ചെയ്യാനാവും. ആപ്ലിക്കേഷൻ ലോഞ്ചിങ് നാട്ടുകാരിയായ ഹിന്ദുസ്ഥാനി ഗസൽ ഗായികയും ഐഡിയ സ്റ്റാർ സിംഗർ ഫെയിമുമായ ആതിര ഷാജി നിർവഹിച്ചു. മുക്കം പ്രസ് ക്ലബ് പ്രസിഡൻറ് സി. ഫസൽ ബാബു, കെ.കെ. സബീൽ, അജ്മൽ പന്നിക്കോട്, അനസ് പന്നിക്കോട്, സക്കീർ താന്നിക്കൽതൊടി, ലാസിം ഷാദ്, ഷാജി ഉച്ചക്കാവിൽ, റഫീഖ് പൊലുകുന്നത്ത് തുടങ്ങിയവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.