പൊലീസിനെ ആക്രമിച്ച പ്രതിക്ക് കഠിന തടവും പിഴയും

കൊ​ല്ലം: പൊ​ലീ​സ്​ ഉ​ദ്യോ​ഗ​സ്ഥ​നെ ആ​ക്ര​മി​ച്ച കേ​സി​ൽ പ്ര​തി​ക്ക്​ കൊ​ല്ലം അ​ഡീ​ഷ​ന​ൽ സെ​ഷ​ൻ​സ്​ കോ​ട​തി നാ​ലുവ​ർ​ഷം ക​ഠി​ന ത​ട​വും 25000 രൂ​പ പി​ഴ​യും ശി​ക്ഷ വി​ധി​ച്ചു. ക​ല്ലു​വാ​തു​ക്ക​ൽ വി​ല്ലേ​ജ്​ വേ​ള​മാ​നൂ​ർ പു​ളി​ക്കു​ഴി ച​രു​വി​ള​വീ​ട്ടി​ൽ എ​സ്. ജി​ത്തു​വി​നെ​യാ​ണ് കോ​ട​തി ശി​ക്ഷി​ച്ച​ത്.

2020 ആ​ഗ​സ്റ്റ് 31ന് ​പാ​രി​പ്പ​ള്ളി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത ക്രി​മി​ന​ൽ കേ​സി​ലെ പ്ര​തി​ക​ളെ പ​റ്റി വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ ഇ​വ​രെ പി​ടി​കൂ​ടാ​നാ​യി പൊ​ലീ​സ്​ സം​ഘം പ​ര​വൂ​ർ യ​ക്ഷി​ക്കാ​വി​ൽ എ​ത്തി​യ​പ്പോ​ഴാ​ണ് കേ​സി​നാ​സ്​​പ​ദ​മാ​യ സം​ഭ​വം അ​ര​ങ്ങേ​റി​യ​ത്.

പി​ന്തു​ട​ർ​ന്ന് പി​ടി​കൂ​ടാ​ൻ ശ്ര​മി​ക്കു​ന്ന​തി​നി​ടെ, പൊ​ലീ​സ്​ ഉ​ദ്യോ​ഗ​സ്ഥ​നാ​യ അ​നൂ​പി​നെ ജി​ത്തു ആ​ക്ര​മി​ക്കു​ക​യും സ​മീ​പ​ത്തു​ണ്ടാ​യി​രു​ന്ന ആ​ഴ​മേ​റി​യ കു​ഴി​യി​ലേ​ക്ക് ത​ള്ളി​യി​ടു​ക​യു​മാ​യി​രു​ന്നു. വീ​ഴ്ച​യി​ൽ പൊ​ലീ​സ്​ ഉ​ദ്യോ​ഗ​സ്ഥ​ന്‍റെ ന​ട്ടെ​ല്ലി​ന് ക്ഷ​ത​വും ഇ​ട​തു കൈ​യു​ടെ എ​ല്ലി​ന് പൊ​ട്ട​ലു​ണ്ടാ​കു​ക​യും ചെ​യ്തു. കൊ​ല്ലം അ​ഡീ​ഷ​ന​ൽ സെ​ഷ​ൻ​സ്​ കോ​ട​തി മൂ​ന്ന് ജ​ഡ്ജി ഉ​ഷാ നാ​യ​രാ​ണ് വി​ധി പ്ര​സ്​​താ​വി​ച്ച​ത്. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​റാ​യ സി.​കെ. സൈ​ജു ഹാ​ജ​രാ​യി.