തെങ്ങ്​ കടപുഴകി​​; നടപ്പാതയുടെ സംരക്ഷണവേലി തകർന്നു

കോട്ടയം: തെങ്ങുവീണ്​ കുമരകം നാലുപങ്ക് ബോട്ട് ടെർമിനലിലെ നടപ്പാതയുടെ സംരക്ഷണവേലി തകർന്നു. ദിവസങ്ങൾക്ക്​ മുമ്പായിരുന്നു സംഭവം. ​ കാറ്റിൽ സമീപത്തെ പുരയിടത്തിൽനിന്ന്​ തെങ്ങ്​ നടപ്പാതയിലേക്ക്​ പതിക്കുകയായിരുന്നു. ഇതിനൊപ്പം സംരക്ഷണവേലിയുടെ ഒരുഭാഗം കടപുഴകി. തെങ്ങ്​ നടപ്പാതക്ക്​ കുറകെ കായലി​ലേക്ക്​ വീണുകിടക്കുന്ന നിലയിലാണ്​. ഇവിടെ പാകിയിരിക്കുന്ന ടൈലുകൾക്കും കേടുപാടുകൾ സംഭവിച്ചിട്ടുണ്ട്​. സഞ്ചാരികൾക്ക്​ ഇത്​ ബുദ്ധിമുട്ട്​ സൃഷ്ടിക്കുന്നുണ്ട്​. സമീപ പുരയിടങ്ങളിൽനിന്ന്​ നടപ്പാതയിലേക്ക്​ കാടുകയറിയിട്ടുമുണ്ട്. മരങ്ങളുടെ ശിഖരങ്ങൾ നടപ്പാതയിലേക്ക്​ വളർന്ന് ഇറങ്ങിയിരിക്കുകയാണ്. കാടുപിടിച്ച്​ കിടക്കുന്നതിനാൽ വിഷപ്പാമ്പുകൾ നടപ്പാതയിലേക്ക് കയറുമോയെന്ന ആശങ്കയുമുണ്ട്​. പടം Dp