ലഹരിയെ ഒറ്റക്കെട്ടായി നേരിടാൻ കോർപറേഷൻ

കൊ​ല്ലം: യു​വ​ത​ല​മു​റ​യെ കാ​ർ​ന്നു​തി​ന്നു​ന്ന ല​ഹ​രി​വി​പ​ത്തി​നെ​തി​രെ ഒ​റ്റ​ക്കെ​ട്ടാ​യ കാ​മ്പ​യി​നു​മാ​യി രം​ഗ​ത്തി​റ​ങ്ങാ​ൻ കോ​ർ​പ​റേ​ഷ​ൻ കൗ​ൺ​സി​ൽ. കാ​മ്പ​യി​ൻ എ​ങ്ങ​നെ വേ​ണം എ​ന്ന​ത്​ സം​ബ​ന്ധി​ച്ച്​ കൂ​ട്ടാ​യ ച​ർ​ച്ച​യി​ലൂ​ടെ സ​മ​വാ​യ​ത്തി​ലെ​ത്താ​മെ​ന്ന്​ മേ​യ​ർ ഹ​ണി ബെ​ഞ്ച​മി​ൻ കൗ​ൺ​സി​ൽ യോ​ഗ​ത്തി​ൽ അ​റി​യി​ച്ചു.ഇ​ട​പെ​ട​ൽ ന​ട​ത്തു​മ്പോ​ൾ യാ​തൊ​രു​വി​ധ ശി​പാ​ർ​ശ​യു​മാ​യി ഒ​രു ജ​ന​പ്ര​തി​നി​ധി​യും വ​ര​രു​തെ​ന്നും മേ​യ​ർ മു​ന്ന​റി​യി​പ്പ്​ ന​ൽ​കി. ഭ​ര​ണ പ്ര​തി​പ​ക്ഷ ഭേ​ദ​മി​ല്ലാ​തെ കൗ​ൺ​സി​ല​ർ​മാ​രും ല​ഹ​രി വി​ഷ​യ​ത്തി​ൽ അ​ടി​യ​ന്ത​ര ന​ട​പ​ടി വേ​ണ​മെ​ന്ന്​ ​വാ​ദ​മു​യ​ർ​ത്തി.

ല​ഹ​രി കാ​മ്പ​യി​ൻ അ​നി​വാ​ര്യ​മാ​ണെ​ന്ന്​ ഡെ​പ്യൂ​ട്ടി മേ​യ​ർ എ​സ്. ജ​യ​ൻ പ​റ​ഞ്ഞു. തൊ​ട്ട​ടു​ത്ത്​ താ​മ​സി​ക്കു​ന്ന ഇ​ത​ര മ​ത​സ്ഥ​രെ ആ​ക്ര​മി​ക്കാ​ൻ പ​ഠി​പ്പി​ക്കു​ന്ന വി​ദ്വേ​ഷ രാ​ഷ്ട്രീ​യ​മാ​ണ്​ മ​റ്റ്​ പ്ര​ശ്ന​ങ്ങ​ളു​ടെ​യും അ​ടി​സ്ഥാ​ന​മെ​ന്ന്​ ഡെ​പ്യൂ​ട്ടി മേ​യ​ർ കൂ​ട്ടി​ച്ചേ​ർ​ത്തു. അ​രാ​ഷ്ട്രീ​യ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​ണ്​ കാ​മ്പ​സി​ൽ ല​ഹ​രി നി​റ​യു​ന്ന​തെ​ന്ന്​ സ്ഥി​രം​സ​മി​തി അ​ധ്യ​ക്ഷ​ൻ എ.​കെ. സ​വാ​ദ്​ പ​റ​ഞ്ഞു.

കൊ​ല്ലം ബീ​ച്ചി​ന്‍റെ കി​ഴ​ക്ക​ൻ മേ​ഖ​ല, ക്യു.​എ.​സി റോ​ഡ്, അ​ഡ്വൈ​ഞ്ച​ർ പാ​ർ​ക്ക്​ എ​ന്നി​വി​ട​ങ്ങ​ൾ ഉ​ൾ​പ്പെ​ടെ ന​ഗ​ര​ത്തി​ൽ ല​ഹ​രി ഉ​പ​യോ​ക്താ​ക്ക​ളു​ടെ​യും വി​ൽ​പ​ന​ക്കാ​രു​ടെ​യും കേ​ന്ദ്ര​മാ​കു​ക​യാ​ണെ​ന്ന്​ കൊ​ല്ലം മ​ധു പ​റ​ഞ്ഞു. ബ​ന്ധ​പ്പെ​ട്ട വ​കു​പ്പു​ക​ൾ കൂ​ട്ടി​ച്ചേ​ർ​ത്ത്​ കാ​മ്പ​യി​ൻ അ​ടി​യ​ന്ത​ര​മാ​യി ന​ട​ത്ത​ണ​മെ​ന്നും അ​ദ്ദേ​ഹം പ​റ​ഞ്ഞു. കോ​ർ​പ​റേ​ഷ​ൻ പ​രി​ധി​യി​ലെ സ​ർ​ക്കാ​ർ സ്കൂ​ളു​ക​ളി​ൽ ല​ഹ​രി കാ​ര​ണ​മു​ള്ള പ്ര​ശ്ന​ങ്ങ​ൾ രൂ​ക്ഷ​മാ​ണെ​ന്ന്​ ടി.​ജി. ഗി​രീ​ഷ്​ പ​റ​ഞ്ഞു.

കു​ടി​വെ​ള്ളം, മാ​ലി​ന്യം ഉ​ൾ​പ്പെ​ടെ പ്ര​ശ്​​ന​ങ്ങ​ൾ ച​ർ​ച്ച​ചെ​യ്യാ​ൻ പ്ര​ത്യേ​ക ച​ർ​ച്ച വി​ളി​ക്ക​ണ​മെ​ന്ന്​​ ജോ​ർ​ജ്​ ഡി. ​കാ​ട്ടി​ൽ ആ​വ​ശ്യ​പ്പെ​ട്ടു. സി.​പി.​എം സ​മ്മേ​ള​ന​ത്തി​ന്‍റെ ഭാ​ഗ​മാ​യി ന​ഗ​ര​ത്തി​ലെ അ​ല​ങ്കാ​ര​ങ്ങ​ളും വ​ലി​യ ച​ർ​ച്ച​യാ​യി. പാ​ർ​ട്ടി അ​ല​ങ്കാ​ര​ങ്ങ​ൾ ​വെ​ക്കാ​ൻ അ​പേ​ക്ഷ ന​ൽ​കി​യി​രു​ന്ന​താ​യും മൂ​ന്ന​ര ല​ക്ഷം രൂ​പ പാ​ർ​ട്ടി​ക്ക്​ കോ​ർ​പ​റേ​ഷ​ൻ പി​ഴ നോ​ട്ടീ​സ്​ ന​ൽ​കി​യ​താ​യും എ.​കെ. സ​വാ​ദ്​ പ​റ​ഞ്ഞു. ഇ​ക്കാ​ര്യം മേ​യ​റും സ്ഥി​രീ​ക​രി​ച്ചു. സ്ഥി​രം സ​മി​തി അ​ധ്യ​ക്ഷ​ൻ സ​ജീ​വ്​ സോ​മ​ൻ, കൗ​ൺ​സി​ല​ർ​മാ​രാ​യ ടി.​ആ​ർ. അ​ഭി​ലാ​ഷ്, എം. ​പു​ഷ്പാം​ഗ​ദ​ൻ, എ. ​നൗ​ഷാ​ദ്, വി. ​സ​ന്തോ​ഷ്, എ​ൻ. ടോ​മി, എം.​എ​ച്ച്. നി​സാ​മു​ദീ​ൻ, ഷൈ​ല​ജ എ​ന്നി​വ​രും ച​ർ​ച്ച​യി​ൽ പ​​ങ്കെ​ടു​ത്തു.

അ​ന​ധി​കൃ​ത വ​ഴി​യോ​ര ക​ച്ച​വ​ട​ത്തി​നെ​തി​രെ ന​ട​പ​ടി

ഇ​നി മു​ത​ൽ വ​ഴി​​യോ​ര​ത്ത്​ ആ​ര്​ പു​തി​യ ബ​ങ്കു​ക​ൾ സ്ഥാ​പി​ച്ചാ​ലും ഉ​ട​ൻ എ​ടു​ത്തു​മാ​റ്റു​മെ​ന്ന്​ മേ​യ​ർ ഹ​ണി ബെ​ഞ്ച​മി​ൻ. ബ​ങ്കു​ക​ൾ ​റ​സ്റ്റാ​റ​ന്‍റു​ക​ൾ പ്ര​വ​ർ​ത്തി​ക്കു​​ന്ന​തു​പോ​ലെ പ​അ​നു​വ​ദി​ക്കി​ല്ല. ന​ഗ​ര​ദ​രി​ദ്ര​ർ​ക്ക്​ ആ​ണ്​ തെ​രു​വി​ൽ ക​ച്ച​വ​ടം ന​ട​ത്താ​ൻ അ​നു​മ​തി ഉ​ള്ള​ത്. എ​ന്നാ​ൽ, അ​ന​ധി​കൃ​ത ക​ച്ച​വ​ട​ങ്ങ​ളും നി​ർ​മാ​ണ​ങ്ങ​ളും വ​ഴി​യോ​ര​ത്ത്​ വ​ർ​ധി​ക്കു​ക​യാ​ണ്. ഇ​ത്​ അ​നു​വ​ദി​ക്കാ​ൻ ക​ഴി​യി​ല്ല. അ​ന​ധി​കൃ​ത ക​ച്ച​വ​ട​ത്തി​നെ​തി​രെ എ​ൻ​ഫോ​ഴ്​​സ്​​മെ​ന്‍റ്​ പ്ര​വ​ർ​ത്ത​ന​ത്തി​ൽ കൊ​ല്ലം കോ​ർ​പ​റേ​ഷ​ൻ ഏ​റെ പി​റ​കി​ലാ​ണ്. ഉ​ദ്യോ​ഗ​സ്ഥ​ർ ന​ട​പ​ടി​ക്ക്​ പോ​കു​​മ്പോ​ൾ ജ​ന​പ്ര​തി​നി​ധി​ക​ൾ ഇ​ട​പെ​ടാ​ൻ പോ​ക​രു​തെ​ന്നും ​മേ​യ​ർ പ​റ​ഞ്ഞു.

പാ​ലി​യേ​റ്റീ​വി​ൽ സ്ഥി​തി മോ​ശം

ന​ഗ​ര​ത്തി​ൽ പ​ല​യി​ട​ത്തും പാ​ലി​യേ​റ്റീ​വ്​ കെ​യ​ർ കേ​ന്ദ്ര​ങ്ങ​ളി​ൽ ന​ഴ്​​സു​മാ​രു​ടെ അ​ഭാ​വം സ്ഥി​തി രൂ​ക്ഷ​മാ​ക്കു​ന്ന​താ​യി കൗ​ൺ​സി​ലി​ൽ സോ​മ​രാ​ജ​ൻ പ​രാ​തി​യു​ന്ന​യി​ച്ചു. കൗ​ൺ​സി​ല​റു​ടെ പ​രാ​തി യാ​ഥാ​ർ​ഥ്യ​മാ​ണെ​ന്നും യോ​ഗ്യ​രാ​യ ന​ഴ്​​സു​മാ​രെ കി​ട്ടാ​നി​ല്ലാ​ത്ത സ്ഥി​തി​യാ​ണെ​ന്നും സ്ഥി​രം​സ​മി​തി അ​ധ്യ​ക്ഷ യു. ​പ​വി​ത്ര പ​റ​ഞ്ഞു. നി​യ​മ​പ്ര​ശ്നം ഇ​ല്ലെ​ങ്കി​ൽ ജെ.​എ​ൻ.​എം, എ.​എ​ൻ.​എം യോ​ഗ്യ​ത ഉ​ള്ള ​പാ​ലി​യേ​റ്റീ​വ്​ പ്ര​വ​ർ​ത്തി പ​രി​ച​യ​മു​ള്ള ന​ഴ്​​സു​മാ​രെ എ​ടു​ക്കു​ന്ന കാ​ര്യം പ​രി​ശോ​ധി​ക്ക​ണ​മെ​ന്നും ആ​വ​ശ്യ​പ്പെ​ട്ടു. മേ​യ​റും ഡെ​പ്യൂ​ട്ടി മേ​യ​റും വി​ഷ​യം അ​ടി​യ​ന്ത​ര ന​ട​പ​ടി ആ​വ​ശ്യ​മു​ള്ള​താ​ണെ​ന്ന്​ ചൂ​ണ്ടി​ക്കാ​ട്ടി.

രാ​ത്രി​യി​ലെ ക​ട​ക​ൾ​ക്ക്​ പൂ​ട്ടി​ട​ണ​മെ​ന്ന്​​

ന​ഗ​ര​ത്തി​നു​ള്ളി​ൽ ന​ട​ക്കു​ന്ന നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ഉ​ൾ​പ്പെ​ടെ ത​ട​യാ​ൻ രാ​ത്രി വൈ​കി പ്ര​വ​ർ​ത്തി​ക്കു​ന്ന ഭ​ക്ഷ​ണ​ശാ​ല​ക​ൾ​ക്ക്​ പൂ​ട്ടി​ട​ണ​മെ​ന്ന്​ സ്ഥി​രം സ​മി​തി അ​ധ്യ​ക്ഷ​ൻ എ.​കെ. സ​വാ​ദ്. ല​ഹ​രി പ്ര​ശ്ന​ങ്ങ​ളെ കു​റി​ച്ച്​ സൂ​ചി​പ്പി​ക്ക​വെ​യാ​ണ്​ ക്യൂ.​എ.​സി റോ​ഡി​ൽ ഉ​ൾ​പ്പെ​ടെ രാ​ത്രി​യി​ൽ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്ക്​ കാ​ര​ണ​മാ​കു​ന്നു എ​ന്ന്​ ചൂ​ണ്ടി​ക്കാ​ട്ടി ​രാ​ത്രി പ​ത്തോ​ടെ ക​ട​ക​ൾ അ​ട​ക്കാ​ൻ ന​ട​പ​ടി എ​ടു​ക്ക​ണ​മെ​ന്ന്​ ആ​വ​ശ്യ​പ്പെ​ട്ട​ത്. പൊ​ലീ​സ്​ ഉ​ൾ​പ്പെ​ടെ ഈ ​അ​ഭി​പ്രാ​യ​മാ​ണ്​ പ​ങ്കു​വെ​ക്കു​ന്ന​തെ​ന്നാ​ണ്​ സ്ഥി​രം​സ​മി​തി അ​ധ്യ​ക്ഷ​ൻ കൗ​ൺ​സി​ലി​ൽ പ​റ​ഞ്ഞ​ത്. നൈ​റ്റ്​ സ്​​ട്രീ​റ്റ്​ ഒ​രു​ക്കു​മെ​ന്ന്​ ബ​ജ​റ്റി​ൽ പ​ദ്ധ​തി​വ​രെ​യി​ട്ടി​ട്ടു​ള്ള കോ​ർ​പ​റേ​ഷ​നി​ൽ ആ​ണ്​ രാ​ത്രി 10 ആ​കു​മ്പോ​ൾ ക​ട​ക​ൾ പൂ​ട്ടി​ടാ​ൻ നോ​ട്ടീ​സ്​ കൊ​ടു​ക്ക​ണ​മെ​ന്ന്​ സ്ഥി​രം​സ​മി​തി അ​ധ്യ​ക്ഷ​ൻ ത​ന്നെ ആ​വ​ശ്യ​പ്പെ​ടു​ന്ന​ത്.