ബസ്​സ്റ്റാൻഡ്​​ ഒഴിപ്പിക്കൽ പൂക്കച്ചവടക്കാർക്കും​ തിരിച്ചടിയായി

കോ​ട്ട​യം: തി​രു​ന​ക്ക​ര ബ​സ്​​സ്റ്റാ​ൻ​ഡ്​​ ഒ​ഴി​പ്പി​ക്ക​ലി​ൽ ത​ട്ടി പൂ​വി​ൽ​പ​ന താ​ളം​തെ​റ്റി​യ​തോ​ടെ ക​ച്ച​വ​ട​ക്കാ​ർ ആ​ശ​ങ്ക​യി​ൽ. അ​ത്തം മു​ത​ൽ കോ​ട്ട​യം ന​ഗ​ര​ത്തി​ൽ ദി​ണ്ഡി​ഗ​ല്ലി​ൽ​നി​ന്നു​ള്ള​ 40 അം​ഗ സം​ഘം പൂ​ക്ക​ച്ച​വ​ടം ന​ട​ത്തി​വ​രു​ന്നു​ണ്ട്. എ​ല്ലാ​വ​ർ​ഷ​വും എ​ത്താ​റു​ള്ള ഇ​വ​ർ മൂ​ൻ​കൂ​ട്ടി ന​ഗ​ര​സ​ഭ​യു​ടെ അ​നു​മ​തി വാ​ങ്ങു​ക​യും തി​രു​ന​ക്ക​ര ബ​സ്​​സ്റ്റാ​ൻ​ഡി​നു മു​ൻ​വ​ശ​ത്ത് ക​ച്ച​വ​ട​ത്തി​ന്​ ത​റ​വാ​ട​ക അ​ട​ക്കു​ക​യും ചെ​യ്തി​രു​ന്നു.

അ​തി​നി​ടെ​യാ​ണ്, രാ​ജ​ധാ​നി ഹോ​ട്ട​ൽ കെ​ട്ടി​ട​ത്തി​ൽ​നി​ന്ന്​ കോ​ൺ​​ക്രീ​റ്റ്​ ​ നി​ർ​മി​തി അ​ട​ർ​ന്നു​വീ​ണ്​ ലോ​ട്ട​റി​ക്ക​ട ജീ​വ​ന​ക്കാ​ര​ൻ മ​രി​ച്ച​ത്. ഇ​തോ​ടെ ബ​സ്​​സ്റ്റാ​ൻ​ഡ്​​ കെ​ട്ടി​ട​ത്തി​നു​ചു​റ്റും നി​ശ്ചി​ത അ​ക​ല​ത്തി​ൽ ക​യ​റു​കെ​ട്ടി ന​ഗ​ര​സ​ഭ സു​ര​ക്ഷ​യൊ​രു​ക്കി. കെ​ട്ടി​ട​ത്തോ​ട്​ ചേ​ർ​ന്നു​ള്ള ക​ച്ച​വ​ട​ക്കാ​രെ ഒ​ഴി​പ്പി​ക്കു​ക​യും ചെ​യ്തു. പൂ​ക്ക​ച്ച​വ​ട​ക്കാ​ർ ന​ഗ​സ​ഭ​യെ സ​മീ​പി​ച്ച​പ്പോ​ൾ ക​യ​ർ​കെ​ട്ടി തി​രി​ച്ച​തി​ന്​ പു​റ​ത്ത്​ ക​ച്ച​വ​ടം ന​ട​ത്തി​ക്കൊ​ള്ളാ​ൻ അ​ധി​കൃ​ത​ർ പ​റ​ഞ്ഞു. ഇ​ത​നു​സ​രി​ച്ച്​​ റോ​ഡി​നോ​ട്​ ചേ​ർ​ന്ന്​ ഇ​വ​ർ ക​ച്ച​വ​ടം ആ​രം​ഭി​ച്ചെ​ങ്കി​ലും ബു​ധ​നാ​ഴ്ച പൊ​ലീ​സ്​ ​ത​ട​ഞ്ഞു. ക​ച്ച​വ​ടം അ​നു​വ​ദി​ക്കാ​നാ​വി​ല്ലെ​ന്നാ​ണ്​ പൊ​ലീ​സ്​ നി​ല​പാ​ട്. ഇ​തോ​ടെ ഇ​വ​ർ ന​ഗ​ര​സ​ഭ​യെ സ​മീ​പി​ച്ചെ​ങ്കി​ലും കൃ​ത്യ​മാ​യ മ​റു​പ​ടി ല​ഭി​ച്ചി​ല്ല.

സ്​​കൂ​ളു​ക​ളി​ലും കോ​ള​ജു​ക​ളി​ലും ഓ​ണാ​ഘോ​ഷ പ​രി​പാ​ടി​ക​ൾ ന​ട​ക്കു​ന്ന ഈ ​ദി​വ​സ​ങ്ങ​ളി​ലാ​ണ്​ ഏ​റ്റ​വും കൂ​ടു​ത​ൽ ക​ച്ച​വ​ടം ന​ട​ക്കു​ന്ന​തെ​ന്ന്​ ഇ​വ​ർ പ​റ​യു​ന്നു. മി​ക്ക കോ​ള​ജു​ക​ളി​ലും വ്യാ​ഴം, വെ​ള്ളി ദി​വ​സ​ങ്ങ​ളി​ലാ​ണ്​ ഓ​ണാ​ഘോ​ഷം. നി​ല​വി​ലെ അ​വ​സ്ഥ​യി​ൽ ഇ​ത്​ ന​ഷ്​​ട​പ്പെ​ടു​മോ​യെ​ന്ന ആ​ശ​ങ്ക​യി​ലാ​ണ്​​ ഇ​വ​ർ.

വ​ർ​ഷ​ങ്ങ​ളാ​യി ഓ​ണ​ക്കാ​ല​ത്ത്​ ഇ​വ​ർ ഇ​വി​ടെ​യാ​ണ്​ ക​ച്ച​വ​ടം ന​ട​ത്തു​ന്ന​ത്. പൊ​ടു​ന്ന​നെ സ്ഥ​ലം മാ​റി​യാ​ൽ ക​ച്ച​വ​ട​ത്തെ ബാ​ധി​ക്കു​മെ​ന്നും ഇ​വ​ർ പ​റ​യു​ന്നു. ല​ക്ഷ​ക്ക​ണ​ക്കി​ന്​ രൂ​പ​യു​ടെ പൂ​ക്ക​ളാ​ണ്​ ഇ​വ​ർ എ​ത്തി​ക്കു​ന്ന​ത്. നി​ല​വി​ലെ സ്ഥി​തി​യി​ൽ വ​ലി​യ ന​ഷ്ടം സം​ഭ​വി​ക്കു​മെ​ന്നും ചാ​ക്കു​ക​ളി​ലും മ​റ്റു​മാ​യി സൂ​ക്ഷി​ച്ചി​രി​ക്കു​ന്ന പൂ​ക്ക​ൾ ന​ശി​ക്കാ​ൻ സാ​ധ്യ​ത​യു​ണ്ടെ​ന്നും ക​ച്ച​വ​ട​ക്കാ​ർ പ​റ​യു​ന്നു. ആ​റു സം​ഘ​ങ്ങ​ളാ​യി തി​രി​ഞ്ഞാ​ണ്​ ഇ​വ​രു​ടെ വി​ൽ​പ​ന.