കടയ്ക്കൽ: മതിരയിൽ യുവാവ് മരിച്ചത് പേവിഷബാധ മൂലമെന്ന് സ്ഥിരീകരിച്ച് ആരോഗ്യവകുപ്പ്. ബുധനാഴ്ച തിരുവനന്തപുരം മെഡിക്കൽ കോളജ് ആശുപത്രിയിൽ മരിച്ച മതിര മനോജ് വിലാസത്തിൽ മഹേഷിന്റെ (37) അസ്വാഭാവിക മരണമാണ് പേവിഷ ബാധയേറ്റതിനാലെന്ന് സ്ഥിരീകരിച്ചത്. പോസ്റ്റ്മോർട്ടത്തിനുശേഷം വ്യാഴാഴ്ച രാത്രിയാണ് ഫലം മാങ്കോട് ആരോഗ്യ വകുപ്പ് അധികൃതർക്ക് ലഭിച്ചത്. മഹേഷിന്റെ ശരീരസ്രവം പൂനെ വൈറോളജി ഇൻസ്റ്റിറ്റ്യൂട്ടിൽ പരിശോധനക്കയച്ചിട്ടുണ്ട്.
45 ദിവസം കഴിഞ്ഞാൽ മാത്രമേ ഇതിന്‍റെ പരിശോധന ഫലം ലഭിക്കുകയുള്ളൂ. സമ്പർക്കമുണ്ടായ കുടുംബാംഗങ്ങൾ, സുഹൃത്തുക്കൾ, ആരോഗ്യ പ്രവർത്തകർ ഉൾപ്പെടെ പ്രതിരോധ കുത്തിവെപ്പെടുത്തുതുടങ്ങി. വെള്ളിയാഴ്ച വളർത്തുമൃഗങ്ങൾക്കും കുത്തിവെപ്പ് നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.