എകരൂൽ: ഉണ്ണികുളം പഞ്ചായത്തിലെ എകരൂലിൽ ജനവാസകേന്ദ്രത്തിൽ ഗെയിൽ വാതക വിതരണകേന്ദ്രം സ്ഥാപിക്കാനുള്ള നീക്കം ഉപേക്ഷിക്കണമെന്ന് ഉണ്ണികുളം പഞ്ചായത്ത് യു.ഡി.എഫ് കമ്മിറ്റി യോഗം ആവശ്യപ്പെട്ടു. ഗ്രാമപഞ്ചായത്ത് ഓഫിസിനടുത്ത് സ്ഥാപിച്ച ഗെയിലിൻെറ വാൽവ് സ്റ്റേഷനിൽനിന്ന് എകരൂൽ അങ്ങാടിയിലൂടെ പൈപ്പ്ലൈൻ സ്ഥാപിച്ച് ടൗണിൻെറ പടിഞ്ഞാറുഭാഗത്ത് വിതരണകേന്ദ്രം തുറക്കാനാണ് പദ്ധതിയിട്ടിരിക്കുന്നത്. ടൗണിൻെറ ഹൃദയഭാഗത്ത് ഒന്നരയേക്കർ വയൽ വിലക്കുവാങ്ങി വാൽവ് സ്റ്റേഷൻ സ്ഥാപിച്ചതോടെ പ്രയാസത്തിലായ ജനങ്ങൾക്ക് വിതരണകേന്ദ്രം സ്ഥാപിക്കുന്നതോടെ ഇരട്ടി ദുരിതമാകുമെന്നും ഇതിനെതിരെ ശക്തമായ ജനകീയ പ്രക്ഷോഭത്തിന് യു.ഡി.എഫ് നേതൃത്വം നൽകുമെന്നും നേതാക്കൾ പറഞ്ഞു. ചെയർമാൻ കെ. ഉസ്മാൻ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡൻറ് ഇ.ടി. ബിനോയ്, കെ.കെ. നാസർ, സി.പി. കരീം, പി.പി. വേണുഗോപാൽ, സി. സുധാകരൻ, പി.പി. ലത്തീഫ്, വാഴയിൽ ലത്തീഫ്, അസ്ലം കുന്നുമ്മൽ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.