മണിമല: നിയന്ത്രണംവിട്ട കാർ താഴ്ചയിലേക്ക് മറിഞ്ഞ് യുവാവ് മരിച്ചു. പ്ലാച്ചേരി ആലപ്ലാമൂട്ടിൽ കെ.വി. തോമസിന്റെ മകൻ സഞ്ചു തോമസാണ് (23) മരിച്ചത്. ചൊവ്വാഴ്ച രാവിലെ 11ന് മുക്കട-പ്ലാച്ചേരി റോഡിൽ ഫോറസ്റ്റ് സ്റ്റേഷന് സമീപമായിരുന്നു അപകടം. മുക്കടയിൽനിന്ന് പ്ലാച്ചേരിയിലെ വീട്ടിലേക്ക് വരുന്നതിനിടെ നിയന്ത്രണം വിട്ട കാര് റോഡിന്റെ ഇടതുവശത്തുള്ള വൈദ്യുതി തൂണിലും ക്രാഷ് ബാരിയറിലും ഇടിച്ച് കുഴിയിലേക്ക് മറിയുകയായിരുന്നു. കാറിനുള്ളില് കുടുങ്ങിയ സഞ്ചുവിനെ റാന്നിയില്നിന്നെത്തിയ അഗ്നിരക്ഷാ സേനയും നാട്ടുകാരും ചേര്ന്നാണ് പുറത്തെടുത്തത്. കാഞ്ഞിരപ്പള്ളി ആശുപത്രിയില് എത്തിച്ചെങ്കിലും രക്ഷിക്കാൻ സാധിച്ചില്ല. മണിമല പൊലീസെത്തി മേല്നടപടികള് സ്വീകരിച്ചു. മൃതദേഹം കാഞ്ഞിരപ്പള്ളി ജനറൽ ആശുപത്രി മോര്ച്ചറിയില്. സംസ്കാരം പിന്നീട്. മാതാവ്: സിന്ധു. സഹോദരങ്ങൾ: അശ്വിൻ, ആരോമൽ. KTD VZR 1 Accident Death ചിത്രവിവരണം ചിത്രം 1. സഞ്ചു തോമസ് 2അപകടത്തിൽപ്പെട്ട കാർ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.