കോട്ടയം റെയിൽവേ കാന്‍റീനിൽ തീപിടിത്തം; അതിവേഗം അണച്ചതിനാൽ വൻ ദുരന്തം ഒഴിവായി

കോ​ട്ട​യം: കോ​ട്ട​യം റെ​യി​ൽ​വേ കാ​ന്റീ​നി​ൽ തീ​പിടിത്തം. അ​തി​വേ​ഗം അ​ണ​ക്കാ​ൻ സാ​ധി​ച്ച​തി​നാ​ൽ വ​ൻ ദു​ര​ന്തം ഒ​ഴി​വാ​യി. വ്യാ​ഴാ​ഴ്ച ഉ​ച്ച​ക്ക്​ 12 ഓ​ടെ​യാ​ണു സം​ഭ​വം. ശ​ബ​രി​മ​ല തീ​ർ​ഥാ​ട​ക​ർ ഉ​ൾ​പ്പെ​ടെ നി​ര​വ​ധി പേ​ർ നി​ത്യേ​ന എ​ത്തു​ന്ന ഏ​റെ തി​ര​ക്കു​ള്ള റെ​യി​ൽ​വേ സ്​​റ്റേ​ഷ​നാ​ണ്​ കോ​ട്ട​യ​ത്തേ​ത്. സ്​​റ്റേ​ഷ​നി​ലെ കാ​ന്‍റീ​നി​ലെ അ​ടു​ക്ക​ള​യി​ൽ പാ​ച​ക​ത്തി​നി​ടെ ച​ട്ടി​യി​ലെ എ​ണ്ണ​യി​ൽ​നി​ന്ന്​ തീ ​ആ​ളി​പ്പ​ട​ർ​ന്ന​താ​ണ് അ​പ​ക​ട​ത്തി​ന്​ കാ​ര​ണ​മാ​യ​ത്. കാ​ന്‍റീ​ൻ ജീ​വ​ന​ക്കാ​രും ഭ​ക്ഷ​ണം ക​ഴി​ക്കാ​നെ​ത്തി​യ അ​യ്യ​പ്പ​ഭ​ക്ത​ര​ട​ക്കം നി​ര​വ​ധി യാ​ത്രാ​ക്കാ​രും ഈ ​സ​മ​യം കെ​ട്ടി​ട​ത്തി​ലു​ണ്ടാ​യി​രു​ന്നു.

അ​ടു​പ്പി​ൽ നി​ന്നു​ള്ള തീ​യ്​ പെ​ട്ടെ​ന്ന്​ കാ​ന്‍റീ​നി​ന്‍റെ ചി​മ്മി​നി​ക്കു​ള്ളി​ലൂ​ടെ മു​ക​ൾ​ഭാ​ഗ​ത്തേ​ക്ക് അ​തി​വേ​ഗം പ​ട​ർ​ന്ന​ത്​ ആ​ശ​ങ്ക സൃ​ഷ്ടി​ച്ചു. സ​മീ​പ​ത്ത്​ മ​റ്റു​ ഭ​ക്ഷ​ണ​ശാ​ല​ക​ളും ക​ട​ക​ളു​മൊ​ക്കെ​യു​ള്ള ഇ​ട​മാ​യ​തി​നാ​ൽ തീ ​പ​ട​ർ​ന്നാ​ൽ വ​ലി​യ ദു​ര​ന്ത​ത്തി​ലേ​ക്ക്​ നീ​ങ്ങു​മെ​ന്ന​താ​ണ്​ ആ​ശ​ങ്ക പ​ട​ർ​ത്തി​യ​ത്. ഇ​തി​നി​ടെ അ​ടു​ക്ക​ള​യി​ലു​ണ്ടാ​യി​രു​ന്ന ചി​ല സാ​ധ​ന​ങ്ങ​ൾ ക​ത്തി​ന​ശി​ച്ചു.

തീ ​ആ​ളി പ​ട​രു​ന്ന​തു ക​ണ്ട്​ സ​മീ​പ​ത്തെ റെ​യി​ൽ​വേ പാ​ഴ്സ​ൽ ഓ​ഫീ​സി​ലെ ജീ​വ​ന​ക്കാ​രും പോ​ർ​ട്ട​ർ​മാ​രും ചേ​ർ​ന്ന് പ​രി​സ​ര​ത്ത് പ​ല​യി​ട​ത്താ​യി സ്ഥാ​പി​ച്ചി​രു​ന്ന ഫ​യ​ർ എ​സ്റ്റിം​ഗ്യൂ​ഷ​റു​ക​ൾ ഉ​പ​യോ​ഗി​ച്ച് അ​ണ​ക്കു​ക​യാ​യി​രു​ന്നു. പാ​ഴ്സ​ൽ ഓ​ഫി​സ്​ ജീ​വ​ന​ക്കാ​ര​ൻ കു​മ​ര​കം സ്വ​ദേ​ശി ഉ​ണ്ണി ഫ​യ​ർ എ​സ്റ്റിം​ഗ്യൂ​ഷ​റു​മാ​യി അ​ടു​ക്ക​ള​യി​ൽ ക​യ​റി അ​ടു​പ്പി​ലെ തീ ​അ​ണ​ച്ച​തി​നാ​ൽ ഇ​തി​നു​ള്ളി​ൽ സൂ​ക്ഷി​ച്ചി​രു​ന്ന പാ​ച​ക​വാ​ത​ക സി​ലി​ണ്ട​റു​ക​ളി​ലേ​ക്ക് ഉ​ൾ​പ്പെ​ടെ തീ ​പ​ട​രാ​തെ വ​ലി​യ ദു​ര​ന്തം ഒ​ഴി​വാ​ക്കാ​ൻ സാ​ധി​ച്ചു. വി​വ​ര​മ​റി​ഞ്ഞ്​ ഫ​യ​ർ​ഫോ​ഴ്സും, പൊ​ലീ​സും ഉ​ൾ​പ്പെ​ടെ സേ​ന​ക​ൾ ഉ​ട​ൻ എ​ത്തി. മ​റ്റു ഭാ​ഗ​ങ്ങ​ളി​ലേ​ക്ക്​ തീ ​പ​ട​ർ​ന്നി​ട്ടി​ല്ലെ​ന്ന്​ അ​ഗ്​​നി​ര​ക്ഷാ​സേ​നാം​ഗ​ങ്ങ​ൾ പ​രി​ശോ​ധി​ച്ച്​ സ്ഥി​രീ​ക​രി​ച്ചു. തീ​ ​പൂ​ർ​ണ​മാ​യും അ​ണ​ച്ച​തോ​ടെ​യാ​ണ്​ യാ​ത്ര​ക്കാ​ർ​ക്കുംം റെ​യി​ൽ​വേ ജീ​വ​ന​ക്കാ​ർ​ക്കും ആ​ശ്വാ​സ​മാ​യ​ത്.

റെ​യി​ൽ​വേ സ്​​റ്റേ​ഷ​നി​ൽ പ്ര​വ​ർ​ത്തി​ക്കു​ന്ന പ​ല ഭ​ക്ഷ​ണ​ശാ​ല​ക​ളി​ലും ക​ട​ക​ളി​ലും മ​തി​യാ​യ സു​ര​ക്ഷ സം​വി​ധാ​ന​ങ്ങ​ളി​ല്ലെ​ന്ന ആ​ക്ഷേ​പം ശ​ക്​​ത​മാ​ണ്. അ​ടു​ക്ക​ള​ക​ളി​ൽ മ​തി​യാ​യ സൗ​ക​ര്യ​മി​ല്ലെ​ന്നും അ​ടു​പ്പു​ക​ളി​ൽ നി​ന്നു​ള്ള പു​ക പു​റ​ത്തേ​ക്ക്​ പോ​കാ​ൻ പ​ല​യി​ട​ങ്ങ​ളി​ലും സൗ​ക​ര്യം ഇ​ല്ലെ​ന്നും പ​റ​യു​ന്നു. പ​ല​പ്പോ​ഴും ഭ​ക്ഷ​ണ​ശാ​ല​ക്കു​ള്ളി​ലാ​ണ്​ പു​ക തി​ങ്ങി​നി​ൽ​ക്കു​ന്ന​ത്. മ​തി​യാ​യ സൗ​ക​ര്യ​ങ്ങ​ൾ ഉ​ണ്ടെ​ന്ന്​ ഉ​റ​പ്പു​വ​രു​ത്തി​യ ശേ​ഷ​മേ ഭ​ക്ഷ​ണ​ശാ​ല​ക​ൾ പ്ര​വ​ർ​ത്തി​ക്കാ​ൻ അ​ധി​കൃ​ത​ർ അ​നു​മ​തി ന​ൽ​കാ​വൂ എ​ന്നു ചൂ​ണ്ടി​ക്കാ​ണി​ക്ക​പ്പെ​ടു​ന്നു.