മൈതാനത്ത് മെറ്റൽകൂനകൾ; കളിസ്ഥലം നഷ്ടപ്പെട്ട്​ കുട്ടികൾ

ഏന്തയാർ ഈസ്റ്റ്: കൊക്കയാർ പഞ്ചായത്തിലെ കനകപുരം അംഗൻവാടിക്ക് സമീപത്തെ മൈതാനത്ത്​ മെറ്റൽ തള്ളിയതോടെ കളിസ്ഥലം ഇല്ലാതെ കുട്ടികൾ വലയുന്നു. പഞ്ചായത്തിന്റെ അറിവോടെയാണ് മെറ്റൽ ഇട്ടതെന്നാണ്​ ആക്ഷേപം. എന്നാൽ, ഇത്​ എന്തിനാണെന്ന്​ വ്യക്തതയില്ല. മൈതാനത്തിന്റെ ഒരുവശത്തായി കൂനകളായാണ് ചെറുതും വലുതുമായ മെറ്റൽ ഇറക്കിയത്. ഇതോടെ കുട്ടികൾ ചെറിയസ്ഥലത്താണ് കളിക്കുന്നത്. മെറ്റൽ കിടക്കുന്നതിനാൽ കുട്ടികൾക്ക് പരിക്കേൽക്കുന്നതും പതിവാണ്. ഇതിനെതിരെ നാട്ടുകാർ പഞ്ചായത്തിൽ പരാതി നൽകിയെങ്കിലും കലക്ടറുടെ അറിവോടെയാണ്​ ഇറക്കിയതെന്ന് പഞ്ചായത്ത് അധികൃതർ അറിയിച്ചു. എന്നാൽ, കലക്ടറുമായി ബന്ധപ്പെട്ടപ്പോൾ ഇത് സംബന്ധിച്ച് അറിവില്ലെന്ന് അറിയിച്ചതായി നാട്ടുകാർ പറയുന്നു.