കോട്ടയം: ബൈക്കും ബസും കൂട്ടിയിടിച്ച് യുവാവിന് പരിക്ക്. പുന്നത്തുറ സ്വദേശി നന്ദകിഷോറിനാണ് (18) പരിക്കേറ്റത്. ശനിയാഴ്ച വൈകീട്ട് എം.സി റോഡിൽ കാരിത്താസിന് സമീപമായിരുന്നു അപകടം. കോട്ടയം ഭാഗത്തുനിന്ന് ഏറ്റുമാനൂരിലേക്കുവന്ന തമിഴ്നാട് രജിസ്ട്രേഷൻ ടൂറിസ്റ്റ് ബസ് എതിർദിശയിൽ നിന്നെത്തിയ നന്ദകിഷോറിന്റെ ബൈക്കിൽ ഇടിക്കുകയായിരുന്നു. നന്ദകിഷോർ റോഡിലേക്ക് വീണു. വിവരം അറിഞ്ഞെത്തിയ ഹൈവേ പട്രോളിങ് സംഘം സമീപത്തെ ആശുപത്രിയിൽ പ്രവേശിപ്പിച്ചു. ഏറ്റുമാനൂർ പൊലീസ് മേൽനടപടി സ്വീകരിച്ചു. ...................... മാനസിക വെല്ലുവിളി നേരിടുന്ന യുവാവിനെ മർദിച്ചെന്നു പരാതി കോട്ടയം: മാനസിക വെല്ലുവിളി നേരിടുന്ന യുവാവിനെ സമീപവാസി മർദിച്ചെന്ന് പരാതി. കാലൊടിഞ്ഞ അതിരമ്പുഴ സ്വദേശിയായ യുവാവ് മെഡിക്കൽ കോളജ് ആശുപത്രിയിൽ ചികിത്സയിലാണ്. കഴിഞ്ഞ ദിവസമായിരുന്നു സംഭവം. സമീപവാസിയുടെ വീടിന്റെ മതിലിന് സമീപത്തെ കല്ലെടുത്ത് കളയുകയും അസഭ്യം പറയുകയും ചെയ്തതെന്നാരോപിച്ച് മർദിക്കുകയായിരുന്നു. മർദനത്തിൽ പരിക്കേറ്റ് റോഡരികിൽ കിടന്ന ഇയാളെ ഇതുവഴി കടന്നു പോയ അതിരമ്പുഴ പഞ്ചായത്ത് പ്രസിഡന്റ് ബിജു വലിയമലയുടെ നേതൃത്വത്തിലാണ് ആശുപത്രിയിൽ എത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.