നിസാറുദീൻ
പുനലൂര്: പൊലീസ് വാഹനം തല്ലിത്തകര്ക്കുകയും പൊലീസ് ഉദ്യോഗസ്ഥരെ ആക്രമിക്കുകയും ചെയ്തയാളെ കാപ്പ നിയമപ്രകാരം അറസ്റ്റ് ചെയ്തു. കാര്യറ ചരുവിള വീട്ടില് നിസാറുദീനെയാണ് (37) രണ്ടാം തവണയും കാപ്പ നിയമപ്രകാരംഅറസ്റ്റ് ചെയ്തത്.
രണ്ടുമാസം മുമ്പാണ് ഇയാള് കാപ്പ പ്രകാരമുള്ള ആറുമാസത്തെ ജയില് വാസം കഴിഞ്ഞ് പുറത്തിറങ്ങിയത്. ശേഷം നിസാറുദീന് കാര്യറ സ്വദേശിയെ കുത്തിക്കൊലപ്പെടുത്താന് ശ്രമിക്കുകയും ആക്രമണം തടയാന് ശ്രമിച്ച എസ്.ഐ ഉള്പ്പെടെയുള്ള പൊലീസ് ഉദ്യോഗസ്ഥരെ ആക്രമിക്കുകയും പൊലീസ് വാഹനം തല്ലി തകര്ക്കുകയും ചെയ്തു.
തുടര്ന്ന് റൂറല് എസ്.പി എം.എല്. സുനിലിന്റെ നിര്ദേശാനുസരണം ഇയാള്ക്കെതിരെ കാപ്പ ചുമത്തി അറസ്റ്റ് ചെയ്ത് പൂജപ്പുര ജയിലിലേക്ക് മാറ്റുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.