ഡോ​ഗ് ട്രെ​യി​നി​ങ് സെ​ന്റ​റി​ന്റെ മ​റ​വി​ൽ ക​ഞ്ചാ​വ് വി​ൽ​പ​ന: ര​ണ്ടാം​പ്ര​തി പിടിയി​ൽ

ഗാ​ന്ധി​ന​ഗ​ർ: കു​മാ​ര​ന​ല്ലൂ​രി​ൽ ഡോ​ഗ് ട്രെ​യി​നി​ങ് സെ​ന്റ​റി​ന്റെ മ​റ​വി​ൽ ക​ഞ്ചാ​വ് വി​ൽ​പ​ന ന​ട​ത്തി​യ കേ​സി​ലെ ര​ണ്ടാം​പ്ര​തി ക​സ്റ്റ​ഡി​യി​ൽ. പ​ന​ച്ചി​ക്കാ​ട് പൂ​വ​ൻ​തു​രു​ത്ത് ആ​തി​ര ഭ​വ​നി​ൽ അ​ന​ന്തു പ്ര​സ​ന്ന​നെ​യാ​ണ് (25) പൊ​ലീ​സ് ക​സ്റ്റ​ഡി​യി​ൽ വാ​ങ്ങി​യ​ത്. കു​മാ​ര​ന​ല്ലൂ​രി​ൽ വീ​ട് വാ​ട​ക​ക്കെ​ടു​ത്ത് ഡോ​ഗ് ട്രെ​യി​നി​ങ് സെ​ന്റ​ർ ന​ട​ത്തി​യി​രു​ന്ന പാ​റ​മ്പു​ഴ സ്വ​ദേ​ശി​യാ​യ റോ​ബി​ൻ ജോ​ർ​ജി​ന്റെ വീ​ട്ടി​ൽ​നി​ന്നും ക​ഴി​ഞ്ഞ​മാ​സം 17.8 കി​ലോ ക​ഞ്ചാ​വ്, ജി​ല്ല ല​ഹ​രി വി​രു​ദ്ധ സ്ക്വാ​ഡ് പി​ടി​കൂ​ടി​യി​രു​ന്നു. തു​ട​ര്‍ന്ന് കേ​സി​ലെ മു​ഖ്യ​പ്ര​തി​യാ​യ റോ​ബി​ൻ ജോ​ർ​ജി​നെ അ​ന്വേ​ഷ​ണ​സം​ഘം തി​രു​നെ​ൽ​വേ​ലി​യി​ൽ​നി​ന്ന് പി​ടി​കൂ​ടി​യി​രു​ന്നു.

വി​ശ​ദ​മാ​യ അ​ന്വേ​ഷ​ണ​ത്തി​ൽ ഇ​യാ​ളു​ടെ ഒ​പ്പം ക​ഞ്ചാ​വ് ക​ച്ച​വ​ടം ന​ട​ത്തി​യി​രു​ന്ന അ​ഖി​ൽ ഷാ​ജി, അ​നി​ൽ​കു​മാ​ർ എ​ന്നി​വ​രെ​യും പി​ടി​കൂ​ടി​യി​രു​ന്നു. കേ​സി​ലെ മു​ഖ്യ​പ്ര​തി​ക​ളി​ലൊ​രാ​ളാ​യ അ​ന​ന്തു പ്ര​സ​ന്ന​ൻ അ​ന്യ​സം​സ്ഥാ​ന​ത്തേ​ക്ക് ക​ട​ന്നു​ക​ള​ഞ്ഞ​താ​യി വി​വ​രം ല​ഭി​ച്ച​തി​നെ തു​ട​ർ​ന്ന് ഇ​യാ​ൾ​ക്ക് വേ​ണ്ടി വി​വി​ധ സം​ഘ​ങ്ങ​ളാ​യി തി​രി​ഞ്ഞ് ശ​ക്ത​മാ​യ തി​ര​ച്ചി​ൽ ന​ട​ത്തി​വ​രു​ന്ന​തി​നി​ട​യി​ലാ​ണ് ഇ​യാ​ൾ കോ​ട​തി​യി​ൽ കീ​ഴ​ട​ങ്ങി​യ​ത്.

ഇ​യാ​ൾ ഈ​സ്റ്റ് സ്റ്റേ​ഷ​നി​ലെ സാ​മൂ​ഹി​ക​വി​രു​ദ്ധ ലി​സ്റ്റി​ൽ ഉ​ൾ​പ്പെ​ട്ട​യാ​ളാ​ണ്. ഇ​യാ​ളെ ക​സ്റ്റ​ഡി​യി​ൽ വാ​ങ്ങി വി​ശ​ദ​മാ​യി ചോ​ദ്യം​ചെ​യ്തു വ​രു​ക​യാ​ണ്.