പാമ്പാടി റബ്​കോ; സി.ഐ.ടി.യുവിലേക്ക്​ ആളെ പിടിക്കാൻ നേതാക്കൾ വീടുകളിൽ

കോ​ട്ട​യം: തൊ​ഴി​ലാ​ളി​ക​ൾ ഒ​ന്ന​ട​ങ്കം രാ​ജി​വെ​ച്ച​​തോ​ടെ പാ​മ്പാ​ടി റ​ബ്​​കോ യൂ​നി​റ്റി​ലെ സി.​ഐ.​ടി.​യു യൂ​നി​യ​നി​ലേ​ക്ക്​ ആ​ളെ പി​ടി​ക്കാ​ൻ സി.​പി.​എം നേ​താ​ക്ക​ൾ. യൂ​നി​യ​നി​ലേ​ക്ക്​ തി​രി​ച്ചു​വ​ര​ണ​മെ​ന്നും ​മ​റ്റ്​​ തൊ​ഴി​ലാ​ളി​ക​ൾ തെ​റ്റി​ദ്ധ​രി​പ്പി​ച്ചാ​ണ്​ രാ​ജി​ക്ക​ത്ത്​ ഒ​പ്പി​ട്ട്​ വാ​ങ്ങി​യ​തെ​ന്ന്​ പ​റ​യ​ണ​മെ​ന്നും സി.​പി.​എം പ്ര​വ​ർ​ത്ത​ക​രും അ​നു​ഭാ​വി​ക​ളു​മാ​യ​വ​രു​​ടെ വീ​ടു​ക​ളി​ൽ​ചെ​ന്ന്​ ആ​വ​ശ്യ​പ്പെ​ടു​ക​യാ​ണ്​ നേ​താ​ക്ക​ൾ. സി.​പി.​എം ലോ​ക്ക​ൽ സെ​ക്ര​ട്ട​റി​യാ​യ ഡി​വി​ഷ​ൻ ഡ​യ​റ​ക്ട​റു​ടെ നേ​തൃ​ത്വ​ത്തി​ലാ​ണ്​ പ്രൊ​ഡ​ക്ഷ​ൻ മാ​നേ​ജ​ർ അ​ട​ക്ക​മു​ള്ള​വ​ർ വീ​ടു​ക​ളി​ൽ ചെ​ല്ലു​ന്ന​ത്. യൂ​നി​യ​ൻ ആ​ഭി​മു​ഖ്യ​മു​ള്ള പ​ഴ​യ തൊ​ഴി​ലാ​ളി​ക​ളെ തി​രി​ച്ചു​വി​ളി​ക്കാ​നും ശ്ര​മി​ക്കു​ന്നു​ണ്ട്. അ​ധി​കൃ​ത​രു​​ടെ ഈ ​ഇ​ട​പെ​ട​ൽ മാ​ന​സി​ക പീ​ഡ​ന​മാ​കു​ന്ന​താ​യി തൊ​ഴി​ലാ​ളി​ക​ൾ ആ​രോ​പി​ക്കു​ന്നു.

സ​മ​ര​ത്തി​ന്​ പി​ന്തു​ണ ന​ൽ​കാ​ത്ത​തി​ൽ പ്ര​തി​ഷേ​ധി​ച്ച്​​ ക​ഴി​ഞ്ഞ​യാ​ഴ്ച​യാ​ണ്​ ആ​കെ​യു​ള്ള 120 തൊ​ഴി​ലാ​ളി​ക​ളി​ൽ 103 പേ​ർ റ​ബ്​​കോ എം​പ്ലോ​യീ​സ്​ യൂ​നി​യ​നി​ൽ​നി​ന്ന്​ രാ​ജി​വെ​ച്ച​ത്. ഇ​തോ​ടെ​യാ​ണ്​ യൂ​നി​യ​നെ പി​ടി​ച്ചു​നി​ർ​ത്താ​ൻ നേ​താ​ക്ക​ൾ രം​ഗ​ത്തി​റ​ങ്ങി​യ​ത്.​​ രാ​ജി​വെ​ച്ച​തി​ന്‍റെ പ്ര​തി​കാ​ര ന​ട​പ​ടി​യാ​യി ക​മ്പ​നി​യി​ൽ ഷി​ഫ്​​റ്റ്​ കൂ​ടു​ത​ൽ ക​ർ​ശ​ന​മാ​ക്കി.

നേ​ര​ത്തേ ഓ​രോ ​സെ​ക്ഷ​നി​ലും ടാ​ർ​ഗ​റ്റ്​ ഉ​ണ്ടാ​യി​രു​ന്നു. അ​തു പൂ​ർ​ത്തീ​ക​രി​ച്ചാ​ൽ തൊ​ഴി​ലാ​ളി​ക​ൾ​ക്ക്​ ജോ​ലി അ​വ​സാ​നി​പ്പി​ച്ച്​​ വി​ശ്ര​മി​ക്കാം. എ​ന്നാ​ൽ, ടാ​ർ​ഗ​റ്റ്​ പൂ​ർ​ത്തി​യാ​യാ​ലും എ​ട്ടു മ​ണി​ക്കൂ​ർ ജോ​ലി ചെ​യ്യ​ണ​മെ​ന്നാ​ണ്​ പു​തി​യ നി​ർ​ദേ​ശം. തൊ​ഴി​ലാ​ളി​ക​ൾ ഇ​തി​നു ത​യാ​റാ​യി​ട്ടി​ല്ല.

യൂ​നി​യ​നി​ൽ ഇ​ല്ലാ​ത്ത​തി​നാ​ൽ യൂ​നി​യ​നു​മാ​യു​ണ്ടാ​ക്കി​യ ജോ​ലി​സം​ബ​ന്ധ​മാ​യ ക​രാ​ർ ഇ​വ​ർ​ക്ക്​ ബാ​ധ​ക​മ​ല്ലെ​ന്നാ​ണ്​ അ​ധി​കൃ​ത​ർ​ പ​റ​യു​ന്ന​ത്. മൂ​ന്ന്​ ഷി​ഫ്​​റ്റാ​ണു​ള്ള​ത്. രാ​ത്രി ഷി​ഫ്​​റ്റി​ൽ ജോ​ലി ​ചെ​യ്യു​ന്ന​തി​ന്​ ഒ​രു സു​ര​ക്ഷ​യു​മി​ല്ലെ​ന്ന്​ തൊ​ഴി​ലാ​ളി​ക​ൾ പ​റ​യു​ന്നു. കൈ​മു​റി​ഞ്ഞാ​ൽ ആ​ശു​പ​ത്രി​യി​ലെ​ത്തി​ക്കാ​ൻ വാ​ഹ​ന​മോ ഓ​ടി​ക്കാ​ൻ ഡ്രൈ​വ​റോ ഇ​ല്ല. സൂ​പ്പ​ർ​​വൈ​സ​ർ മാ​ത്ര​മാ​ണ്​ രാ​​ത്രി​യു​ണ്ടാ​കു​ക.

ഡി​സം​ബ​ർ, ജ​നു​വ​രി മാ​സ​ങ്ങ​ളി​ലെ ശ​മ്പ​ള​ത്തി​ന്‍റെ കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല. സ​മ​രം ചെ​യ്ത​തി​ന്‍റെ പേ​രി​ൽ ത​ങ്ങ​ളോ​ട്​ വൈ​രാ​ഗ്യം തീ​ർ​ക്കു​ക​യാ​ണെ​ന്നും ഇ​തി​നെ എ​ന്തു​വി​ല​കൊ​ടു​ത്തും ചെ​റു​ക്കു​മെ​ന്നും​ തൊ​ഴി​ലാ​ളി​ക​ൾ ഒ​ന്ന​ട​ങ്കം പ​റ​യു​ന്നു. നേ​ര​ത്തേ ര​ണ്ടു​മാ​സം ശ​മ്പ​ളം മു​ട​ങ്ങി​യ​പ്പോ​ഴാ​ണ്​ ജ​നു​വ​രി 15 മു​ത​ൽ 23വ​രെ തൊ​ഴി​ലാ​ളി​ക​ൾ സ​മ​രം ചെ​യ്ത​ത്. തു​ട​ർ​ന്ന്​ ന​വം​ബ​റി​ലെ ശ​മ്പ​ളം മാ​​ത്രം ന​ൽ​കി.

സ​മ​രം ന​ട​ത്തി​യ​തി​ന്‍റെ പേ​രി​ൽ ആ​റു​പേ​ർ​ക്ക്​ സ​സ്​​പെ​ൻ​ഷ​ൻ കി​ട്ടി. മ​റ്റു​ള്ള​വ​ർ​ക്ക്​ സ​മ​രം ചെ​യ്ത നാ​ളു​ക​ളി​ൽ ജോ​ലി​ക്കു ഹാ​ജ​രാ​കാ​ത്ത​തി​ന്​ മെ​മ്മോ ന​ൽ​കി​യി​ട്ടു​മു​ണ്ട്. ശ​മ്പ​ളം കി​ട്ടാ​ത്ത​തി​നാ​ൽ പ​ല​രും ജോ​ലി​ക്ക്​ ഹാ​ജ​രാ​കു​ന്നി​ല്ല. മ​റ്റു തൊ​ഴി​ലു​ക​ൾ​ക്ക്​ പോ​യാ​ണ്​ കു​ടും​ബം നോ​ക്കു​ന്ന​ത്.