കോട്ടയം: നഗരമധ്യത്തിൽ കോഴിച്ചന്ത റോഡിലെ മൊബൈൽ ഷോപ്പിൽ ഫോൺ ബാറ്ററി പൊട്ടിത്തെറിച്ചു. അറ്റകുറ്റപ്പണിക്ക് എത്തിച്ച മൊബൈൽ ഫോണിന്റെ ബാറ്ററിയാണ് വൻ ശബ്ദത്തോടെ പൊട്ടിത്തെറിച്ചത്. എസ്.എൻ മൊബൈൽ ഷോപ്പിൽ കഴിഞ്ഞ ദിവസം ഉച്ചക്ക് 12.30 നായിരുന്നു സംഭവം. ആറ് അന്തർസംസ്ഥാന തൊഴിലാളികൾ സ്ഥാപനത്തിലെത്തി ഇവരുടെ കയ്യിലുണ്ടായിരുന്ന മൊബൈൽ ഫോണിന്റെ ബാറ്ററിക്ക് ചാർജ് നിൽക്കുന്നില്ലെന്ന് പരാതിപ്പെട്ടു. ഇത് പരിശോധിക്കുന്നതിന് സ്ഥാപനത്തിലെ ടെക്നീഷ്യൻ ബാറ്ററി ഊരി പുറത്തുവെച്ച് ഫോൺ പരിശോധിച്ചു. ഇതിനിടെ അന്തർസംസ്ഥാന തൊഴിലാളികളിൽ ഒരാൾ ബാറ്ററിയുടെ വീർത്തുനിന്ന ഭാഗത്ത് അമർത്തി. ഇതോടെ വൻ ശബ്ദത്തോടെ തീ പടർത്തി ബാറ്ററി പൊട്ടിത്തെറിക്കുകയായിരുന്നു. കിളിരൂർ ദേവീക്ഷേത്രത്തിൽ തിരുവുത്സവം കോട്ടയം: മേജർ കിളിരൂർ കുന്നിന്മേൽ ദേവീ ക്ഷേത്രത്തിൽ തിരുവുത്സവം 10 മുതൽ 17 വരെ ആഘോഷിക്കും. തൃക്കൊടിയേറ്റ് വ്യാഴാഴ്ച രാവിലെ ഭദ്രകാളി മറ്റപ്പിള്ളിമന നാരായണൻ നമ്പൂതിരിപ്പാടിന്റെ മുഖ്യകാർമികത്വത്തിൽ നടക്കും. രണ്ടാം ഉത്സവം മുതൽ ഏഴാം ഉത്സവം വരെയുള്ള പകൽ ആറാട്ട് ക്ഷേത്രത്തിന്റെ മാത്രം പ്രത്യേകതയാണ്. മൂന്നാം ഉത്സവ ദിവസമായ ശനിയാഴ്ച വൈകീട്ട് ഏഴിന് മന്ത്രി വി.എൻ. വാസവന് സ്വീകരണം നൽകും. 16ന് രാത്രി ഒമ്പതിനാണ് വലിയ വിളക്ക്. 17ന് വൈകീട്ട് അഞ്ചിന് ആറാട്ട് എഴുന്നള്ളിപ്പ്, എട്ടുമുതൽ ആറാട്ടുസദ്യ, വെളുപ്പിന് ഒന്നുമുതൽ ആറാട്ട് എതിരേൽപ്. വൈകീട്ട് 5.30ന് കൊടിയിറക്കും. എല്ലാ ഉത്സവദിവസവും വൈകീട്ട് ഏഴുമുതൽ കലാമത്സരങ്ങളുണ്ടാകും. വാർത്തസമ്മേളനത്തിൽ ക്ഷേത്ര ഉപദേശക സമിതി പ്രസിഡന്റ് കെ. വേണുഗോപാൽ അറയ്ക്കൽ, സെക്രട്ടറി കെ.സി. സുരേഷ് കാരുവള്ളിത്തറ, പ്രോഗ്രാം കോഓഡിനേറ്റർ ജയദേഷ് ജയപാൽ അറക്കപ്പറമ്പിൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.