മഴയിൽ പകര്‍ച്ചവ്യാധി ജാഗ്രത വേണം

കൊ​ല്ലം: മ​ഴ ത​ക​ർ​ത്തു​പെ​യ്യു​മ്പോ​ൾ പ​ക​ർ​ച്ച​വ്യാ​ധി​ക​ ഭീഷണിയുടെകാ​ഴ്ച​യാ​ണ്​ ജി​ല്ല​യി​ൽ. ഡെ​ങ്കി​യു​ൾ​പ്പെ​ടെ അ​പ​ക​ട​ക​ര​മാ​യ പ​ക​ർ​ച്ച​വ്യാ​ധി​ക​ൾ പി​ടി​മു​റു​ക്കി​യ​തോ​ടെ പ​നി​ക്കി​ട​ക്ക​യി​ൽ വി​റ​ക്കു​ക​യാ​ണ്​ ജ​നം. ഈ ​ആ​ഴ്ച​യി​ൽ മാ​ത്രം 1323 പേ​രാ​ണ്​ സ​ർ​ക്കാ​ർ ആ​ശു​പ​ത്രി​ക​ളി​ൽ മാ​ത്രം പ​നി​ക്ക്​ ചി​കി​ത്സ തേ​ടി​യെ​ത്തി​യ​ത്. ബു​ധ​നാ​ഴ്ച 495 പേ​രാ​ണ്​ വി​വി​ധ ആ​ശു​പ​ത്രി​ക​ളി​ൽ പ​നി​ബാ​ധി​ച്ചെ​ത്തി​യ​ത്. സ്വ​കാ​ര്യ ആ​ശു​പ​ത്രി​ക​ളി​ലെ കൂ​ടി ചേ​രു​മ്പോ​ൾ ഇ​ര​ട്ടി​യാ​കും പ​നി​ക്ക​ണ​ക്ക്. പ​ക​ർ​ച്ച​വ്യാ​ധി​ക​ളി​ൽ ഡെ​ങ്കി​പ്പ​നി ത​ന്നെ​യാ​ണ്​ വ്യാ​പ​ക​മാ​യി ആ​ളു​ക​ളെ കീ​ഴ്​​പ്പെ​ടു​ത്തു​ന്ന​ത്. ബു​ധ​നാ​ഴ്ച 33 പേ​രാ​ണ്​ ഡെ​ങ്കി ല​ക്ഷ​ണ​ങ്ങ​ളു​മാ​യി ചി​കി​ത്സ തേ​ടി​യ​ത്. ആ​റ്​ പേ​ർ​ക്ക്​ അ​സു​ഖം സ്ഥി​രീ​ക​രി​ക്കു​ക​യും ചെ​യ്തു. ഒ​രാ​ഴ്ച​ക്കി​ടെ 70 പേ​രാ​ണ്​ ഡെ​ങ്കി സം​ശ​യ​വു​മാ​യി ആ​ശു​പ​ത്രി​ക​ളി​ലെ​ത്തി​യ​ത്. 18 പേ​ർ​ക്ക്​ രോ​ഗം സ്ഥി​രീ​ക​രി​ക്കു​ക​യും ചെ​യ്തു. ഡെ​ങ്കി കൂ​ടാ​തെ എ​ലി​പ്പ​നി​യും ഹെ​പ്പ​റ്റൈ​റ്റി​സ്​ എ​യും അ​പ​ക​ട ഭീ​ഷ​ണി​യാ​യു​ണ്ട്. ക​ന​ത്ത ജാ​ഗ്ര​ത പാ​ലി​ക്ക​ണ​മെ​ന്ന മു​ന്ന​റി​യി​പ്പാ​ണ്​ ആ​രോ​ഗ്യ​വ​കു​പ്പ്​ അ​ധി​കൃ​ത​ർ ന​ൽ​കു​ന്ന​ത്.

• ഡെ​ങ്കി​പ്പ​നി​ക്കെ​തി​രെ അ​തീ​വ ക​രു​ത​ൽ അ​ത്യാ​വ​ശ്യ​മാ​ണ്. പ​ക​ല്‍ സ​മ​യ​ത്ത് ക​ടി​ക്കു​ന്ന ഈ​ഡി​സ് കൊ​തു​കു​ക​ള്‍ വ​ഴി​യാ​ണ് ഡെ​ങ്കി​പ​നി പ​ക​രു​ന്ന​ത്. വെ​ള്ളം സം​ഭ​രി​ച്ചു​വ​ച്ചി​രി​ക്കു​ന്ന പാ​ത്ര​ങ്ങ​ള്‍, വ​ലി​ച്ചെ​റി​യു​ന്ന ചി​ര​ട്ട​ക​ള്‍, പൊ​ട്ടി​യ​പാ​ത്ര​ങ്ങ​ള്‍, ക​ളി​പ്പാ​ട്ട​ങ്ങ​ള്‍, ഫ്രി​ഡ്ജി​ന്റെ അ​ടി​ഭാ​ഗ​ത്തെ ട്രേ, ​വീ​ടി​നു​ള്ളി​ല്‍ അ​ല​ങ്കാ​ര ചെ​ടി​ക​ള്‍ വ​ള​ര്‍ത്തു​ന്ന കു​പ്പി​ക​ള്‍, ചെ​ടി​ക​ളു​ടെ അ​ടി​യി​ല്‍ വ​ച്ചി​രി​ക്കു​ന്ന ട്രേ, ​വ​ലി​ച്ചെ​റി​ഞ്ഞി​ട്ടി​രി​ക്കു​ന്ന ട​യ​റു​ക​ള്‍, വി​റ​കും മ​റ്റും ന​ന​യാ​തെ മൂ​ടി​യി​രി​ക്കു​ന്ന പ്ലാ​സ്റ്റി​ക് ഷീ​റ്റു​ക​ള്‍, റ​ബ്ബ​ര്‍ പാ​ല്‍ സം​ഭ​രി​ക്കു​ന്ന ചി​ര​ട്ട​ക​ള്‍, ക​മു​ങ്ങി​ന്‍ പാ​ള​ക​ള്‍, ക​ക്ക​ത്തോ​ട്, നി​ര്‍മ്മാ​ണ സ്ഥ​ല​ങ്ങ​ളി​ലെ ടാ​ങ്കു​ക​ള്‍, വീ​ടി​ന്റെ ടെ​റ​സ്സ്, സ​ണ്‍ഷെ​യ്ഡ്, പാ​ത്തി​ക​ള്‍ തു​ട​ങ്ങി​യ​വ​യി​ല്‍ കെ​ട്ടി​കി​ട​ക്കു​ന്ന വെ​ള്ള​ത്തി​ലാ​ണ് കൊ​തു​ക് മു​ട്ട​യി​ട്ട് പെ​രു​കു​ന്ന​ത്. റ​ബ​ര്‍ പാ​ല്‍ ഉ​ല്പാ​ദി​പ്പി​ക്കാ​ത്ത സ​മ​യ​ങ്ങ​ളി​ല്‍ ചി​ര​ട്ട​ക​ള്‍ ക​മ​ഴ്ത്തി​വെ​ക്ക​ണം. ക​ര​ക്ക്​ ക​യ​റ്റി വെ​ച്ചി​രി​ക്കു​ന്ന വ​ള്ളം/​ബോ​ട്ട്, ബോ​ട്ടു​ക​ളു​ടെ വ​ശ​ത്ത് കെ​ട്ടി​വ​ച്ചി​രി​ക്കു​ന്ന ട​യ​റു​ക​ള്‍, അ​ല​ക്ഷ്യ​മാ​യി വ​ലി​ച്ചെ​റി​യു​ന്ന ഐ​സ് ബോ​ക്‌​സ്/ തെ​ര്‍മോ​ക്കോ​ള്‍ ബോ​ക്‌​സ് എ​ന്നി​വ​യി​ലെ ജ​ലം, ആ​ക്രി ശേ​ഖ​ര​ണ​ശാ​ല​ക​ളി​ലെ പാ​ഴ്‌​വ​സ്തു​ക്ക​ളി​ലെ ജ​ലം, ഉ​പ​യോ​ഗ​ശൂ​ന്യ​മാ​യി ഉ​പേ​ക്ഷി​ച്ചി​രി​ക്കു​ന്ന വാ​ഹ​ന​ങ്ങ​ള്‍ എ​ന്നി​വ​യി​ലെ മ​ഴ​വെ​ള്ള ശേ​ഖ​ര​വു​മാ​ണ് തീ​ര​ദേ​ശ​ത്തെ​യും ന​ഗ​ര​പ്ര​ദേ​ശ​ത്തെ​യും ഡെ​ങ്കി​വ്യാ​പ​ന​ത്തി​ന് പ്ര​ധാ​ന കാ​ര​ണം.
• എ​ലി​പ്പ​നി രോ​ഗാ​ണു​വാ​ഹ​ക​രി​ല്‍ എ​ലി​ക​ള്‍ മാ​ത്ര​മ​ല്ല, നാ​യ്ക്ക​ളും മ​റ്റു വ​ള​ര്‍ത്തു​മൃ​ഗ​ങ്ങ​ളും ക​ന്നു​കാ​ലി​ക​ളും ഉ​ള്‍പ്പെ​ടും. അ​വ​യു​ടെ വി​സ​ര്‍ജ്യ​ത്താ​ല്‍ മ​ലി​ന​മാ​യ വെ​ള്ള​വു​മാ​യി സ​മ്പ​ര്‍ക്കം ഉ​ണ്ടാ​കു​മ്പോ​ള്‍ രോ​ഗം പ​ക​രും. കൈ​കാ​ലു​ക​ളി​ല്‍ മു​റി​വ് ഉ​ള്ള​പ്പോ​ള്‍ കെ​ട്ടി​ക്കി​ട​ക്കു​ന്ന വെ​ള്ള​ത്തി​ല്‍ ഇ​റ​ങ്ങു​ന്ന​ത് ഒ​ഴി​വാ​ക്ക​ണം. ശു​ചീ​ക​ര​ണ പ്ര​വ​ര്‍ത്ത​ന​ങ്ങ​ളി​ല്‍ ഏ​ര്‍പ്പെ​ടു​ന്ന​വ​ര്‍, കൃ​ഷി​സം​ബ​ന്ധ​മാ​യി ചേ​റി​ലും ചെ​ളി​യി​ലും ജോ​ലി ചെ​യ്യു​ന്ന​വ​ര്‍, മ​ലി​ന​മാ​യ സാ​ഹ​ച​ര്യ​ങ്ങ​ളി​ല്‍ ജോ​ലി ചെ​യ്യു​ന്ന​വ​ര്‍ എ​ന്നി​വ​ര്‍ എ​ലി​പ്പ​നി പ്ര​തി​രോ​ധ മ​രു​ന്നാ​യ ഡോ​ക്‌​സി സൈ​ക്ലി​ന്‍ ആ​രോ​ഗ്യ​പ്ര​വ​ര്‍ത്ത​ക​രു​ടെ നി​ര്‍ദേ​ശ​പ്ര​കാ​രം ക​ഴി​ക്ക​ണം. ആ​ഹാ​ര​ത്തി​ന് ശേ​ഷം ആ​ണ് ക​ഴി​ക്കേ​ണ്ട​ത്. ജോ​ലി ആ​രം​ഭി​ക്കു​ന്ന​തി​ന്റെ ത​ലേ​ദി​വ​സം ക​ഴി​ക്ക​ണം. ആ​ഴ്ച​യി​ലൊ​രി​ക്ക​ല്‍ എ​ന്ന തോ​തി​ല്‍, പ​ര​മാ​വ​ധി ആ​റ്​ ആ​ഴ്ച വ​രെ ഡോ​ക്സി​സൈ​ക്ലി​ന്‍ ക​ഴി​ക്കാം.
• യാ​ത്രാ​വേ​ള​ക​ളി​ല്‍ വെ​ള്ള​ക്കെ​ട്ടി​ല്‍ ഇ​റ​ങ്ങേ​ണ്ടി വ​ന്നാ​ല്‍ കാ​ല്‍ സോ​പ്പും വെ​ള്ള​വും ഉ​പ​യോ​ഗി​ച്ച് ക​ഴു​കു​ക. കാ​ലു​ക​ളി​ല്‍ മു​റി​വ് ഉ​ണ്ടെ​ങ്കി​ല്‍ ഡോ​ക്ട​റു​ടെ നി​ര്‍ദേ​ശ​പ്ര​കാ​രം എ​ലി​പ്പ​നി പ്ര​തി​രോ​ധ മ​രു​ന്നാ​യ ഡോ​ക്‌​സി സൈ​ക്ലി​ന്‍ ക​ഴി​ക്കു​ക. പ​നി, ത​ല​വേ​ദ​ന, കാ​ലു​ക​ള​ലെ പേ​ശി​ക​ളി​ല്‍ വേ​ദ​ന തു​ട​ങ്ങി​യ​ല​ക്ഷ​ണ​ങ്ങ​ള്‍ അ​നു​ഭ​വ​പ്പെ​ട്ടാ​ല്‍ ചി​കി​ത്സ തേ​ടു​ക.
• വെ​ള്ള​ത്തി​ല്‍ കൂ​ടി വ​യ​റി​ള​ക്ക​രോ​ഗ​ങ്ങ​ളും മ​ഞ്ഞ​പ്പി​ത്ത​വു​മാ​ണ് പ​ക​രു​ക. ഇ​തൊ​ഴി​വാ​ക്കാ​ന്‍ ശു​ചി​ത്വം പാ​ലി​ക്ക​ണം. ആ​ഹാ​ര​ത്തി​ന് മു​ന്‍പും, ശു​ചി മു​റി ഉ​പ​യോ​ഗി​ച്ച​ശേ​ഷ​വും നി​ര്‍ബ​ന്ധ​മാ​യും സോ​പ്പു​പ​യോ​ഗി​ച്ച്​ കൈ ​ക​ഴു​ക​ണം.

ഇ​ക്കാ​ര്യ​ങ്ങ​ൾ ശ്ര​ദ്ധി​ക്കാം

• തി​ള​പ്പി​ച്ചാ​റ്റി​യ വെ​ള്ളം മാ​ത്രം കു​ടി​ക്കു​ക.
• തി​ള​പ്പി​ച്ച വെ​ള്ള​ത്തി​ല്‍ പ​ച്ച​വെ​ള്ളം ക​ല​ര്‍ത്തി ഉ​പ​യോ​ഗി​ക്ക​രു​ത്.
• കി​ണ​ര്‍ ആ​ഴ്ച​യി​ലൊ​രി​ക്ക​ല്‍ ബ്ലീ​ച്ചി​ങ്​ ലാ​യ​നി ഉ​പ​യോ​ഗി​ ച്ച് ശു​ദ്ധീ​ക​രി​ക്ക​ണം.
• പ​നി, ത​ല​വേ​ദ​ന, ഛര്‍ദ്ദി, ക്ഷീ​ണം, മ​നം​പി​ര​ട്ട​ല്‍ എ​ന്നി​വ​യാ​ണ് മ​ഞ്ഞ​പ്പി​ത്ത​ത്തി​ന്റെ പ്രാ​രം​ഭ രോ​ഗ​ല​ക്ഷ​ണ​ങ്ങ​ള്‍. മ​ഞ്ഞ​പ്പി​ത്തം ബാ​ധി​ച്ച രോ​ഗി​ക​ള്‍ മ​റ്റു​ള്ള​വ​രു​മാ​യി സ​മ്പ​ര്‍ക്കം ഒ​ഴി​വാ​ക്കു​ക​യും വീ​ട്ടി​ല്‍ വി​ശ്ര​മി​ക്കു​ക​യും വേ​ണം.