ആടിനെ കൊന്നത് പുലിയെന്ന്​ സംശയം; പുലിപ്പേടിയിൽ കൊങ്ങാട്

മു​ണ്ട​ക്ക​യം ഈ​സ്റ്റ്: പെ​രു​വ​ന്താ​നം പ​ഞ്ചാ​യ​ത്തി​ൽ കാ​ർ​ഷി​ക​മേ​ഖ​ല​യാ​യ കോ​ങ്ങാ​ട് പ്ര​ദേ​ശ​ത്ത് പു​ലി ഇ​റ​ങ്ങി​യ​താ​യി സം​ശ​യം. ക​ഴി​ഞ്ഞ​ദി​വ​സം മു​ണ്ട​ത്താ​നം ഫി​ലി​പ്പി​ന്‍റെ ആ​ടി​നെ ച​ത്ത​നി​ല​യി​ൽ ക​ണ്ട​താ​ണ് സം​ശ​യ​ത്തി​നി​ട​യാ​ക്കി​യ​ത്. ക​ഴി​ഞ്ഞ​ദി​വ​സ​മാ​ണ്​ വീ​ട്ടി​ൽ വ​ള​ർ​ത്തി​യി​രു​ന്ന ആ​ടി​നെ കൊ​ന്ന് ശ​രീ​ര​ത്തി​ന്‍റെ ഒ​രു​ഭാ​ഗം ഭ​ക്ഷി​ച്ച​നി​ല​യി​ൽ ക​ണ്ടെ​ത്തി​യ​ത്.

വ​ന​പാ​ല​ക​ർ സ്ഥ​ലം നി​രീ​ക്ഷി​ച്ച ശേ​ഷം കാ​മ​റ​ക​ൾ സ്ഥാ​പി​ച്ചു. പു​ലി​ക്ക് സ​മാ​ന​മാ​യ മൃ​ഗ​മാ​ണ്​ ആ​ടി​നെ കൊ​ന്ന​തെ​ന്നാ​ണ് വ​ന​പാ​ല​ക​രു​ടെ സം​ശ​യം. രാ​ത്രി ഉ​ട​നീ​ളം കൂ​ടു​ത​ൽ സം​ഘ​മെ​ത്തി സ്ഥ​ല​ത്ത് പ​രി​ശോ​ധ​ന ന​ട​ത്തി. രാ​ത്രി പ​രി​ശോ​ധ​ന തു​ട​രാ​നാ​ണ് വ​ന​വ​കു​പ്പ്​ തീ​രു​മാ​നം.

കൊ​ങ്ങാ​ട് പു​ലി ഇ​റ​ങ്ങി​യെ​ന്ന പ്ര​ച​ര​ണ​ത്തി​ന് പി​ന്നാ​ലെ ആ​ന​ചാ​രി, അ​മ​ല​ഗി​രി, അ​ഴ​ങ്ങാ​ട് സ​മീ​പ​പ്ര​ദേ​ശ​ങ്ങ​ളി​ലു​ള്ള​വ​രും ഭീ​തി​യി​ലാ​ണ്. പു​ലി എ​വി​ടെ നി​ന്നാ​ണ്​ വ​ന്ന​തെ​ന്നും വ​നം​വ​കു​പ്പ് അ​ന്വേ​ഷി​ക്കു​ന്നു​ണ്ട്. പെ​രി​യാ​ർ വ​ന്യ​ജീ​വി സ​ങ്കേ​ത​ത്തി​ൽ​നി​ന്ന് ക​ണ​യ​ങ്ക​വ​യ​ൽ മേ​ഖ​ല​യി​ലൂ​ടെ എ​ത്തി അ​മ​ല​ഗി​രി വ​ഴി വ​ന്ന​താ​കാ​മെ​ന്നാ​ണു​ നി​ഗ​മ​നം.

രാ​ത്രി വാ​ഹ​ന​ങ്ങ​ൾ കു​റ​യു​ന്ന സ​മ​യ​ത്ത് കെ.​കെ.​റോ​ഡ് മു​റി​ച്ച് ക​ട​ന്ന് അ​മ​ല​ഗി​രി വ​ഴി ജ​ന​വാ​സ​മേ​ഖ​ല​യി​ൽ എ​ത്തി​യ​താ​കാ​മെ​ന്നും ക​രു​തു​ന്നു. ഏ​താ​നും മാ​സം മു​മ്പ് അ​മ​ല​ഗി​രി​യി​ൽ ജ​ന​വാ​സ​മേ​ഖ​ല​യി​ൽ കാ​ട്ടാ​ന എ​ത്തി​യി​രു​ന്നു. കെ.​കെ.​റോ​ഡി​ൽ നി​ന്ന് ഏ​താ​നും മീ​റ്റ​ർ അ​ക​ലെ വ​രെ മാ​ത്രം എ​ത്തി​യ കാ​ട്ടാ​ന​യെ പി​ന്നീ​ട് വ​നം​വ​കു​പ്പ് തു​ര​ത്തി ഓ​ടി​ക്കു​ക​യാ​യി​രു​ന്നു. കോ​വി​ഡ് കാ​ല​ത്ത് പ്ര​ദേ​ശ​ത്ത് കാ​ട്ടു​പോ​ത്ത് എ​ത്തി​യി​രു​ന്നു. മു​ള്ള​ൻ പ​ന്നി, കാ​ട്ടു​പ​ന്നി, കു​ര​ങ്ങ്, കേ​ഴ, വി​വി​ധ​യി​നം വി​ഷ​പ്പാ​മ്പു​ക​ൾ എ​ന്നി​വ​കൊ​ണ്ട്​ നാ​ട്ടു​കാ​ർ പൊ​റു​തി​മു​ട്ടു​ന്ന​തി​നി​ട​യാ​ണ് പു​ലി​യു​ടെ സാ​ന്നി​ധ്യം.

കേ​ഴ പോ​ലു​ള്ള കാ​ട്ടു​മൃ​ഗ​ങ്ങ​ൾ പ്ര​ദേ​ശ​ത്തു​ള്ള​തി​നാ​ൽ ഇ​വ​യെ ഭ​ക്ഷ​ണ​മാ​ക്കു​ന്ന കൂ​ടു​ത​ൽ മൃ​ഗ​ങ്ങ​ൾ എ​ത്തി​യേ​ക്കു​മെ​ന്നും ആ​ശ​ങ്ക​യു​ണ്ട്. പ​ല​വി​ധ കാ​ര​ണ​ങ്ങ​ളാ​ൽ കൃ​ഷി​ഭൂ​മി വെ​ട്ടി​ത്തെ​ളി​ക്കാ​തെ കി​ട​ക്കു​ന്ന​ത് കാ​ട്ടു​മൃ​ഗ​ശ​ല്യം കൂ​ടാ​ൻ കാ​ര​ണ​മാ​കു​ന്നു​ണ്ട്. പ​ല പു​ര​യി​ട​ങ്ങ​ളും ചെ​റു വ​ന​ങ്ങ​ൾ​ക്ക് സ​മാ​ന​മാ​ണ്. ആ​വ​ശ്യ​ത്തി​ന് വെ​ള്ളം ല​ഭി​ക്കു​മെ​ന്ന​തും കൂ​ടു​ത​ൽ മൃ​ഗ​ങ്ങ​ളെ​ത്താ​ൻ കാ​ര​ണ​മാ​കു​ന്നു.

സാ​ധാ​ര​ണ​ക്കാ​രാ​യ ക​ർ​ഷ​ക കു​ടും​ബ​ങ്ങ​ൾ മാ​ത്രം അ​ധി​വ​സി​ക്കു​ന്ന മേ​ഖ​ല​യാ​ണ് കോ​ങ്ങാ​ട്. പ​ഞ്ചാ​യ​ത്തി​ലെ യാ​ത്രാ​ക്ലേ​ശം ഏ​റ്റ​വും രൂ​ക്ഷ​മാ​യ സ്ഥ​ല​ങ്ങ​ളി​ൽ ഒ​ന്നു​മാ​ണ്. റോ​ഡി​ന്‍റെ ദു​ര​വ​സ്ഥ മൂ​ലം യാ​ത്രാ​ദു​രി​തം അ​നു​ഭ​വി​ക്കു​ന്ന പെ​രു​വ​ന്താ​നം ആ​ന​ചാ​രി നി​വാ​സി​ക​ൾ​ക്ക് ജ​ന​പ്ര​തി​നി​ധി​ക​ളു​ടെ ഭാ​ഗ​ത്തു​നി​ന്ന്​ ഒ​രു സ​ഹാ​യ​വും ല​ഭി​ക്കു​ന്നി​ല്ലെ​ന്ന ആ​ക്ഷേ​പ​മു​ണ്ട്.