കോഴിക്കോട്: മുസ്ലിംലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾ നയിക്കുന്ന ജില്ല സംഗമങ്ങൾ ജൂൺ 23ന് കോഴിക്കോട് കടപ്പുറത്തെ മഹാസംഗമത്തോടെ സമാപിക്കുമെന്ന് ഭാരവാഹികൾ വാർത്തസമ്മേളനത്തിൽ പറഞ്ഞു. ജൂൺ രണ്ടിന് കാസർകോട് നിന്നാണ് ജില്ലസംഗമം ആരംഭിച്ചത്. സുഹൃദ് സംഗമങ്ങളും ജില്ല പ്രവർത്തക കൺവെൻഷനുകളുമായിട്ടാണ് ഓരോ ജില്ലയിലും സാദിഖലി തങ്ങൾ പര്യടനം നടത്തിയത്. 23ന് രാവിലെ ഹോട്ടൽ അപ്പോളോ ഡിമോറയിൽ മത, സാംസ്കാരിക, സാമൂഹിക, കലാ, വ്യവസായിക മേഖലയിലെ പ്രമുഖ വ്യക്തിത്വങ്ങളുമായി സാദിഖലി തങ്ങൾ ചർച്ച നടത്തും. ഉച്ചക്ക് മൂന്നിന് കോഴിക്കോട് കടപ്പുറത്ത് സമാപന സംഗമം നടക്കും. മുസ്ലിംലീഗ് ദേശീയ പ്രസിഡന്റ് പ്രഫ. കെ.എം. ഖാദർ മൊയ്തീൻ, ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി തുടങ്ങിയവർ പങ്കെടുക്കും. മുസ്ലിം ലീഗ് ജില്ല ഭാരവാഹികളായ ഉമ്മർ പാണ്ടികശാല, എം.എ. റസാഖ് മാസ്റ്റർ, പാറക്കൽ അബ്ദുല്ല എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.