അന്തർ സർവകലാശാല കിക്ക്ബോക്സിങ്ങിൽ എം.ജിക്ക് ചരിത്രനേട്ടം

പൊൻകുന്നം: അന്തർ സർവകലാശാല കിക്ക് ബോക്സിങ് ചാമ്പ്യൻഷിപ്പിൽ എം.ജി സർവകലാശാലക്ക് ചരിത്രനേട്ടം. യു.പിയിലെ അയോധ്യയിൽ നടന്ന ചാമ്പ്യൻഷിപ്പിൽ രണ്ട് മെഡൽ കരസ്ഥമാക്കിയാണ് മഹാത്മാഗാന്ധി സർവകലാശാല മിന്നുന്ന വിജയം നേടിയത്. ഹെവിവെയ്​റ്റ് കാറ്റഗറിയിൽ വെള്ളി മെഡൽ നേടിയ പൊൻകുന്നം സ്വദേശി റയീസ് എം. സജിയും ലൈറ്റ് ഹെവിവെയ്​റ്റ് കാറ്റഗറിയിൽ വെങ്കല മെഡൽ നേടിയ തൊടുപുഴ സ്വദേശി ഡിന്റോ ബെന്നിയുമാണ് ചരിത്രനേട്ടം സ്വന്തമാക്കിയത്. ഇരുവരും കുട്ടിക്കാനം മരിയൻ കോളജ് വിദ്യാർഥികളാണ്. പൊൻകുന്നം മണ്ണുവയലിൽ സജി ഹസ്സൻ -അമീന ദമ്പതികളുടെ മകനായ റയീസ് ബി.എസ്.ഡബ്ല്യു രണ്ടാംവർഷ വിദ്യാർഥിയും തൊടുപുഴ കോക്കണ്ടത്തിൽ ബെന്നി-പൗളി ദമ്പതികളുടെ മകനായ ഡിന്‍റോ എം.എസ്.ഡബ്ല്യു രണ്ടാം വർഷ വിദ്യാർഥിയുമാണ്. മഹാത്മാഗാന്ധി സർവകലാശാലയുടെ ചരിത്രത്തിൽ ആദ്യമായി അഖിലേന്ത്യ അന്തർ സർവകലാശാല തലത്തിൽ കിക്ക്ബോക്സിങ് ചാമ്പ്യൻഷിപ്പിൽ മെഡൽ നേടിയവർ എന്ന നേട്ടവും ഇനി ഇവർക്ക് സ്വന്തം. സംസ്ഥാന അമേച്വർ കിക്ക്​ ബോക്സിങ് അസോസിയേഷൻ ജനറൽ സെക്രട്ടറി എ.എസ്​. വിവേകിന്‍റെ നേതൃത്വത്തിൽ പരിശീലനം നേടിയ ഇരുവരും ദേശീയ, അന്താരാഷ്ട്ര മത്സരങ്ങളിൽ പങ്കെടുത്ത് നിരവധി മെഡലുകൾ നേടി കഴിവ് തെളിയിച്ചവരാണ്. KTG VZR 1 M.G. University Kick Boxing ചിത്രവിവരണം റയീസ് എം. സജി ഡിന്‍റോ ബെന്നി