കാറിൽ കഞ്ചാവ്​ വിൽപന; രണ്ടുപേർ അറസ്​റ്റിൽ

കൊല്ലം: ശക്തികുളങ്ങര ഫോർട്ട് ഭാഗത്ത് വിൽപനക്കായി കാറിൽ കടത്തിക്കൊണ്ടുവന്ന അര കിലോ കഞ്ചാവുമായി രണ്ടുപേരെ എക്സൈസ് പിടികൂടി. കൊല്ലം ചിന്നക്കട ആണ്ടാമുക്കം കുളത്തിൽ പുരയിടം അഖിൽ ഭവനത്തിൽ അനിൽകുമാർ (57-ചിന്നക്കട ഉണ്ണി), നീണ്ടകര വേട്ടുതറ അത്തിക്കൽ വീട്ടിൽ സുരേഷ് (51) എന്നിവരെയാണ് കൊല്ലം എക്സൈസ് സർക്കിൾ ഇൻസ്പെക്ടർ ഐ. നൗഷാദും സംഘവും പിടികൂടിയത്.

കാറും കഞ്ചാവു വിൽപന നടത്തിയ 3000 രൂപയും കസ്​റ്റഡിയിലെടുത്തു. ഒരു രാഷ്​ട്രീയ പാർട്ടിയുടെ ജില്ല നേതാവായിരുന്ന അനിൽകുമാറും ഇയാളുടെ വീട്ടിൽ താമസിക്കുന്ന സഹായി സുരേഷും ചേർന്ന് രാത്രികളിൽ ശക്തികുളങ്ങര, നീണ്ടകര ഭാഗങ്ങളിൽ കാറിൽ എത്തി മത്സ്യത്തൊഴിലാളികൾക്കും ആൺകുട്ടികൾക്കും കഞ്ചാവ്​ വിൽക്കുന്നെന്ന രഹസ്യവിവരത്തിെൻറ അടിസ്ഥാനത്തിൽ ഷാഡോ ടീമിനെ നിയോഗിച്ച്​ രഹസ്യനിരീക്ഷണം നടത്തിവരുകയായിരുന്നു.

നീണ്ടകര ഭാഗത്ത് കഞ്ചാവ് വിൽപന നടത്ത​െവ എക്സൈസ് വാഹനം കണ്ട് ഇവർ കാറുമായി രക്ഷപ്പെടാൻ ശ്രമിച്ചു. എക്​സൈസ്​ സംഘം കാർ പിന്തുടർന്ന്​ ശക്തികുളങ്ങര ഭാഗത്ത് ​െവച്ച് മുന്നിൽ ജീപ്പ് കുറുകെ ​െവച്ച് പിടികൂടുകയായിരുന്നു. 50 ഗ്രാമിെൻറ ഒരു പാക്കറ്റ് ഏജൻറുമാർക്ക് 3000 രൂപ നിരക്കിലാണ്​ നൽകുന്നത്.

അവർ ഗ്രാമിന്​ 300 രൂപ നിരക്കിൽ വിൽപന നടത്തും. തമിഴ്നാട്ടിൽ പോയാണ് അനിൽകുമാർ വൻതോതിൽ കഞ്ചാവ് കടത്തിക്കൊണ്ടുവരുന്നത്. മൂന്നുവർഷം മുമ്പ് നാലര കിലോ കഞ്ചാവ് കടത്തിക്കൊണ്ടുവരുന്നതിനിടെ അനിൽകുമാർ അമരവിള എക്സൈസ് ചെക് പോസ്​റ്റിൽ പിടിയിലായിരുന്നു. രണ്ടു വർഷം മുമ്പ് ശാസ്താംകോട്ട ​െവച്ച് 1.050 കിലോ കഞ്ചാവുമായി ശാസ്താംകോട്ട എക്സൈസ് സർക്കിൾ പാർട്ടി അറസ്​റ്റ്​ ചെയ്​തിരുന്നു. രണ്ട്​ കേസുകളിലും ജാമ്യത്തിൽ കഴിഞ്ഞുവരവെയാണ് വീണ്ടും പിടിയിലായത്.

കൊല്ലം ഈസ്​റ്റ്​ പൊലീസ് സ്​റ്റേഷനിൽ ഇയാളുടെ പേരിൽ നിരവധി കഞ്ചാവ് കേസുകളും ക്രിമിനൽ കേസുകളും നിലവിലുണ്ട്. പ്രായപൂർത്തിയാകാത്തകുട്ടികൾക്ക് കഞ്ചാവ് വിൽപന നടത്തിയതിന്​ ജുവനൈൽ ജസ്​റ്റിസ് ആക്ട് പ്രകാരം ഇയാൾക്കെതിരെ കേസെടുത്തു. എക്സൈസ് ഇൻസ്പെക്ടർ ടി. രാജീവ്, പ്രിവൻറിവ് ഓഫിസർ ശ്യാംകുമാർ, ബിനുലാൽ, സിവിൽ എക്സൈസ് ഓഫിസർമാരായ നഹാസ്, ശ്രീനാഥ്, നിതിൻ എന്നിവർ സംഘത്തിൽ ഉണ്ടായിരുന്നു.