മണിമലയിൽ അജ്ഞാതജീവി ആറ്​ ആടുകളെ കൊന്നു

മണിമല: അജ്ഞാതജീവി മണിമല ഏറത്തുവടകരയിൽ ആറ് ആടുകളെ കൊന്നു. കരിപ്പാൽപടി കണിച്ചേരിൽ ആന്റണിയുടെ ആടുകളെയാണ്​ കൊന്നത്​. നാല് വലിയ ആടുകളെയും രണ്ടു കുട്ടിയാടുകളെയും കഴിഞ്ഞ ദിവസം രാവിലെ ചത്തനിലയിൽ കണ്ടെത്തുകയായിരുന്നു. ആടുകളുടെ കുടൽ വലിച്ചുകീറിയ നിലയിലാണ്. മൃഗഡോക്ടർ പോസ്റ്റ്​മോർട്ടം ചെയ്തു. കൂട്ടത്തോടെയെത്തുന്ന തെരുവുനായ്ക്കളാകാം കൊന്നതെന്നാണ് സംശയം. സമീപത്തെ വീട്ടിലെ പശുക്കിടാവിന്റെ വാലും കടിച്ചുമുറിച്ചു. അയൽവാസിയായ സുനിലിന്റെ രണ്ടു ആടുകളെ കഴിഞ്ഞ ദിവസം നാലു നായ്ക്കൾ ആക്രമിച്ചിരുന്നു. വീട്ടുകാർ ഓടിച്ചെന്നപ്പോൾ നായ്ക്കൾ ഓടിപ്പോകുന്നത് കണ്ടു. മേഖലയിൽ തെരുവുനായ്​ ശല്യവും കീരി, കുറുനരി ശല്യവും രൂക്ഷമാണ്. KTL VZR 3 Adukal Chathu ചിത്രവിവരണം ചത്ത ആടുകൾ