കൊല്ലം ജില്ലാ കലോത്സവം; ചവിട്ടുനാടകത്തിൽ ആധിപത്യവുമായി ജോൺ എഫ്​.കെന്നഡി

അ​ഞ്ച​ൽ: പൗ​രാ​ണി​ക വീ​ര​ക​ഥ​ക​ൾ ച​വി​ട്ടി​ന്‍റെ താ​ള​ത്തി​ൽ പു​ന​ർ​ജ​നി​ക്കു​ന്ന ച​വി​ട്ടു​നാ​ട​ക വേ​ദി​യി​ൽ പെ​ൺ​ക​രു​ത്തി​ന്‍റെ പ്ര​ക​ട​ന​വു​മ​യെ​ത്തി ഇ​ര​ട്ട​വി​ജ​യം നേ​ടി വി​ല്യം ഷേ​ക്സ്പി​യ​റു​ടെ മാ​ക്ബ​ത്തും ക​രു​നാ​ഗ​പ്പ​ള്ളി അ​യ​ണി​വേ​ലി​ക്കു​ള​ങ്ങ​ര ജോ​ൺ എ​ഫ്.​കെ​ന്ന​ഡി എം.​വി എ​ച്ച്.​എ​സ്.​എ​സും. എ​ച്ച്.​എ​സ്​ വി​ഭാ​ഗ​ത്തി​ലും എ​ച്ച്.​എ​സ്.​എ​സ്​ വി​ഭാ​ഗ​ത്തി​ലു​മാ​ണ്​ സ്കൂ​ൾ ഇ​ര​ട്ട​വി​ജ​യം സ്വ​ന്ത​മാ​ക്കി​യ​ത്.

തു​ട​ർ​ച്ച​യാ​യി പ​​ങ്കെ​ടു​ത്ത്​ വി​ജ​യി​ക്കു​ന്നു​ണ്ടെ​ങ്കി​ലും ച​വി​ട്ടു​നാ​ട​ക മ​ത്സ​ര​ത്തി​ൽ ആ​ദ്യ​മാ​ണ്​ സ്കൂ​ൾ മാ​ക്ബ​ത്ത് വേ​ദി​യി​ലെ​ത്തി​യ​ച്ച​ത്. എ​ച്ച്.​എ​സ് വി​ഭാ​ഗ​ത്തി​ൽ തു​ട​ർ​ച്ച​യാ​യി ര​ണ്ടാം ത​വ​ണ​യും എ​ച്ച്.​എ​സ്.​എ​സ് വി​ഭാ​ഗ​ത്തി​ൽ തു​ട​ർ​ച്ച​യാ​യി നാ​ലാം ത​വ​ണ​യു​മാ​ണ് ജി​ല്ല​ത​ല​ത്തി​ൽ ഒ​ന്നാ​മ​തെ​ത്തു​ന്ന​ത്.

ഇ​രു​ടീ​മു​ക​ളു​ടെ​യും വി​ജ​യ​ത്തി​ന് പി​ന്നി​ൽ പ​രി​ശീ​ല​ക​ർ റോ​യ് ജോ​ർ​ജ്കു​ട്ടി, റി​തു​ൽ റോ​യ്, കെ.​ആ​ർ. ആ​ന്‍റ​ണി എ​ന്നി​വ​രു​ടെ ക​ഠി​നാ​ധ്വാ​ന​മാ​ണ്. ആ​ദി​ത്യ, അ​നാ​മി​ക, അ​ന​ശ്വ​ര, ദു​ർ​ഗ, ദേ​വി​ക, ദേ​വ​ന​ന്ദ, ശ്രീ​പാ​ർ​വ​തി, അ​ലീ​ന, ആ​തി​ര, മീ​നാ​ക്ഷി എ​ന്നി​വ​ർ എ​ച്ച്.​എ​സ് വി​ഭാ​ഗ​ത്തി​ലും ഹി​ബ, നി​ത്യ, ശ്രീ​ല​ക്ഷ്മി, ആ​ൻ​ഡ്രി​യ, അ​ൻ​ഫോ​ൻ​സ, ലി​ന്‍റ, അ​ന​ശ്വ​ര, ഉ​ത്ത​ര, പാ​ർ​വ​തി, മീ​ര കൃ​ഷ്ണ എ​ന്നി​വ​ർ എ​ച്ച്.​എ​സ്.​എ​സ് വി​ഭാ​ഗ​ത്തി​ലും വേ​ദി​യി​ലെ​ത്തി.

ഭരതനാട്യത്തിൽ മധുര പ്രതികാരം

അ​ഞ്ച​ൽ: ക​ഴി​ഞ്ഞ​വ​ർ​ഷം ന​ഷ്ട​പ്പെ​ട്ട എ​ച്ച്.​എ​സ് വി​ഭാ​ഗം ഭ​ര​ത​നാ​ട്യ​ത്തി​ലെ കി​രീ​ടം ഇ​ത്ത​വ​ണ തി​രി​കെ സ്വ​ന്ത​മാ​ക്കി പൂ​വ​റ്റൂ​ർ ഡി.​വി എ​ൻ.​എ​സ്.​എ​സ് എ​ച്ച്‌.​എ​സ്.​എ​സി​ലെ പ​ത്താം ക്ലാ​സ് വി​ദ്യാ​ർ​ഥി​നി ഗൗ​രി സു​രേ​ഷ്. ഭ​ര​ത​നാ​ട്യ​ത്തി​ൽ ഒ​ന്നാ​മ​തെ​ത്തി​യ ഗൗ​രി മോ​ഹി​നി​യാ​ട്ട​ത്തി​ൽ മൂ​ന്നാം സ്ഥാ​ന​വും നേ​ടി​യി​ട്ടു​ണ്ട്. അ​ടു​ത്ത ദി​വ​സ​മു​ള്ള കു​ച്ചി​പ്പു​ടി മ​ത്സ​ര​ത്തി​നും ഗൗ​രി മ​ത്സ​രി​ക്കു​ന്നു​ണ്ട്. ക​ഴി​ഞ്ഞ വ​ർ​ഷം ജി​ല്ല ക​ലോ​ത്സ​വ​ത്തി​ൽ മൂ​ന്നാം സ്ഥാ​ന​ത്താ​യി​രു​ന്ന ഗൗ​രി, കൊ​ല്ല​ത്ത് ന​ട​ന്ന സം​സ്ഥാ​ന ക​ലോ​ത്സ​വ​ത്തി​ലെ മോ​ഹി​നി​യാ​ട്ട​ത്തി​ൽ എ ​ഗ്രേ​ഡ് നേ​ടി​യി​രു​ന്നു. യു.​പി ക്ലാ​സ് മു​ത​ൽ നൃ​ത്ത​മ​ത്സ​ര​ങ്ങ​ളി​ൽ സ്ഥി​ര​സാ​ന്നി​ധ്യ​മാ​യ ഗൗ​രി കൊ​ട്ടാ​ര​ക്ക​ര മൈ​ലം ചി​ത്ര​വീ​ണ​യി​ൽ സു​രേ​ഷ് ബാ​ബു-​സൗ​മ്യ ദ​മ്പ​തി​ക​ളു​ടെ മ​ക​ളാ​ണ്.

 രണ്ടാം ദിനത്തിലും ചാത്തന്നൂർ മുന്നിൽ

അ​ഞ്ച​ൽ: വേ​ദി​ക​ളി​ൽ ആ​വേ​ശ​ത്തി​ലും നി​റ​ക്കൂ​ട്ടു​ക​ളി​ലും ക​ലാ​മി​ക​വി​ന്‍റെ തീ​പാ​റു​ന്ന പോ​രാ​ട്ടം കാ​ഴ്ച​വെ​ച്ച ജി​ല്ല ക​ലോ​ത്സ​വ​ത്തി​ന്‍റെ ര​ണ്ടാം ദി​ന​ത്തി​ൽ വി​വി​ധ ക​ലാ​വി​ഭാ​ഗ​ങ്ങ​ളി​ലെ കു​ട്ടി​ക​ളു​ടെ മി​ക​വ് പ്രേ​ക്ഷ​ക​രെ പി​ടി​ച്ചു​കു​ലു​ക്കു​ന്ന നി​മി​ഷ​ങ്ങ​ളാ​യി. ബു​ധ​നാ​ഴ്ച മ​ത്സ​ര​ങ്ങ​ൾ രാ​ത്രി​യി​ലേ​ക്കും നീ​ണ്ട​പ്പോ​ൾ പോ​രാ​ട്ട​വ​ഴി​യി​ൽ ഇ​ഞ്ചോ​ടി​ഞ്ചാ​ണ് മ​ത്സ​രം.

470 പോ​യി​ന്റു​മാ​യി ചാ​ത്ത​ന്നൂ​ർ ഉ​പ​ജി​ല്ല​യാ​ണ്​ ര​ണ്ടാം ദി​ന​ത്തി​ലും മു​ന്നേ​റു​ന്ന​ത്. ക​ഴി​ഞ്ഞ വ​ർ​ഷ​ത്തെ ചാ​മ്പ്യ​ൻ​മാ​രാ​യ ക​രു​നാ​ഗ​പ്പ​ള്ളി ഉ​പ​ജി​ല്ല 451 പോ​യി​ന്‍റു​മാ​യി തൊ​ട്ടു​പി​ന്നാ​ലെ​യു​ണ്ട്. 437പോ​യി​ന്‍റു​മാ​യി പു​ന​ലൂ​ർ ഉ​പ​ജി​ല്ല​യാ​ണ് മൂ​ന്നാ​മ​ത്. സ്കൂ​ളു​ക​ളി​ൽ 143പോ​യി​ന്‍റു​മാ​യി ജെ.​എ​ഫ്.​കെ.​എം.​വി എ​ച്ച്.​എ​സ്.​എ​സ് അ​യ​ണി​വേ​ലി​ക്കു​ള​ങ്ങ​ര​യാ​ണ് ഒ​ന്നാ​മ​ത്. എ​സ്.​എം.​എ​ച്ച്.​എ​സ് പ​താ​രം 131പോ​യ​ന്‍റു​മാ​യി പി​ന്നി​ലു​ണ്ട്. 126.പോ​യ​ന്‍റോ​ടെ ഗ​വ. എ​ച്ച്.​എ​സ്.​എ​സ് ആ​ൻ​ഡ് വി.​എ​ച്ച്.​എ​സ്.​എ​സ് കൊ​ട്ടാ​ര​ക്ക​ര​യാ​ണ് മൂ​ന്നാ​മ​ത്.

ര​ണ്ടാം ദി​ന​ത്തി​ൽ തി​രു​വാ​തി​ര, ച​വി​ട്ടു​നാ​ട​കം, ഭ​ര​ത​നാ​ട്യം, നാ​ട​കം, മാ​ർ​ഗം​ക​ളി പ​രി​ച​മു​ട്ട് എ​ന്നി​വ ആ​യി​രു​ന്നു പ്ര​ധാ​ന ഇ​ന​ങ്ങ​ൾ. എ​ന്നാ​ൽ, ഒ​രേ​വേ​ദി​യി​ൽ​ത​ന്നെ വി​വി​ധ മ​ത്സ​ര​ങ്ങ​ൾ അ​ര​ങ്ങേ​റി​യ​ത് വി​ദ്യ​ർ​ഥി​ക​ളെ​യും ര​ക്ഷി​താ​ക്ക​ളെ​യും ഒ​രേ​പോ​ലെ വ​ല​ച്ചു. മേ​ക്ക​പ്പി​ട്ട് മ​ണി​ക്കൂ​റോ​ളം ഭ​ക്ഷ​ണം ക​ഴി​ക്കാ​തെ കാ​ത്തി​രു​ന്ന​തി​നാ​ൽ കു​ട്ടി​ക​ൾ മ​ത്സ​ര​ശേ​ഷം കു​ഴ​ഞ്ഞു​വീ​ണു.

(റി​പ്പോ​ർ​ട്ട്: കെ.​എം. ഫൈ​സ​ൽ,  എ​ൻ.​കെ. ബാ​ല​ച​ന്ദ്ര​ൻ. ചി​ത്ര​ങ്ങ​ൾ: സി. ​സു​രേ​ഷ്കു​മാ​ർ)